കൂടുതൽ സീറ്റുകൾ വേണം; സിറ്റിങ് സീറ്റുകൾ വിട്ടുനൽകില്ല -കേരള കോൺഗ്രസ് എം

കോട്ടയം: കൂടുതൽ സീറ്റുകൾ വേണമെന്ന വാദത്തിൽ ഉറച്ചുനിൽക്കുന്നുവെന്ന് കേരള കോൺഗ്രസ് എം. പൂഞ്ഞാർ കേരള കോൺഗ്രസിന്‍റെ സീറ്റാണെന്ന് പാർട്ടി ചെയർമാൻ കെ.എം.മാണി പറഞ്ഞു.  സീറ്റ് വിഭജനം സംബന്ധിച്ച് ഇപ്പോൾ പ്രതിസന്ധിയില്ല. എല്ലാക്കാര്യങ്ങളും മാധ്യമങ്ങൾക്ക് മുന്നിൽ പറയാനാകില്ലെന്നും മാണി കൂട്ടിച്ചേർത്തു. സിറ്റിങ് സീറ്റുകൾ വിട്ടുനൽകാനാകില്ലെന്ന് ജോസ് കെ.മാണി എംപിയും പ്രതികരിച്ചു.