2000 കോടികൂടി കടമെടുക്കുന്നു

തി​രു​വ​ന​ന്ത​പു​രം: ക​ട​മെ​ടു​പ്പ്​ പ​രി​ധി കേ​ന്ദ്രം വെ​ട്ടി​ക്കു​റ​ച്ച​തു​മാ​യി ബ​ന്ധ​പ്പെ​ട്ട്​ ത​ർ​ക്കം തു​ട​ര​വെ 2000 ​കോ​ടി രൂ​പ​കൂ​ടി ക​ട​മെ​ടു​ക്കാ​ൻ സം​സ്ഥാ​നം തീ​രു​മാ​നി​ച്ചു. ഈ ​ആ​ഴ്ച 2000 കോ​ടി നേ​ര​ത്തേ ക​ട​മെ​ടു​ത്തി​രു​ന്നു. അ​തി​ന്​ പി​ന്നാ​ലെ​യാ​ണി​ത്. ഇ​ക്കൊ​ല്ല​ത്തേ​ക്ക്​ 15390 കോ​ടി രൂ​പ​യാ​ണ്​ കേ​ന്ദ്രം ക​ട​മെ​ടു​ക്കാ​ൻ അ​നു​വ​ദി​ച്ച​ത്. ഇ​തു​കൂ​ടി​യാ​യ​പ്പോ​ൾ എ​ടു​ക്കു​ന്ന ക​ടം 5000 കോ​ടി ക​ട​ക്കും.

പു​തു​താ​യി എ​ടു​ക്കു​ന്ന 2000 കോ​ടി രൂ​പ​യു​ടെ ക​ട​പ്പ​ത്ര ലേ​ലം ജൂ​ൺ ആ​റി​ന്​ റി​സ​ർ​വ് ബാ​ങ്കി​ന്റെ മും​ബൈ ഫോ​ർ​ട്ട് ഓ​ഫി​സി​ൽ ന​ട​ക്കും. തൊ​ട്ട​ടു​ത്ത ദി​വ​സം പ​ണം ല​ഭി​ക്കും. ക​ട​പ​രി​ധി വെ​ട്ടി​ക്കു​റ​ച്ച​തി​ന്‍റെ കാ​ര​ണം ആ​വ​ശ്യ​പ്പെ​ട്ട്​ സം​സ്ഥാ​നം കേ​ന്ദ്ര​ത്തി​ന്​ ക​ത്ത​യ​ച്ചി​ട്ടു​ണ്ട്. കേ​ന്ദ്രം ഇ​തി​ന്​ മ​റു​പ​ടി ന​ൽ​കു​മെ​ന്ന്​ അ​റി​യി​ച്ചെ​ങ്കി​ലും ല​ഭി​ച്ചി​ട്ടി​ല്ല. വി​ശ​ദ​മാ​യ മ​റു​പ​ടി കേ​ന്ദ്രം ന​ൽ​കു​മെ​ന്നാ​ണ്​ വി​വ​രം.

കി​ഫ്​​ബി, പൊ​തു​മേ​ഖ​ല സ്ഥാ​പ​ന​ങ്ങ​ൾ എ​ന്നി​വ വ​ഴി എ​ടു​ത്ത ക​ട​ങ്ങ​ൾ സം​സ്ഥാ​ന​ത്തി​ന്‍റെ ക​ട​ത്തി​ൽ ഉ​ൾ​പ്പെ​ടു​ത്താ​നാ​ണ്​ കേ​ന്ദ്ര തീ​രു​മാ​നം. സം​സ്ഥാ​ന​ത്തി​ന്​ അ​ർ​ഹ​ത​പ്പെ​ട്ട ക​ട​പ​രി​ധി അ​ടി​സ്ഥാ​ന​മാ​ക്കി​യാ​ണ്​ ബ​ജ​റ്റ്​ നി​യ​മ​സ​ഭ​യി​ൽ അ​വ​ത​രി​പ്പി​ച്ച്​ പാ​സാ​ക്കി​യ​ത്. ഇ​ത്​ ല​ഭി​ക്കാ​തെ വ​ന്നാ​ൽ സാ​മ്പ​ത്തി​ക ഞെ​രു​ക്കം രൂ​ക്ഷ​മാ​കും. ക​ട​പ​രി​ധി ഉ​യ​ർ​ത്താ​നു​ള്ള സ​മ്മ​ർ​ദ​മാ​കും ഇ​നി സം​സ്ഥാ​നം ന​ട​ത്തു​ക. ഇ​ക്കാ​ര്യ​ത്തി​ൽ കേ​ന്ദ്ര​ത്തി​നെ​തി​രെ നി​യ​മ​ന​ട​പ​ടി​ക​ൾ അ​ട​ക്കം ആ​ലോ​ചി​ച്ചു​വ​രി​ക​യാ​ണ്.