അഞ്ചുവര്‍ഷത്തിനുള്ളില്‍ കേരളത്തില്‍ 30,000 കോടി നിക്ഷേപിക്കും -കരണ്‍ അദാനി

കൊ​ച്ചി: അ​ഞ്ചു​വ​ര്‍ഷ​ത്തി​നു​ള്ളി​ല്‍ അ​ദാ​നി ഗ്രൂ​പ് കേ​ര​ള​ത്തി​ലെ വി​വി​ധ പ​ദ്ധ​തി​ക​ളി​ലാ​യി 30,000 കോ​ടി രൂ​പ നി​ക്ഷേ​പി​ക്കു​മെ​ന്ന് അ​ദാ​നി പോ​ര്‍ട്സ് ആ​ന്‍ഡ് സെ​സ് ലി​മി​റ്റ​ഡ് (എ.​പി.​എ​സ്.​ഇ.​ഇ​സെ​ഡ്) എം.​ഡി ക​ര​ണ്‍ അ​ദാ​നി. വി​ഴി​ഞ്ഞം തു​റ​മു​ഖ​ത്തി​നാ​യു​ള്ള 20,000 കോ​ടി​യു​ടെ അ​ധി​ക നി​ക്ഷേ​പ​വും ഇ​തി​ല്‍ ഉ​ള്‍പ്പെ​ടും. ഇ​ന്‍വെ​സ്റ്റ് കേ​ര​ള ഗ്ലോ​ബ​ല്‍ സ​മ്മി​റ്റി​ന്‍റെ (ഐ.​കെ.​ജി.​എ​സ് 2025) ഉ​ദ്ഘാ​ട​ന സ​മ്മേ​ള​ന​ത്തി​ല്‍ സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം.

ആ​ഗോ​ള വാ​ണി​ജ്യ​മേ​ഖ​ല​യു​ടെ സു​പ്ര​ധാ​ന സ്ഥാ​ന​ത്ത് ഇ​ന്ത്യ​യെ നി​ല​നി​ര്‍ത്താ​ന്‍ വി​ഴി​ഞ്ഞം തു​റ​മു​ഖ​ത്തി​ലൂ​ടെ സാ​ധി​ക്കും. 2015ല്‍ ​വി​ഴി​ഞ്ഞം തു​റ​മു​ഖ​ത്തി​ന് നേ​തൃ​ത്വം ന​ല്‍കി​യ അ​ദാ​നി ഗ്രൂ​പ് ഇ​തി​ന​കം 5000 കോ​ടി നി​ക്ഷേ​പി​ച്ചി​ട്ടു​ണ്ടെ​ന്നും 20,000 കോ​ടി​യു​ടെ അ​ധി​ക നി​ക്ഷേ​പം ന​ട​ത്തു​മെ​ന്നും ക​ര​ണ്‍ അ​ദാ​നി പ​റ​ഞ്ഞു. ലോ​ക​ത്തി​ലെ ഏ​റ്റ​വും തി​ര​ക്കേ​റി​യ ക​പ്പ​ല്‍പാ​ത​യി​ലാ​ണ് വി​ഴി​ഞ്ഞം തു​റ​മു​ഖം.

തു​റ​മു​ഖം ക​മീ​ഷ​ന്‍ ചെ​യ്യു​ന്ന​തി​ന് മു​മ്പു​ത​ന്നെ 24,000 ക​ണ്ടെ​യ്ന​റു​ക​ള്‍ വ​ഹി​ക്കാ​ന്‍ ശേ​ഷി​യു​ള്ള ഏ​റ്റ​വും വ​ലി​യ ക​ണ്ടെ​യ്ന​ര്‍ ക​പ്പ​ല്‍ ഇ​ന്ത്യ​യി​ലാ​ദ്യ​മാ​യി വി​ഴി​ഞ്ഞ​ത്ത് എ​ത്തി​യി​രു​ന്നു. ഇ​തി​ലൂ​ടെ തു​റ​മു​ഖം ച​രി​ത്രം സൃ​ഷ്ടി​ച്ചു. ഈ ​ഭാ​ഗ​ത്തെ ഏ​റ്റ​വും വ​ലി​യ ട്രാ​ന്‍സ്ഷി​പ്​​മെ​ന്‍റ് തു​റ​മു​ഖ​മാ​ക്കി വി​ഴി​ഞ്ഞ​ത്തെ മാ​റ്റാ​നാ​ണ് ല​ക്ഷ്യ​മി​ടു​ന്ന​ത്.5500 കോ​ടി നി​ക്ഷേ​പി​ക്കു​ന്ന​തി​ലൂ​ടെ തി​രു​വ​ന​ന്ത​പു​രം അ​ന്താ​രാ​ഷ്ട്ര വി​മാ​ന​ത്താ​വ​ള​ത്തി​ന്‍റെ ശേ​ഷി 4.5 ദ​ശ​ല​ക്ഷം യാ​ത്ര​ക്കാ​രി​ല്‍നി​ന്ന് 12 ദ​ശ​ല​ക്ഷ​മാ​യി വ​ര്‍ധി​പ്പി​ക്കും. കൊ​ച്ചി​യി​ല്‍ ലോ​ജി​സ്റ്റി​ക്സ് ആ​ന്‍ഡ് ഇ-​കോ​മേ​ഴ്സ് ഹ​ബ് സ്ഥാ​പി​ക്കു​മെ​ന്നും അ​ദ്ദേ​ഹം അ​റി​യി​ച്ചു.

88 ലക്ഷം ​കോടിയുടെ വളര്‍ച്ചയിലെത്തും –വിദഗ്ധര്‍

കൊ​ച്ചി: ത​ന്ത്ര​പ​ര​മാ​യ നി​ക്ഷേ​പ​ങ്ങ​ള്‍, സു​സ്ഥി​ര വി​ക​സ​നം, അ​ഭി​വൃ​ദ്ധി പ്രാ​പി​ച്ച വ്യ​വ​സാ​യി​ക ആ​വാ​സ​വ്യ​വ​സ്ഥ എ​ന്നി​വ​യി​ലൂ​ടെ 2047ഓ​ടെ കേ​ര​ളം 88 ല​ക്ഷം കോ​ടി​യു​ടെ (ഒ​രു ട്രി​ല്യ​ണ്‍ ഡോ​ള​ര്‍) സാ​മ്പ​ത്തി​ക വ​ള​ര്‍ച്ച കൈ​വ​രി​ക്കു​മെ​ന്ന് വി​ദ​ഗ്ധ​ര്‍. കൊ​ച്ചി​യി​ല്‍ ന​ട​ക്കു​ന്ന ദ്വി​ദി​ന ഇ​ന്‍വെ​സ്റ്റ് കേ​ര​ള ആ​ഗോ​ള നി​ക്ഷേ​പ​ക ഉ​ച്ച​കോ​ടി​യി​ല്‍ ‘കേ​ര​ളം ട്രി​ല്യ​ണ്‍ ഡോ​ള​ര്‍ സ​മ്പ​ദ്​​വ്യ​വ​സ്ഥ​യി​ലേ​ക്ക്’ വി​ഷ​യ​ത്തി​ല്‍ ന​ട​ന്ന പാ​ന​ല്‍ ച​ര്‍ച്ച​യി​ലാ​ണ് ഈ ​അ​ഭി​പ്രാ​യ​മു​യ​ര്‍ന്ന​ത്. ഇ​ന്ത്യ​യി​ലെ ആ​ദ്യ സു​സ്ഥി​ര ട്രി​ല്യ​ണ്‍ ഡോ​ള​ര്‍ സ​മ്പ​ദ് വ്യ​വ​സ്ഥ കെ​ട്ടി​പ്പ​ടു​ക്കാ​ന്‍ കേ​ര​ള​ത്തി​ന് ക​ഴി​യു​മെ​ന്ന് വി​ദ​ഗ്ധ​ര്‍ അ​ഭി​പ്രാ​യ​പ്പെ​ട്ടു.

2000 മു​ത​ല്‍ കേ​ര​ള​ത്തി​ന്‍റെ മൊ​ത്ത സം​സ്ഥാ​ന ആ​ഭ്യ​ന്ത​ര ഉ​ല്‍പാ​ദ​നം (ജി.​എ​സ്.​ഡി.​പി) ഓ​രോ 6-7 വ​ര്‍ഷ​ത്തി​ലും ഇ​ര​ട്ടി​യാ​യെ​ന്ന് മു​ഖ്യ​പ്ര​ഭാ​ഷ​ണ​ത്തി​ൽ കെ.​എ​സ്.​ഐ.​ഡി.​സി ചെ​യ​ര്‍മാ​ന്‍ സി. ​ബാ​ല​ഗോ​പാ​ല്‍ പ​റ​ഞ്ഞു. മാ​ലി​ന്യ സം​സ്ക​ര​ണം, അ​ടി​സ്ഥാ​ന സൗ​ക​ര്യ വി​ക​സ​നം, ഡി​ജി​റ്റ​ലൈ​സേ​ഷ​ന്‍ എ​ന്നി​വ​യി​ലൂ​ന്നി​യ കേ​ര​ള​മാ​ണ് സം​രം​ഭ​ക​ത്വ​ത്തി​ന് ആ​വ​ശ്യ​മെ​ന്നും ഇ​തി​നാ​യി സ​ര്‍ക്കാ​ര്‍ മി​ക​ച്ച നി​യ​മ​ങ്ങ​ളും ച​ട്ട​ങ്ങ​ളും സൃ​ഷ്ടി​ക്ക​ണ​മെ​ന്നും ഐ.​ബി.​എ​സ് സ്ഥാ​പ​ക​നും എ​ക്സി​ക്യൂ​ട്ടി​വ് ചെ​യ​ര്‍മാ​നു​മാ​യ വി.​കെ. മാ​ത്യൂ​സ് പ​റ​ഞ്ഞു.

ഒ.​ഇ.​എ​ന്‍ ഇ​ന്ത്യ ലി​മി​റ്റ​ഡ് എം.​ഡി പ​മേ​ല അ​ന്ന മാ​ത്യു, ലു​ലു ഫി​നാ​ന്‍ഷ്യ​ല്‍ ഹോ​ള്‍ഡി​ങ്​​സ്​ എം.​ഡി അ​ദീ​ബ് അ​ഹ​മ്മ​ദ്, ഗ്രൂ​പ് മീ​രാ​ന്‍ ചെ​യ​ര്‍മാ​ന്‍ ന​വാ​സ് മീ​രാ​ന്‍ എ​ന്നി​വ​രും സം​സാ​രി​ച്ചു.