2.25 കോടി തട്ടിയ കേസ്​: കോഴിക്കോട്ട് രണ്ടുപേർ അറസ്റ്റിൽ

തി​രു​വ​ന​ന്ത​പു​രം: ക​സ്റ്റം​സ്, സി​ബി​ഐ ഉ​ദ്യോ​ഗ​സ്ഥ​രു​ടെ പേ​രി​ൽ ആ​ൾ​മാ​റാ​ട്ടം ന​ട​ത്തി ചാ​ർ​ട്ടേ​ഡ്​ അ​ക്കൗ​ണ്ടി​നെ ഭീ​ഷ​ണി​പ്പെ​ടു​ത്തി ഓ​ൺ​ലൈ​നി​ലൂ​ടെ 2.25 കോ​ടി രൂ​പ ത​ട്ടി​യെ​ടു​ത്ത സം​ഘ​ത്തി​ലെ ര​ണ്ടു​പേ​ർ അ​റ​സ്റ്റി​ൽ.

താ​മ​ര​ശ്ശേ​രി ക​ണ്ട​ൽ​കാ​ട്​ ത​ല​യം ഒ​റ​ങ്ങോ​ട്ടു​കു​ന്നു​മ്മ​ൽ ര​ജി​നാ​സ് റെ​മി, താ​മ​ര​ശ്ശേ​രി കി​ട​വൂ​ർ ക​ട്ടി​പ്പാ​റ ​വേ​ണ​ടി ഹൗ​സി​ൽ ആ​ഷി​ക്​ എ​ന്നി​വ​രെ​യാ​ണ്​ തി​രു​വ​ന​ന്ത​പു​രം സി​റ്റി സൈ​ബ​ർ ക്രൈം ​പോ​ലീ​സി​ലെ പ്ര​ത്യേ​ക അ​ന്വേ​ഷ​ണ​സം​ഘം കോ​ഴി​ക്കോ​ട് നി​ന്നും അ​റ​സ്റ്റ്​ ചെ​യ്ത​ത്. മും​ബൈ വി​മാ​ന​ത്താ​വ​ള​ത്തി​ലെ​ത്തി​യ ചാ​ർ​​​ട്ടേ​ഡ്​ അ​ക്കൗ​ണ്ടി​ന്‍റെ പേ​രി​ലു​ള്ള പാ​ർ​സ​ലി​ൽ ല​ഹ​രി​മ​രു​ന്ന് ക​ണ്ടെ​ത്തി​യെ​ന്നും ഇ​തോ​ടൊ​പ്പം പാ​സ്പോ​ർ​ട്ടി​ന്‍റെ​യും, ആ​ധാ​റി​ന്‍റെ​യും കോ​പ്പി ഉ​ണ്ടെ​ന്നു പ​റ​ഞ്ഞാ​യി​രു​ന്നു ത​ട്ടി​പ്പ്. ക​സ്റ്റം​സ് ഉ​ദ്യോ​ഗ​സ്ഥ​ർ എ​ന്ന വ്യാ​ജേ​ന ത​ട്ടി​പ്പു​സം​ഘം തി​രു​വ​ന​ന്ത​പു​ര​ത്തെ ചാ​ർ​ട്ടേ​ഡ്​ അ​ക്കൗ​ണ്ടി​നെ ഫോ​ണി​ൽ വി​ളി​ച്ചു. കേ​സ് സി.​ബി.​ഐ​ക്ക് കൈ​മാ​റും എ​ന്ന് പ​റ​ഞ്ഞ് ഒ​രാ​ൾ സി.​ബി.​ഐ ഉ​ദ്യോ​ഗ​സ്ഥ​നാ​യി സം​സാ​രി​ച്ചും ഭീ​ഷ​ണി​പ്പെ​ടു​ത്തി.

2.25 കോ​ടി രൂ​പ അ​ക്കൗ​ണ്ടി​ലേ​ക്ക്​ വാ​ങ്ങി. തു​ട​ർ​ന്ന്​ ഈ ​പ​ണം എ​ഴു​പ​തി​ൽ​പ​രം അ​ക്കൗ​ണ്ടു​ക​ളി​ലേ​ക്ക് മാ​റ്റി. പി​ന്നീ​ട്​ ക്രി​പ്റ്റോ ക​റ​ൻ​സി​യാ​യി ജ്വ​ല്ല​റി​ക​ളി​ൽ നി​ന്നും സ്വ​ർ​ണം വാ​ങ്ങി കൈ​മാ​റ്റം ചെ​യ്യു​ക​യാ​യി​രു​ന്നു.

പ​രാ​തി ല​ഭി​ച്ച​തോ​ടെ അ​ന്വേ​ഷ​ണം തു​ട​ങ്ങി​യ പൊ​ലീ​സ്​ ആ​ദ്യം പ​ണം കൈ​മാ​റി​യ ആ​റ് അ​ക്കൗ​ണ്ടു​ക​ളി​ൽ രാ​ജ​സ്ഥാ​നി​ലെ കു​മാ​ർ അ​സോ​സി​യേ​റ്റ് എ​ന്ന ക​മ്പ​നി​യു​ടെ വി​വ​ര​ങ്ങ​ൾ​ത് വ്യാ​ജ​മാ​ണ​മെ​ന്ന് അ​ന്വേ​ഷ​ണ​ത്തി​ൽ തെ​ളി​ഞ്ഞു. പ്ര​തി​ക​ളു​ടെ വി​വ​രം ശേ​ഖ​രി​ച്ച പ്ര​ത്യേ​ക അ​ന്വേ​ഷ​ണ​സം​ഘം നാ​ല് പ്ര​തി​ക​ളെ രാ​ജ​സ്ഥാ​നി​ൽ​നി​ന്നും ര​ണ്ടു പ്ര​തി​ക​ളെ മും​ബൈ​യി​ൽ​നി​ന്നും നേ​ര​ത്തേ അ​റ​സ്റ്റ് ചെ​യ്തി​രു​ന്നു. തു​ട​ർ​അ​ന്വേ​ഷ​ണ​ത്തി​ലാ​ണ്​ പ്ര​തി​ക​ളി​ലൊ​രാ​ൾ കോ​ഴി​ക്കോ​ട് സൗ​ത്ത് ഇ​ന്ത്യ​ൻ ബാ​ങ്കി​ൽ​നി​ന്നും പ​ണം പി​ൻ​വ​ലി​ച്ച​താ​യി ക​ണ്ടെ​ത്തി​യ​ത്. ഇ​തി​ന്​ പി​ന്ന​ാ​ല​യാ​യി​രു​ന്നു അ​റ​സ്റ്റ്.