എടവണ്ണയില്‍ മൂന്നുനില കെട്ടിടത്തില്‍ തീപിടുത്തം

 മഞ്ചേരി: എടവണ്ണ അങ്ങാടിക്കു സമീപം വണ്ടൂര്‍ റോഡില്‍ മൂന്നു നില ബില്‍ഡിങിനു തീപിടിച്ചു. തീ ആളിപ്പടര്‍ന്നതോടെ സമീപത്തെ സീതിഹാജി മെമ്മോറിയല്‍ ഹയര്‍സെക്കണ്ടറി സ്കൂളിലെ വിദ്യാര്‍ഥികളെ സ്കൂളില്‍ നിന്നും മാറ്റി.
വ്യാഴാഴ്ച ഉച്ചക്ക് രണ്ടോടെയാണ് തീ പടര്‍ന്നത്. കമ്പ്യൂട്ടര്‍ ഷോപ്പ്, പലചരക്ക് കട, മെഡിക്കല്‍ ഷോപ്പ് തുടങ്ങിയ സ്ഥാപനങ്ങളാണ് കെട്ടിടത്തില്‍. മലപ്പുറം, മഞ്ചേരി, നിലമ്പൂര്‍ ഭാഗങ്ങളില്‍ നിന്ന് ഫയര്‍ ഫോഴ്സ് യൂനിറ്റുകളത്തെി ഒന്നര മണിക്കൂറോളം പണിപ്പെട്ട് നാട്ടുകാരുടെ സഹകരണത്തോടെയാണ് തീയണച്ചത്. ആര്‍ക്കും പരിക്കില്ല.