Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightബാബുവിന്‍റെ മുൻ പി.എ...

ബാബുവിന്‍റെ മുൻ പി.എ നന്ദകുമാറിനെ വിജിലന്‍സ് ചോദ്യംചെയ്തു

text_fields
bookmark_border
ബാബുവിന്‍റെ മുൻ പി.എ നന്ദകുമാറിനെ വിജിലന്‍സ് ചോദ്യംചെയ്തു
cancel

കൊച്ചി: മുന്‍ എക്സൈസ് മന്ത്രി കെ. ബാബുവിന്‍റെ  മുൻ പേഴ്സണൽ അസിസ്റ്റന്‍റ് നന്ദകുമാറിനെ വിജിലന്‍സ് ചോദ്യം ചെയ്തു. വിജിലന്‍സിന്‍റെ കൊച്ചിയിലെ ഓഫീസില്‍ വിളിച്ചു വരുത്തിയാണ് നന്ദകുമാറിനെ ചോദ്യംചെയ്തത്. ബാബുവിന്‍റെയും മക്കളുടെയും സുഹൃത്തുക്കളുടെയും വീടുകളിൽ വിജിലന്‍സ് സംഘം കഴിഞ്ഞ ദിവസം നടത്തിയ റെയ്ഡിന് തുടര്‍ച്ചയായാണ് നടപടി.

നന്ദകുമാറിന്‍റെ സാമ്പത്തിക സ്രോതസിനെ കുറിച്ചു അന്വേഷണ സംഘം വിവരം ശേഖരിക്കുന്നുണ്ട്. ഇയാളുെട ഭാര്യയുടെ പേരില്‍ തൃപ്പൂണിത്തുറയില്‍ പ്രവര്‍ത്തിക്കുന്ന സ്വകാര്യ പണമിടപാട് സ്ഥാപനവും അന്വേഷണ പരിധിയിൽവരും. ബന്ധുക്കൾ നടത്തിയിരുന്ന സ്ഥാപനം ഭാര്യ ഏറ്റെടുത്ത് നടത്തുകയായിരുന്നുവെന്നാണ് നന്ദകുമാര്‍ പറയുന്നത്.

അതേസമയം, ബാബുവിന്‍െറയും മക്കളുടെയും സുഹൃത്തുക്കളുടെയും വീടുകളില്‍ നടത്തിയ റെയ്ഡില്‍ പിടിച്ചെടുത്ത രേഖകളുടെ പരിശോധന വിജിലന്‍സ് ഇന്ന് ആരംഭിക്കും. ബാബുവിന്‍െറ വീട്ടില്‍ നിന്ന് 30ഓളം രേഖകളും ബിനാമിയെന്ന് കരുതുന്ന ബാബുറാമിന്‍െറ വീട്ടില്‍നിന്ന് 85ഓളം രേഖകളും പിടിച്ചെടുത്തിരുന്നു. രേഖകളുടെ പരിശോധനക്ക് ശേഷം ചോദ്യംചെയ്യലും തുടരന്വേഷണവും ആരംഭിക്കാനാണ് വിജിലൻസ് തീരുമാനം.

 

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:k babuvigilance raidaravindan
Next Story