സ്വാതന്ത്ര്യ സമര സ്മൃതികളിൽ പ്രഥമ കോൺഗ്രസ് സമ്മേളനം

ഒ​റ്റ​പ്പാ​ലം: 1921 ഏ​പ്രി​ൽ 23. ബ്രി​ട്ടീ​ഷ് ഭ​ര​ണ​ത്തി​നെ​തി​രെ ന​ട​ന്ന സ്വാ​ത​ന്ത്ര്യ സ​മ​ര​ത്തി​ന്‍റെ ച​രി​ത്ര​വ​ഴി​യി​ൽ കേ​ര​ള പ്ര​ദേ​ശ് കോ​ൺ​ഗ്ര​സി​ന്റെ പ്ര​ഥ​മ സ​മ്മേ​ള​നം ഒ​റ്റ​പ്പാ​ല​ത്ത് ആ​രം​ഭി​ച്ച​ത് അ​ന്നാ​യി​രു​ന്നു. ബ്രി​ട്ടീ​ഷ് ഭ​ര​ണ​ത്തി​നെ​തി​രെ ഉ​യ​ർ​ന്ന പ്ര​തി​ഷേ​ധ ക​ന​ൽ ഊ​തി തീ​ജ്വാ​ല​യാ​ക്കാ​ൻ ഈ ​സ​മ്മേ​ള​ന​ത്തി​ന് ക​ഴി​ഞ്ഞെ​ന്ന​തും ച​രി​ത്രം.

കെ.​പി.​സി.​സി​യു​ടെ തീ​രു​മാ​ന​മ​നു​സ​രി​ച്ചാ​യി​രു​ന്നു മൂ​ന്നു​നാ​ൾ നീ​ണ്ട സ​മ്മേ​ള​നം. കൊ​ച്ചി, തി​രു​വി​താം​കൂ​ർ, മ​ല​ബാ​ർ പ്ര​ദേ​ശ​ങ്ങ​ൾ ഉ​ൾ​പ്പെ​ട്ട പ്ര​ദേ​ശ് കോ​ൺ​ഗ്ര​സ് ക​മ്മി​റ്റി​യു​ടെ സാ​ര​ഥ്യം വ​ഹി​ച്ച​ത് സെ​ക്ര​ട്ട​റി​യാ​യി​രു​ന്ന കെ. ​മാ​ധ​വ​ൻ നാ​യ​രും ജോ. ​സെ​ക്ര​ട്ട​റി​യാ​യി​രു​ന്ന യു. ​ഗോ​പാ​ല​മേ​നോ​നും കെ.​വി. കു​ഞ്ഞു​ണ്ണി​മേ​നോ​നും (ഓ​ഫി​സ് സെ​ക്ര​ട്ട​റി) ആ​യി​രു​ന്നു.

അ​ഭി​ഭാ​ഷ​ക​നും പൗ​ര പ്ര​മു​ഖ​നു​മാ​യി​രു​ന്ന പെ​രു​മ്പി​ലാ​വി​ൽ രാ​മു​ണ്ണി മേ​നോ​നാ​യി​രു​ന്നു ഒ​റ്റ​പ്പാ​ലം സ​മ്മേ​ള​ന​ത്തി​ന്‍റെ ചു​മ​ത​ല. ഇ​ദ്ദേ​ഹം സെ​ക്ര​ട്ട​റി​യും എ​ൽ.​എ​ൻ. സു​ബ്ബ​രാ​മ​യ്യ​ർ പ്ര​സി​ഡ​ന്‍റു​മാ​യ സ്വാ​ഗ​ത സം​ഘ​മാ​ണ് സ​മ്മേ​ള​നം നി​യ​ന്ത്രി​ച്ചി​രു​ന്ന​ത്.

23ന് ​ഉ​ച്ച​ക്ക് ര​ണ്ടി​ന് സ​മ്മേ​ള​നം ആ​രം​ഭി​ച്ചു. ഇ​തി​നും ര​ണ്ട് ദി​വ​സം മു​മ്പ് സ​മ്മേ​ള​ന ന​ഗ​രി​യി​ലേ​ക്ക് സ്വാ​ത​ന്ത്ര്യം സ്വ​പ്നം ക​ണ്ടി​രു​ന്ന​വ​രു​ടെ പ്ര​വാ​ഹം തു​ട​ങ്ങി​യി​രു​ന്നു.

ഗാ​ന്ധി​ജി​യു​ടെ​യും മ​റ്റു ദേ​ശീ​യ നേ​താ​ക്ക​ളു​ടെ​യും പു​സ്ത​ക​ങ്ങ​ളും അ​വ​രു​ടെ ഛായാ​ചി​ത്ര​ങ്ങ​ളും പ​ന്ത​ലി​ൽ പ്ര​ദ​ർ​ശി​പ്പി​ക്ക​പ്പെ​ട്ടു. ബ്രി​ട്ടീ​ഷ് ഭ​ര​ണ​ത്തി​നെ​തി​രെ ഉ​രു​ണ്ടു​കൂ​ടു​ന്ന കാ​ർ​മേ​ഘ​ങ്ങ​ൾ മ​ണ​ത്ത​റി​ഞ്ഞ മ​ല​ബാ​ർ ജി​ല്ല പൊ​ലീ​സ് സൂ​പ്ര​ണ്ടാ​യി​രു​ന്ന ഹി​ച്ച് കോ​ക്ക് ഒ​റ്റ​പ്പാ​ല​ത്തെ നി​രീ​ക്ഷ​ണ ചു​മ​ത​ല സ്വ​യം ഏ​റ്റെ​ടു​ത്തു. വ​ൻ പൊ​ലീ​സ് സ​ന്നാ​ഹ​വും ഒ​റ്റ​പ്പാ​ല​ത്ത് ത​മ്പ​ടി​ച്ചു. പൊ​തു​സ​മ്മേ​ള​ങ്ങ​ളി​ൽ ന​മ്പൂ​തി​രി​മാ​ർ പോ​കു​ന്ന​തി​നു ഏ​ർ​പ്പെ​ടു​ത്തി​യി​രു​ന്ന സ​മു​ദാ​യ വി​ല​ക്ക് ലം​ഘി​ച്ച് ഉ​ണ്ണി ന​മ്പൂ​തി​രി​മാ​ർ പ​ങ്കെ​ടു​ത്ത സ​മ്മേ​ള​ന​മെ​ന്ന സ​വി​​ശേ​ഷ​ത​യും ഇ​തി​നു​ണ്ടാ​യി​രു​ന്നു. ആ​ന്ധ്ര കേ​സ​രി ടി. ​പ്ര​കാ​ശം ആ​യി​രു​ന്നു സ​മ്മേ​ള​ന​ത്തി​ന്‍റെ അ​ധ്യ​ക്ഷ​ൻ. പാ​ലി​യ​ത്ത് കു​ഞ്ഞു​ണ്ണി അ​ച്ഛ​ൻ, കെ.​പി. കേ​ശ​വ​മേ​നോ​ൻ, ബാ​രി​സ്റ്റ​ർ എ.​കെ. പി​ള്ള, ക​ട്ടി​ല​ശ്ശേ​രി മു​ഹ​മ്മ​ദ് മൗ​ല​വി, പാ​ലി​യ​ത്ത് രാ​മ​ൻ മേ​നോ​ൻ, സൈ​ത് മു​ഹ​മ്മ​ദ് മൗ​ല​വി തു​ട​ങ്ങി​യ​വ​ർ വേ​ദി​യി​ലു​ണ്ടാ​യി​രു​ന്നു.

അ​ഭി​ഭാ​ഷ​ക​രോ​ട് കോ​ട​തി​ക​ളും വി​ദ്യാ​ർ​ഥി​ക​ളോ​ട് ബ്രി​ട്ടീ​ഷു​കാ​രു​ടെ ക​ലാ​ല​യ​ങ്ങ​ളും പൊ​തു​ജ​ന​ങ്ങ​ളോ​ട് വി​ദേ​ശ വ​സ്ത്ര​ങ്ങ​ളും ബ​ഹി​ഷ്ക​രി​ക്കാ​നാ​യി​രു​ന്നു നേ​താ​ക്ക​ളു​ടെ ആ​ഹ്വാ​നം. വൈ​കീ​ട്ട് ന​ട​ന്ന ഖി​ലാ​ഫ​ത്ത് സ​മ്മേ​ള​ന​ത്തി​ൽ മു​സ്‍ലി​ങ്ങ​ളോ​ടൊ​പ്പം ഹി​ന്ദു​ക്ക​ളു​ടെ​യും സ​ജീ​വ സാ​ന്നി​ധ്യ​മാ​യി.

26ന് ​രാ​വി​ലെ ‘ഇ​ൻ​ഡി​പെ​ൻ​ഡ​ന്റ്’ പ​ത്രാ​ധി​പ​ർ ജോ​ർ​ജ് ജോ​സ​ഫി​ന്റെ അ​ധ്യ​ക്ഷ​ത​യി​ൽ ആ​രം​ഭി​ച്ച സ​മ്മേ​ള​ന​ത്തി​ൽ വി​ദ്യാ​ല​യ ബ​ഹി​ഷ്‌​ക​ര​ണം മു​ഖ്യ​വി​ഷ​യ​മാ​യി. എ​ല്ലാ ജ​ന​വി​ഭാ​ഗ​ങ്ങ​ളെ​യും സ​മ്മേ​ള​ന​പ്പ​ന്ത​ലി​ൽ ഒ​രു​മി​ച്ചു​ക​ണ്ട​തോ​ടെ ബ്രി​ട്ടീ​ഷ് പൊ​ലീ​സി​നു​ണ്ടാ​യ രോ​ഷം ജ​ന​ങ്ങ​ൾ​ക്കു​നേ​രെ മ​ർ​ദ​നം അ​ഴി​ച്ചു​വി​ട്ടാ​ണ് പ​ക തീ​ർ​ത്ത​ത്.

പെ​രു​മ്പി​ലാ​വി​ൽ രാ​മു​ണ്ണി മേ​നോ​നും ഖി​ലാ​ഫ​ത്ത് സെ​ക്ര​ട്ട​റി ഹ​മീ​ദ്‌​ഖാ​നും അ​ന്വേ​ഷി​ക്കാ​നാ​യി സം​ഭ​വ​സ്ഥ​ല​ത്തെ​ത്തി.

രാ​മു​ണ്ണി​മേ​നോ​ന് ക്രൂ​ര മ​ർ​ദ​ന​മാ​ണ് ഏ​ൽ​ക്കേ​ണ്ടി​വ​ന്ന​ത്. വ​ള​ന്റി​യ​ർ ക്യാ​പ്റ്റ​നാ​യി​രു​ന്ന വി.​ടി. ഭ​ട്ട​തി​രി​പ്പാ​ടി​നെ എ​റി​ഞ്ഞു​വീ​ഴ്ത്തി ഇ​രു​മ്പു​വ​ടി​കൊ​ണ്ട​ടി​ച്ചു പ​രി​ക്കേ​ൽ​പ്പി​ച്ചു. ദേ​ശീ​യ പ്ര​സ്ഥാ​ന​ത്തി​ലേ​ക്ക് വി.​ടി കാ​ലെ​ടു​ത്തു​വെ​ച്ച​ത് ഒ​റ്റ​പ്പാ​ലം സ​മ്മേ​ള​ന​ത്തി​ൽ നി​ന്നു​ൾ​ക്കൊ​ണ്ട ഊ​ർ​ജ​ത്തി​ന്റെ പി​ൻ​ബ​ല​ത്തി​ലാ​യി​രു​ന്നു.