പി.ബി അബ്​ദുൽ റസാഖ്​ കന്നടയിൽ, എസ്​. രാ​േജ​ന്ദ്രൻ തമിഴിൽ- വ്യത്യസ്​തതയോടെ സത്യ​പ്രതിജ്​ഞ

തിരുവനന്തപുരം: 14ാം കേരള നിയമസഭയുടെ ആദ്യ സമ്മേളനത്തിന്​ എം.എല്‍.എമാരുടെ സത്യപ്രതിജ്ഞയോടെ തുടക്കം. മഞ്ചേശ്വരത്തു നിന്നുള്ള ലീഗ്​ എം.എൽ.എ പി.ബി അബ്​ദുൽ റസാഖ്​ കന്നടയിൽ സത്യപ്രതിജ്​ഞ ചെയ്​തപ്പോൾ ദേവികുളം എം.എൽ.എ എസ്​ രാജേന്ദ്രൻ തമിഴിലാണ്​ സത്യപ്രതിജ്​ഞ ചെയ്​തത്​. ചില അംഗങ്ങൾ ദൈവനാമത്തിലും ചിലർ സഗൗരവും സത്യപ്രതിജ്​ഞ ചെയ്​തു.  പൂഞ്ഞാറിൽ നിന്ന്​ സ്വതന്ത്രനായി വിജയിച്ച പി.സി ജോർജ്​ ദൈവനാമത്തിൽ സഗൗരവം സത്യപ്രതിജ്​ഞ ചെയത്​  വ്യത്യസ്​തനായി. കേരള നിയമസഭയിൽ ആദ്യമായി അക്കൗണ്ട്​ തുറന്ന ബി.ജെ.പിയുടെ ഒ.രാജഗോപാലൽ ദൈവനാമത്തിൽ സത്യപ്രതിജ്​ഞ ചെയ്​തു. കോൺഗ്രസി​െല ഹൈബി ഇൗഡനും കെ മുരളീധരനും ഇംഗ്ലീഷിലാണ്​ സത്യപ്രതിജ്​ഞ ചെയ്​തത്​.

രാവിലെ ഒമ്പത്​ മണിക്കാണ്​​ 14ാം കേരള നിയമസഭയുടെ ആദ്യ സമ്മേളന നടപടികൾ ആരംഭിച്ചത്.  ഇംഗ്ലീഷ്​ അക്ഷരമാല ക്രമത്തിലാണ്​ അംഗങ്ങളെ സത്യപ്രതിജ്​ഞക്ക്​ ക്ഷണിച്ചത്​. സഭയുടെ നടുത്തളത്തിൽ സ്പീക്കര്‍ക്ക് അഭിമുഖമായി പ്രത്യേകം തയാറാക്കിയ പ്രസംഗപീഠത്തിലാണ്​ സ​ത്യപ്രതിജ്​ഞ നടന്നത്​. വള്ളിക്കുന്നിൽ നിന്നുള്ള മുസ്​ലിം ലീഗ്​ എം.എൽ.എ പി.അബ്​ദുൽ ഹമീദ്​  ഒന്നാമതായും ഗുരുവായൂർ എം.എൽ.എ കെ.വി അബ്​ദുൽ ഖാദർ​ രണ്ടാമത​ും​ സത്യപ്രതിജ്​ഞ ചെയ്​തു​.

139 പേർ എം.എൽ.എമാരാണ്​ സത്യപ്രതിജ്​ഞ ചെയ്​തത്​. സഭ നിയന്ത്രിച്ചിരുന്ന പ്രോ ടെം സ്പീക്കര്‍ എസ്. ശര്‍മ​ നേരത്തെ ഗവർണറുടെ മുന്നിൽ സത്യപ്രതിജ്​ഞ ചെയ്​തിരുന്നു. മുഖ്യമന്ത്രി പിണറായി വിജയന്‍ 137-ാമതായി സഗൗരവം സത്യ പ്രതിജ്ഞ ചെയ്തു.

പട്ടാമ്പി എം.എൽ.എ മുഹമ്മദ്​ മുഹ്​സിൻ സത്യപ്രതിജ്​ഞ ചെയ്യുന്നു

 

സി.പി.എം ചിഹ്​നത്തിൽ മത്സരിച്ച ആറന്മുള എം.എൽ.എ വീണ ജോർജും കോതമംഗലം എംഎൽഎ ആൻറണി ​േജാണും ദൈവനാമത്തിൽ സത്യപ്രതിജ്​ഞ ചെയ്​തു. കഴിഞ്ഞ തവണ ദൈവനാമത്തിൽ സത്യപ്രതിജ്​ഞ ചെയ്​ത ​കൊട്ടാരക്കര എം.എൽ.എ ​െഎഷ പോറ്റി ഇത്തവണ സഗൗരവമാണ്​ പ്രതിജ്​ഞ ചെയ്​തത്​. കൊല്ലത്ത് നിന്നുളള സി.പി.എം എം.എല്‍.എ എം. മുകേഷ് സഗൗരവം  പ്രതിജ്ഞ ചെയ്തു.
 
തൃത്താലയില്‍ നിന്നുളള കോണ്‍ഗ്രസ് എം.എല്‍എ. വിടി ബൽറാമും സഭയിലെ ഏറ്റവും പ്രായം കുറഞ്ഞ അംഗവും പട്ടാമ്പിയില്‍ നിന്നുളള സി.പി.ഐ എം.എൽ. എയുമായ  മുഹമ്മദ് മുഹ്‌സിനും സഗൗരവമാണ്​ പ്രതിജ്​ഞ ചെയ്​തത്​.