സര്‍വകലാശാലാ ജീവനക്കാരുടെ ശമ്പള–പെന്‍ഷന്‍ പരിഷ്കരണ ഉത്തരവിറങ്ങി

തിരുവനന്തപുരം: സര്‍വകലാശാലാ ജീവനക്കാരുടെ ശമ്പളവും പെന്‍ഷനും പരിഷ്കരിച്ച് ധനവകുപ്പ് ഉത്തരവ് പുറപ്പെടുവിച്ചു. ജനുവരി 21ാം തീയതി വെച്ചാണ് ഉത്തരവ്. 1-7-2014 മുതലാണ് പ്രാബല്യം.
സര്‍ക്കാര്‍ ജീവനക്കാരുടെയും അധ്യാപകരുടെയും ശമ്പള-പെന്‍ഷന്‍ പരിഷ്കരണ ഉത്തരവ് നേരത്തേ ഇറങ്ങിയിരുന്നു. സര്‍ക്കാര്‍ ജീവനക്കാരുടെയും അധ്യാപകരുടെയും സ്കെയിലിന് സമാനമായാണ് സര്‍വകലാശാലാ ജീവനക്കാരുടേതും.
പുതിയ ശമ്പളത്തോടൊപ്പം ഒമ്പത് ശതമാനം ഡി.എ കൂടി ഉണ്ടാകുമെന്നാണ് നേരത്തേ സര്‍ക്കാര്‍ പഞ്ഞിരുന്നത്.
ആറ് ശതമാനം ഡി.എ എന്നാണ് ഉത്തരവില്‍ പറയുന്നത്. 1-1-2015ലെ മൂന്ന് ശതമാനം, 1-7-2015ലെ മൂന്ന് ശതമാനം എന്നിങ്ങനെയാണ് ഡി.എ കണക്കാക്കുകയെന്ന് രണ്ട് ഉത്തരവിലും പറയുന്നു.