ബാർ കോഴ: കേരള കോൺഗ്രസ്​ അന്വേഷണ റിപ്പോർട്ട്​ പുറത്ത്​

കൊച്ചി: ധനമന്ത്രിയായിരുന്ന കെ.എം മാണിക്കെതിരെ ഉയർന്ന ബാര്‍കോഴ ആരോപണവുമായി ബന്ധപ്പെട്ട് കേരള കോണ്‍ഗ്രസ് നടത്തിയ അന്വേഷണ റിപ്പോര്‍ട്ട് പുറത്ത്. കെഎം മാണിക്കെതിരായ ആരോപണങ്ങൾക്ക്​ പിന്നിൽ ഗൂഢാലോചന നടന്നിട്ടുണ്ടെന്നും രമേശ് ചെന്നിത്തല, പി.സി.ജോര്‍ജ്, അടൂര്‍ പ്രകാശ്, ജോസഫ് വാഴക്കന്‍  എന്നിവർക്ക്​ ഇതിൽ പങ്കുള്ളതായും റിപ്പോർട്ടിൽ പറയുന്നു. 71 പേജുളള അന്വേഷണ റിപ്പോർട്ട്​ ‘മാതൃഭൂമി ന്യൂസ്​’ ആണ്​ പുറത്തുവിട്ടത്​.

 കെ.എം മാണിക്കെതിരെ ഉയർന്ന ബാർകോഴ ആരോപണത്തി​െൻറ നിജസ്ഥിതി അന്വേഷിക്കാൻ സി.എഫ് തോമസ് എം.എൽ.എ അധ്യക്ഷനായ സമിതിയെ കേരള കോൺഗ്രസ്​ ചുമതലപ്പെടുത്തിയിരുന്നു. 2016 മാര്‍ച്ച് 31ലാണ് റിപ്പോര്‍ട്ട് സമര്‍പ്പിച്ചത്​.  അതേസമയം അടുത്തിടെ കേരള കോൺഗ്രസ്​ വിട്ട്​ പുറത്തുപോയ അന്വേഷണ സമിതി അംഗങ്ങൾ നൽകിയ വിവരങ്ങൾ ഒഴിവാക്കിയിട്ടുണ്ടെന്നും റിപ്പോർട്ടി​​െൻറ ആമുഖത്തിൽ വ്യക്​തമാക്കിയിട്ടുണ്ട്​. റിപ്പോര്‍ട്ടിലെ നിര്‍ദേശത്തെ തുടര്‍ന്നാണ് കേരള കോണ്‍ഗ്രസ് യു.ഡി.എഫ് വിട്ടത്. കോണ്‍ഗ്രസിനൊപ്പം യു.ഡി.എഫില്‍ തുടരുന്നത് ഗുണകരമാകില്ലെന്ന് റിപ്പോര്‍ട്ടില്‍ നിര്‍ദേശമുണ്ട്.

രമേശ് ചെന്നിത്തല, അടൂര്‍ പ്രകാശ്, ജോസഫ് വാഴക്കന്‍, പി.സി ജോര്‍ജ് എന്നിവര്‍ക്ക് ഗൂഢാലോചനയില്‍ മുഖ്യപങ്കുണ്ടെന്ന്​ റിപ്പോർട്ടിൽ ആരോപിക്കുന്നു.  കേരളാ കോൺഗ്രസ് (ബി) ചെയർമാൻ ആർ.ബാലകൃഷ്ണപിള്ള, നിലവിലെ വിജിലൻസ് മേധാവി ജേക്കബ് തോമസ്, ബാർ കോഴക്കേസ് അന്വേഷിച്ച വിജിലൻസ് എസ്.പി ആർ.സുകേശൻ, ബാർ ഉടമ ബിജു രമേശ് തുടങ്ങിയവർ പല ഘട്ടങ്ങളിൽ ഗൂഢാലോചനയിൽ ഭാഗമായി. എറണാകുളത്ത്​ താമസിക്കുന്ന പൂഞ്ഞാർ മണ്ഡലത്തിലുള്ള ഒരു അഭിഭാഷക​െൻറ വീട്ടിൽ വെച്ചാണ്​ കേസിൽ മാണിയെ കുടുക്കാൻ തീരുമാനിച്ചത്​.   മുഖ്യമന്ത്രി പദമായിരുന്നു രമേശി​​െൻറ ലക്ഷ്യമെന്നും  പാലായിലെ നേതാവാകുകയായിരുന്നു ജോസഫ് വാഴക്കന്റെ ആഗ്രഹമെന്നും റിപ്പോർട്ട്​ പറയുന്നു.

അന്വേഷണ റിപ്പോർട്ടിലെ വിവരങ്ങൾ പുറത്തു വിടാൻ മാണി നേരത്തെ മാണി തയാറായിരുന്നില്ല. റിപ്പോർട്ട് പുറത്ത് വിട്ടാൽ യു.ഡി.എഫ് പ്രതിസന്ധിയിലാവുമെന്നായിരുന്നു മാണിയുടെ വാദം.