കോൺഗ്രസ്​ പാർട്ടി കരകയറുന്ന ലക്ഷണമില്ലെന്ന്​ കെ.മുരളീധരൻ

കോഴിക്കോട്​: കോൺഗ്രസ്​ പാർട്ടിക്കെതിരെ രൂക്ഷ വിമർശവുമായി കെ.മുരളീധരൻ എം.എൽ.എ. കോൺഗ്രസ്​ പാർട്ടി കരകയറുന്ന ലക്ഷണമില്ലെന്നും വലിയ പരിക്കാണ്​ പാർട്ടിക്ക്​ സംഭവിച്ചതെന്നും അദ്ദേഹം പറഞ്ഞു. ഇതിന്​ വലിയ ശസ്ത്രക്രിയ ആവശ്യമാണ്​. പാർട്ടിക്ക്​ സമരം നടത്താനുള്ള ശേഷി നഷ്​ടപ്പെട്ടു. നിയമസഭയിൽ ഉന്നയിക്കുന്ന കാര്യങ്ങൾ ഏറ്റെടുത്ത്​ നടത്താൻ പറ്റുന്നില്ല. മുതിർന്ന നേതാക്കൾ പോലും സമരം നടത്താൻ മുന്നോട്ട്​ വരുന്നില്ലെന്നും മുരളീധരൻ കുറ്റപ്പെടുത്തി.

ത​െൻറ മണ്ഡലത്തിൽ പൈസ കൊടുത്തിട്ട്​ പോലും പ്രചരണത്തിനിറങ്ങാൻ ആളെ കിട്ടിയില്ല. പാർട്ടി നേതൃത്വത്തിന്​ പരാതി കൊടുത്തിട്ട്​ കാര്യമില്ലെന്നും അതിന്​ തയ്യാറല്ലെന്നും കെ. മുരളീധരൻ വ്യക്​തമാക്കി. നിയമസഭ തെരഞ്ഞെടുപ്പിൽ ഞാൻ ജയിച്ചത്​ ജനങ്ങളുടെ പിന്തുണയുള്ളത്​ കൊണ്ട്​ മാത്രമാണ്​. നേതൃത്വത്തിന്​ ആശങ്ക സ്വന്തം കാ​ര്യത്തിൽ മാത്രമാണെന്ന​ും അദ്ദേഹം കുറ്റപ്പെടുത്തി.

തദ്ദേശസ്വയംഭരണ തെരഞ്ഞെടുപ്പിൽ നഷ്​ടപ്പെട്ട സാമുദായിക വോട്ടുകൾ നിയമസഭ തെരഞ്ഞെടുപ്പിലും പാർട്ടിക്ക്​ ലഭിച്ചില്ലെന്നും തെരഞ്ഞെടുപ്പി​ലേറ്റ കനത്ത പരാജയം പാർട്ടി ഗൗരവമായി എടുത്തില്ലെന്നും കെ. മുരളീധരൻ അഭിപ്രായപ്പെട്ടു. കോൺഗ്രസ്​ നേതാവും മുൻ മേയറുമായ പി.ടി മധുസൂദനൻ കുറുപ്പി​െൻറ അനുസ്​മരണ യോഗത്തിൽ സംസാരിക്കുകയായിരുന്നു അദ്ദേഹം.