ഗൾഫിൽനിന്നെത്തിയ 30 പേർ കോവിഡ് കേന്ദ്രത്തിൽനിന്ന്​ വീട്ടിലേക്ക് മടങ്ങി

കാളികാവ് (മലപ്പുറം): യു.എ.ഇയിൽനിന്ന്​ മേയ്​ ഏഴിനെത്തി ജില്ലയിലെ കോവിഡ് കേന്ദ്രമായ കാളികാവ് അൽ സഫ ആശുപത്രിയിൽ നിരീക്ഷണത്തിൽ കഴിഞ്ഞ 30 പേർ വീട്ടിലേക്ക് മടങ്ങി. വ്യാഴാഴ്ച ഉച്ചയോടെയാണ് ഇവർ മടങ്ങിയത്. 108 ആംബുലൻസിലായിരുന്നു മടക്കം.  

പെരിന്തൽമണ്ണ, പരപ്പനങ്ങാടി അടക്കമുള്ള പ്രദേശങ്ങളിലുള്ളവരാണ് 14 ദിവസത്തെ ക്വാറ​ൈൻറനിൽ കഴിഞ്ഞ് വീട്ടിലേക്ക് മടങ്ങിയത്. ക്വാറ​ൈൻറൻ കാലം നല്ല പരിചരണം ലഭിച്ചതായി മടങ്ങിപ്പോവുന്നവർ പറഞ്ഞു.