1586 പേർ വിരമിക്കുന്നു; പുതിയ നിയമനം വേണ്ടെന്ന്​ കെ.എസ്​.ഇ.ബി

തൃ​ശൂ​ർ: കെ.​എ​സ്.​ഇ.​ബി​യി​ൽ ന​ട​പ്പു സാ​മ്പ​ത്തി​ക​വ​ർ​ഷം വി​ര​മി​ക്കു​ന്ന 1586 ത​സ്തി​ക​യി​ൽ പു​തു​നി​യ​മ​നം ഉ​ണ്ടാ​യേ​ക്കി​ല്ല. ബോ​ർ​ഡി​ലെ പു​നഃ​സം​ഘ​ട​ന​യു​ടെ ഭാ​ഗ​മാ​യി ചെ​ല​വു​കു​റ​ക്കു​ന്ന​തി​ന്​ വേ​ണ്ടി​യാ​ണി​ത്. ഈ ​മാ​സം ആ​ദ്യ​വാ​രം ചേ​ർ​ന്ന കെ.​എ​സ്.​ഇ.​ബി ലി​മി​റ്റ​ഡി​ന്‍റെ ഡ​യ​റ​ക്ട​ർ​മാ​രു​ടെ യോ​ഗ​മാ​ണ്​ ക​ഴി​ഞ്ഞ​ 11 മു​ത​ലു​ള്ള വി​ര​മി​ക്ക​ൽ നി​യ​മ​ന​ങ്ങ​ൾ മ​ര​വി​പ്പി​ക്കു​ന്ന കാ​ര്യം പ​രി​ഗ​ണി​ക്കാ​ൻ തീ​രു​മാ​നി​ച്ച​ത്. തൊ​ഴി​ൽ സം​ഘ​ട​ന​ക​ളു​മാ​യും സ​ർ​ക്കാ​റു​മാ​യും മ​ന്ത്രി​യു​മാ​യും കൂ​ടി​യാ​ലോ​ചി​ച്ചാ​ണ്​ അ​ന്തി​മ തീ​രു​മാ​ന​മെ​ടു​ക്കു​ക.

കെ.​എ​സ്.​ഇ.​ബി ലി​മി​റ്റ​ഡി​ൽ ന​ട​പ്പാ​ക്കി​യ ക​മ്പ്യൂ​ട്ട​ർ​വ​ത്​​ക​ര​ണ​ത്തി​ന്‍റെ​യും നൂ​ത​ന സാ​​ങ്കേ​തി​ക​വി​ദ്യ​ക​ളു​ടെ​യും ഫ​ല​മാ​യി നി​ല​വി​ലെ ജീ​വ​ന​ക്കാ​രു​ടെ എ​ണ്ണ​വും ചെ​ല​വു​ക​ളും കു​റ​ക്കാ​നും അ​ധി​ക​മാ​യി ക​ണ്ടെ​ത്തു​ന്ന ജീ​വ​ന​ക്കാ​രെ പു​ന​ർ​വി​ന്യ​സി​ക്കാ​നും റെ​ഗു​ലേ​റ്റ​റി ക​മീ​ഷ​ൻ കെ.​എ​സ്.​ഇ.​ബി​ക്ക്​ നി​ർ​ദേ​ശം ന​ൽ​കി​യി​രു​ന്നു. കെ.​എ​സ്.​ഇ.​ബി ലി​മി​റ്റ​ഡി​ൽ നി​ല​വി​ൽ ജോ​ലി ചെ​യ്യു​ന്ന 33,000ത്തോ​ളം ജീ​വ​ന​ക്കാ​രി​ൽ 27,175 പേ​ർ​ക്ക്​​ ശ​മ്പ​ള​വും മ​റ്റ്​ ആ​നു​കൂ​ല്യ​ങ്ങ​ളും ന​ൽ​കാ​നു​ള്ള തു​ക മാ​ത്ര​മേ കേ​ര​ള സ്​​റ്റേ​റ്റ്​ ഇ​ല​ക്​​ട്രി​സി​റ്റി റെ​ഗു​ലേ​റ്റ​റി ക​മീ​ഷ​ൻ അ​നു​വ​ദി​ച്ചി​ട്ടു​ള്ളൂ.

മ​റ്റു​ള്ള​വ​രു​ടെ ശ​മ്പ​ള-​ആ​നു​കൂ​ല്യ ചെ​ല​വ്​ താ​രി​ഫ്​ ഇ​ന​ത്തി​ൽ കി​ട്ടാ​ത്ത സാ​ഹ​ച​ര്യ​ത്തി​ൽ ജീ​വ​ന​ക്കാ​രു​ടെ എ​ണ്ണം കു​റ​ക്കാ​നു​ള്ള വ​ഴി​ക​ൾ തേ​ടു​ക​യാ​ണ്​ കെ.​എ​സ്.​ഇ.​ബി. ബോ​ർ​ഡി​ലെ അ​നാ​വ​ശ്യ ത​സ്തി​ക​ക​ളെ​യും ചി​ല ഓ​ഫി​സു​ക​ളി​ലെ അ​ധി​ക ജീ​വ​ന​ക്കാ​രെ​യും പു​നഃ​ക്ര​മീ​ക​രി​ക്കു​ക എ​ന്ന​താ​ണ്​ ഇ​പ്പോ​ൾ വി​ര​മി​ക്കു​ന്ന​വ​ർ​ക്കു പ​ക​രം ആ​ളെ നി​യ​മി​ക്കേ​ണ്ട​തി​ല്ലെ​ന്ന തീ​രു​മാ​ന​ത്തി​ന്​ പി​ന്നി​ലെ​ന്ന്​ ചൂ​ണ്ടി​ക്കാ​ണി​ക്ക​പ്പെ​ടു​ന്നു.

അ​നാ​വ​ശ്യ ത​സ്തി​ക​ക​ൾ വ​ഴി കോ​ടി​ക്ക​ണ​ക്കി​ന്​ രൂ​പ​യാ​ണ്​ പ്ര​തി​മാ​സം ന​ഷ്ട​മാ​കു​ന്ന​തെ​ന്ന്​ വി​ദ​ഗ്​​ധ​ർ ചൂ​ണ്ടി​ക്കാ​ട്ടി​യി​രു​ന്നു. സ്ഥാ​ന​ക്ക​യ​റ്റം ഉ​ൾ​പ്പെ​ടെ​യു​ള്ള ന​ട​പ​ടി​ക​ൾ​ക്ക്​ വി​ല​ക്ക്​ വ​രു​മോ എ​ന്ന ആ​ശ​ങ്ക​യി​ലാ​ണ്​ ജീ​വ​ന​ക്കാ​ർ. പു​തു​നി​യ​മ​നം കാ​ത്തി​രു​ന്ന​വ​ർ​ക്കും നീ​ക്കം തി​രി​ച്ച​ടി​യാ​യി​ട്ടു​ണ്ട്.