സമൂസ പൊരിക്കുന്ന തിരക്കില്‍ മുഹമ്മദും കുടുംബവും

വടുതല: നോമ്പുകാലം ആരംഭിച്ചതോടെ പാണാവള്ളി പടവുങ്കല്‍ മുഹമ്മദും കുടുംബവും പള്ളികളില്‍ എത്തുന്ന വിശ്വാസികള്‍ക്ക് നോമ്പുതുറ വിഭവം തയാറാക്കുന്ന തിരക്കിലാണ്. വര്‍ഷങ്ങളായി ഈ കുടുംബത്തില്‍നിന്നാണ് പ്രദേശത്തെ പള്ളികളിലേക്ക് രുചിയൂറുന്ന സമൂസ തയാറാക്കി നല്‍കുന്നത്.

രാവിലെമുതല്‍ ആരംഭിക്കുന്ന സമൂസ പൊരിക്കല്‍ വൈകുന്നേരമാണ് അവസാനിക്കുന്നത്. നോമ്പുതുറ പലഹാരങ്ങള്‍ വാങ്ങാന്‍  മുഹമ്മദിന്‍െറ വീട്ടില്‍ വലിയതിരക്കാണ്.  സഹായവുമായി ഭാര്യ റംലയും മക്കളും കൂടെയുണ്ടാകും.  ഓര്‍ഡര്‍ ലഭിക്കുന്നതനുസരിച്ച്  ആറുമണിയോടെ പള്ളികളില്‍ സമൂസ എത്തിക്കും.