വാഗ്ദാനങ്ങൾ ജലരേഖ; 2018ലെ പ്രളയത്തിൽ വീട് നഷ്ടപ്പെട്ട കുടുംബം ഇന്നും വാടകവീട്ടിൽ

ഇ​രി​ട്ടി: പ്ര​ള​യ​വും ദു​രി​ത​ങ്ങ​ളും വി​ട്ടൊ​ഴി​യാ​തെ വേ​ട്ട​യാ​ടു​മ്പോ​ൾ ആ​റു​വ​ർ​ഷം മു​മ്പ് ന​ട​ന്ന പ്ര​ള​യ​ത്തി​ൽ സ​ർ​വ​തും ന​ഷ്ട​പ്പെ​ട്ട് വാ​ട​ക​വീ​ട്ടി​ലേ​ക്ക് മാ​റി​യ കു​ടും​ബം ഇ​ന്നും അ​ധി​കൃ​ത​രു​ടെ ക​നി​വ് തേ​ടി ഓ​ഫി​സു​ക​ൾ ക​യ​റി​യി​റ​ങ്ങു​ന്നു. അ​യ്യ​ൻ​കു​ന്ന് പ​ഞ്ചാ​യ​ത്തി​ലെ എ​ട​പ്പു​ഴ കീ​ഴ​ങ്ങാ​ന​ത്ത് 2018ലെ ​ഉ​രു​ൾ​പൊ​ട്ട​ലി​ൽ വീ​ട് ന​ഷ്ട​പ്പെ​ട്ട പു​ത്ത​ൻ​പ​റ​മ്പി​ൽ ശ​ശി (65), ഉ​ഷ (55) ദ​മ്പ​തി​ക​ൾ ഇ​ന്നും ക​ഴി​യു​ന്ന​ത് വാ​ട​ക​വീ​ട്ടി​ൽ.

ക​ഴി​ഞ്ഞ ആ​റു​വ​ർ​ഷ​മാ​യി, ത​ങ്ങ​ൾ​ക്ക് ല​ഭി​ക്കേ​ണ്ട ന​ഷ്ട​പ​രി​ഹാ​ര​ത്തു​ക​ക്കു​വേ​ണ്ടി ക​യ​റി​യി​റ​ങ്ങാ​ത്ത സ​ർ​ക്കാ​ർ ഓ​ഫി​സു​ക​ളി​ല്ല. 2018ലെ ​ഉ​രു​ൾ​പൊ​ട്ട​ലി​ൽ ആ​കെ​യു​ണ്ടാ​യി​രു​ന്ന 15 സെ​ന്റ് സ്ഥ​ല​ത്തി​ന്റെ ഭൂ​രി​ഭാ​ഗ​വും വ​ള​ർ​ത്തു​മൃ​ഗ​ങ്ങ​ളും ഒ​ഴു​കി​പ്പോ​യ​പ്പോ​ൾ എ​ല്ലാം ത​ന്ന് പു​ന​ര​ധി​വ​സി​പ്പി​ക്കും എ​ന്ന​ത് വാ​ഗ്ദാ​നം മാ​ത്ര​മാ​യി മാ​റി.

വി​ള്ള​ൽ വീ​ണ് അ​പ​ക​ടാ​വ​സ്ഥ​യി​ൽ വീ​ട് ഉ​പേ​ക്ഷി​ച്ച് പോ​രാ​ൻ ത​യാ​റാ​കാ​തി​രു​ന്ന ഇ​വ​രെ അ​ന്ന് പൊ​ലീ​സ് ബ​ല​മാ​യി മാ​റ്റി​പ്പാ​ർ​പ്പി​ക്കു​ക​യാ​യി​രു​ന്നു. വാ​ട​ക ഉ​ൾ​പ്പെ​ടെ ന​ൽ​കാ​മെ​ന്ന് ഉ​റ​പ്പു​ന​ൽ​കി​യി​രു​ന്നു​വെ​ങ്കി​ലും ആ​റു വ​ർ​ഷ​മാ​യി കു​ടും​ബം വാ​ട​ക കൊ​ടു​ക്കാ​ൻ വ​ക​യി​ല്ലാ​തെ ബു​ദ്ധി​മു​ട്ടു​ക​യാ​ണ്. ന​ട്ടെ​ല്ലി​നും കാ​ലി​നും അ​സു​ഖ​ബാ​ധി​ത​നാ​യ ശ​ശി​ക്ക് ജോ​ലി​ചെ​യ്തു ജീ​വി​ക്കാ​ൻ ക​ഴി​യാ​ത്ത സാ​ഹ​ച​ര്യ​ത്തി​ൽ ഭാ​ര്യ ഉ​ഷ തൊ​ഴി​ലു​റ​പ്പി​ന് പോ​യി ല​ഭി​ക്കു​ന്ന വ​രു​മാ​ന​ത്തി​ലാ​ണ് കു​ടും​ബം ജീ​വി​ക്കു​ന്ന​ത്.

2018 മു​ത​ൽ വി​വി​ധ സ്ഥ​ല​ങ്ങ​ളി​ലാ​യി അ​ഞ്ചോ​ളം വാ​ട​ക​വീ​ടു​ക​ളി​ൽ മാ​റി​മാ​റി താ​മ​സി​ച്ചു​വ​രു​ന്ന കു​ടും​ബ​ത്തി​ന്റെ ക​ഴി​ഞ്ഞ അ​ഞ്ചു​മാ​സ​മാ​യി വാ​ട​ക​പോ​ലും മു​ട​ങ്ങി. 3000 രൂ​പ വാ​ട​ക​ക്ക് ഇ​പ്പോ​ൾ ക​ഴി​യു​ന്ന മു​ണ്ട​യാം​പ​റ​മ്പി​ലെ വീ​ട് മ​രം​വീ​ണ് ത​ക​ർ​ന്ന് ചോ​ർ​ന്നൊ​ലി​ക്കു​ന്ന സ്ഥി​തി​യി​ലാ​ണ്. പ​ശു​ക്ക​ളെ വ​ള​ർ​ത്തി​യും മ​റ്റും ജീ​വി​ച്ചു​പോ​ന്ന കു​ടും​ബ​ത്തി​ന്റെ നി​ല​വി​ലെ സ്ഥി​തി ദ​യ​നീ​യ​മാ​ണ്. സ​മീ​പ​വാ​സി​ക​ൾ വ​ള​ർ​ത്താ​ൻ ന​ൽ​കു​ന്ന ആ​ടു​മാ​ടു​ക​ളെ വ​ള​ർ​ത്തു​ന്ന​തി​ൽ നി​ന്നും ല​ഭി​ക്കു​ന്ന തു​ച്ഛ​മാ​യ വ​രു​മാ​നം മ​രു​ന്നി​ന് പോ​ലും തി​ക​യാ​റി​ല്ല.

മൂ​ത്ത​മ​ക​ന് ക​ര​ൾ അ​സു​ഖ ചി​കി​ത്സ​ക്കാ​യി മാ​സം 40,000ത്തി​ല​ധി​കം രൂ​പ ചെ​ല​വാ​കു​ന്നു​ണ്ട്. ആ​കെ വ​രു​മാ​നം ഇ​ള​യ​മ​ക​ന്റെ ചെ​റി​യ ജോ​ലി​യാ​ണ്. ര​ണ്ടു വ​ർ​ഷം മു​മ്പ്, പ​ണം ല​ഭി​ക്കു​മെ​ന്ന അ​ധി​കൃ​ത​രു​ടെ ഉ​റ​പ്പി​ന്മേ​ൽ ക​ടം വാ​ങ്ങി​യ തു​ക​കൊ​ണ്ട് സ്ഥ​ല​ത്തി​ന് അ​ഡ്വാ​ൻ​സ് ന​ൽ​കി​യി​രു​ന്നു. എ​ഗ്രി​മെ​ന്റ് ചെ​യ്ത് പേ​പ്പ​റു​ക​ളു​മാ​യി എ​ത്തി​യി​ട്ടും അ​ഡ്വാ​ൻ​സ് കൊ​ടു​ത്ത തു​ക ന​ഷ്ട​പ്പെ​ട്ട​ത​ല്ലാ​തെ ഒ​രു ന​ട​പ​ടി​യും അ​ധി​കൃ​ത​രു​ടെ ഭാ​ഗ​ത്തു​നി​ന്ന് ഉ​ണ്ടാ​യി​ട്ടി​ല്ല എ​ന്നാ​ണ് ദ​മ്പ​തി​ക​ൾ പ​റ​യു​ന്ന​ത്. സ്വ​സ്ഥ​മാ​യി ഉ​റ​ങ്ങാ​ൻ ത​ങ്ങ​ൾ​ക്കൊ​രു വീ​ടു ല​ഭി​ക്കു​മെ​ന്ന പ്ര​തീ​ക്ഷ​യി​ലാ​ണി​വ​ർ.