പെൺകുട്ടിയെ മദ്യം കുടിപ്പിച്ച്​ കൂട്ടബലാത്സംഗം ചെയ്​തു​

നോയിഡ: പ്രായപൂർത്തിയാകാത്ത പെൺകുട്ടിയെ തട്ടികൊണ്ടുപോയി മദ്യം കുടിപ്പിച്ച്​ കൂട്ടബലാത്സംഗത്തിനിരയാക്കി. നോയിഡയിലെ ഗൗതം ബുദ്ധനഗറിലാണ്​ സംഭവം നടന്നത്​.

ദസ്​താംപുർ സ്വദേശിയായ പതിനാറുകാരി തുന്നൽ ക്ലാസ്​ കഴിഞ്ഞ്​ വീട്ടിലേക്ക്​ മടങ്ങുന്ന വഴി ബെക്കിലെത്തിയ രണ്ടുപേർ പെൺകുട്ടിയെ തട്ടികൊണ്ടുപോവുകയായിരുന്നു. പെൺകുട്ടിയെ നിർബന്ധിച്ച്​ മദ്യം കഴിപ്പിച്ച് ബലാത്സംഗം ചെയ്യുകയും പിറ്റേദിവസം രാവിലെ ​വീടിനു സമീപം ഉപേക്ഷിച്ച്​ കടന്നുകളയുകയുമായിരുന്നു.

പെൺകുട്ടിയുടെ കുടുംബാംഗങ്ങളുടെ പരാതിയിൽ പോക്​സോ ആക്​റ്റ്​ പ്രകാരം പൊലീസ്​ കേസെടുത്തു.