കോട്ടയം നഗരസഭ അക്കൗണ്ടിൽ​ 211.89 കോടി കാണാനി​ല്ലെന്ന്

കോട്ടയം: നഗരസഭയുടെ അക്കൗണ്ടുകളിൽ​ 211.89 കോടി രൂപ കാണാനി​ല്ലെന്ന്​ ആരോപണം. ബാങ്ക്​ അക്കൗണ്ടുകളിലെ റീ കൺസിലിയേഷൻ രേഖകൾ പരിശോധിച്ചതിൽ ചെക്ക്​ മുഖേന വരവ്​ രേഖ​പ്പെടുത്തിയിട്ടുള്ള തുക കാണാനില്ലെന്ന്​ പ്രതിപക്ഷ നേതാവ്​ അഡ്വ. ഷീജ അനിലാണ്​ കൗൺസിൽ യോഗത്തിൽ ഉന്നയിച്ചത്​.​

കഴിഞ്ഞ വർഷത്തെ ഓഡിറ്റിലെ വിവരങ്ങളാണിതെന്നും ഷീജ പറഞ്ഞു. ബാങ്ക്​ ഓഫ്​ മഹാരാഷ്ട്ര, എസ്​.ബി.ഐ, എസ്​.ഐ.ബി എന്നിങ്ങനെ ബാങ്കുകളിലെ അക്കൗണ്ടുകളിൽ വരവുവെച്ച തുകയാണ്​ കാണാത്തത്​. അതേസമയം ഔദ്യോഗികമായി ഓഡിറ്റ്​ റി​പ്പോർട്ട്​ കിട്ടിയിട്ടില്ലെന്നും പരിശോധിച്ചശേഷം മറുപടി പറയാമെന്നും സെക്രട്ടറി അറിയിച്ചു.