അധ്യാപക പാക്കേജ് ഉടന്‍ നടപ്പാക്കും –ഡി.പി.ഐ

തൃശൂര്‍: സംസ്ഥാനത്ത് അധ്യാപക പാക്കേജ് ഉടന്‍ നടപ്പാക്കുമെന്ന് പൊതുവിദ്യാഭ്യാസ ഡയറക്ടര്‍ (ഡി.പി.ഐ) എം.എസ്. ജയ വാര്‍ത്താസമ്മേളനത്തില്‍ അറിയിച്ചു.
ജനുവരി 29ന് ഇതു സംബന്ധിച്ച് ഉത്തരവ് ഇറങ്ങിയിരുന്നു. ഈ ഉത്തരവിലെ അവ്യക്തതയാണ് പാക്കേജ് നടപ്പാക്കുന്നതിന് തടസ്സം. ഇത് ഉടന്‍ പരിഹരിക്കും. തെരഞ്ഞെടുപ്പ് പെരുമാറ്റച്ചട്ടം തടസ്സമാകില്ളെന്നും അവര്‍ പറഞ്ഞു.
സംസ്ഥാനത്ത് ആയിരക്കണക്കിന് അധ്യാപകരാണ് വര്‍ഷങ്ങളായി ശമ്പളമില്ലാതെ ജോലി ചെയ്യുന്നത്. ഇതിനൊരു പരിഹാരം ഉണ്ടാക്കാനാണ് അധ്യാപക പാക്കേജ് നടപ്പാക്കാന്‍ തീരുമാനിച്ചത്.