കരുനാഗപ്പള്ളിയിൽ ഗുഡ്​സ്​ ട്രെയിൻ പാളം തെറ്റി; പാസഞ്ചർ ട്രെയിനുകൾ റദ്ദാക്കി

കൊല്ലം: കരുനാഗപ്പള്ളിക്കും ശാസ്താംകോട്ടക്കും ഇടക്ക്​ മാരാരിത്തോട്ടത്ത്​ ഗുഡ്​സ്​ ട്രെയിൻ പാളം തെറ്റി. തിരുവനന്തപുരം ഭാഗത്തുനിന്ന്​ രാസവളവുമായി കോട്ടയത്തേക്ക്​  വന്ന ​ഗുഡ്​സ്​ ട്രെയിനി​െൻറ ഒമ്പത് വാഗണുകളാണ് പാളം തെറ്റിയത്. നാല്​ വാഗണുകൾ പൂർണമായും മറിഞ്ഞു.​ ചൊവ്വാഴ്​ച പുലർച്ചെ ഒരു മണിയോടെയായിരുന്നു അപകടം. ഇതിനെ തുടർന്ന്​ കായംകുളത്തിനും കൊല്ലത്തിനുമിടയിൽ ട്രെയിൻ ഗതാഗതം സ്​തംഭിച്ചു.

അപകടത്തെ തുടര്‍ന്ന് കൊല്ലം- കായംകുളം സ്റ്റേഷനുകള്‍ക്കിടയില്‍ ട്രെയിന്‍ ഗതാഗതത്തിന് നിയന്ത്രണം ഏര്‍പ്പെടുത്തി. പാളത്തിലെ അറ്റകുറ്റപ്പണികള്‍ തീരുന്നതുവരെ ട്രെയിനുകളുടെ വേഗം നിയന്ത്രിക്കും. 10 പാസഞ്ചര്‍/മെമു ട്രെയിനുകള്‍ പൂര്‍ണമായും മൂന്ന് ട്രെയിനുകൾ ഭാഗികമായും റദ്ദാക്കി. എക്‌സ്പ്രസ് ട്രെയിനുകൾ റദ്ദാക്കിയിട്ടില്ല

റദ്ദാക്കിയ ട്രെയിനുകൾ

• ട്രെയിൻ നം: 56300, കൊല്ലം - ആലപ്പുഴ പാസഞ്ചർ
• ട്രെയിൻ നം:: 56302,  ആലപ്പുഴ - എറണാകുളം പാസഞ്ചർ
• ട്രെയിൻ നം:: 56303, എറണാകുളം - ആലപ്പുഴ പാസഞ്ചർ
• ട്രെയിൻ നം: 56301, ആലപ്പുഴ - കൊല്ലം പാസഞ്ചർ
• ട്രെയിൻ നം: 56392, കൊല്ലം - എറണാകുളം പാസഞ്ചർ
• ട്രെയിൻ നം: 56387, എറണാകുളം - കായംകുളം പാസഞ്ചർ
• ട്രെയിൻ നം: 66300, കൊല്ലം - എറണാകുളം മെമു
• ട്രെയിൻ നം: 66301, എറണാകുളം - കൊല്ലം മെമു
• ട്രെയിൻ നം: 66302, കൊല്ലം - എറണാകുളം മെമു
• ട്രെയിൻ നം: 66303, എറണാകുളം - കൊല്ലം മെമു

ഭാഗികമായി തടസപ്പെടുന്നവ

ട്രെയിൻ നം: 56305 കോട്ടയം -കൊല്ലം പാസഞ്ചർ
ട്രെയിൻ നം: 66307 എറണാകുളം - കൊല്ലം മെമു(കോട്ടയം വഴി)
ട്രെയിൻ നം: 66308 കൊല്ലം– എറണാകുളം മെമു(കോട്ടയം വഴി)