കോഴിക്കോട്​ വ്യാപാര സ്ഥാപനത്തിൽ തീപിടുത്തം

കോഴിക്കോട്​: മാവൂർ റോഡിൽ വുഡ്​ലാൻഡ്​ ഷോറൂമിന്​ അടിയിലെ ഗോഡൗണിന്​ തീപിടിച്ചു. ഉച്ചക്ക്​ ഒന്നേകാലോടെയായിരുന്നു തീപിടുത്തം. ജനറേറ്ററിൽ നിന്നുള്ള ഷോർട്ട്​ സർക്യൂട്ടിനെ തുടർന്ന്​ ഗോഡൗണിലെ പേപ്പർബാഗുകളും ചെരിപ്പ്​ പെട്ടികൾക്കും തീപിടിക്കുകയായിരുന്നു.  കെട്ടിടത്തി​െൻറ മുകളിലത്തെ നിലയിലെ കമ്പ്യൂട്ടർ പരിശീലന സ്ഥാപനത്തിലുണ്ടായിരുന്ന  വിദ്യാർഥികളെ ഫയർഫോഴ്​സും നാട്ടുകാരും ചേർന്ന്​ രക്ഷപെടുത്തി. ഫയർഫോഴ്​സെത്തിയാണ്​ തീ നിയന്ത്രണവിധേയമാക്കിയത്​. തീപിടുത്തത്തെ തുടർന്ന്​ മാവൂർ റോഡിൽ  അൽപ സമയംഗതാഗതം തടസപ്പെട്ടു.