കോൺഗ്രസ്​ ഒറ്റക്കെട്ടായി മുന്നോട്ട്​ പോകും -രമേശ്​ ചെന്നിത്തല​

തിരുവനന്തപുരം: കോൺഗ്രസ്​ ഒറ്റക്കെട്ടായി മുന്നോട്ട്​ പോകുമെന്നും കോൺഗ്രസിനോടൊ യു.ഡി.എഫിലോ കെ.എം മാണി ഒരു പരാതിയും ഉന്നയിച്ചിട്ടില്ലെന്നും പ്രതിപക്ഷ നേതാവ് രമേശ് ചെന്നിത്തല. യു.ഡി.എഫ് ചതിച്ചുവെന്ന് മാണി പറയുന്നത് എന്തുകൊണ്ടാണെന്ന് അറിയില്ല. ജനാധിപത്യ വിശ്വാസികളെയാണ്​ മാണി വഞ്ചിച്ചത്​. ദേശീയ തലത്തിലും സംസ്​ഥാനത്തും കോൺഗ്രസ്​ ശക്​തിപ്പെടുത്തേണ്ട സമയത്താണ്​ മാണി മുന്നണി വിടുന്ന​ത്​. കോൺഗ്രസാണ്​ ഇപ്പോൾ സംസ്​ഥാനം ഭരിക്കുന്ന​തെങ്കിൽ മാണി മുന്നണി വിടുമായിരുന്നുവോയെന്നും ചെന്നിത്തല ചോദിച്ചു.

മാണിയുടെ പ്രശ്​നം അധികാരമാണെന്നും അ​ദ്ദേഹം വ്യക്​തമാക്കി. കോൺഗ്രസിന്‍റെ ആത്മാഭിമാനത്തെ ചോദ്യം ചെയ്യാൻ ആരെയും അനുവദിക്കില്ലെന്നും ചെന്നിത്തല പറഞ്ഞു.