ബോ​ൾ​ഗാ​ട്ടി പാ​ല​സി​ൽ അലൻ വാക്കർ ഷോക്കിടെ 35 ഫോൺ നഷ്ടമായി

കൊ​ച്ചി: കൊ​ച്ചി ബോ​ൾ​ഗാ​ട്ടി പാ​ല​സി​ൽ അ​ന്താ​രാ​ഷ്ട്ര പ്ര​ശ​സ്ത ഡി.​ജെ. അ​ല​ൻ വാ​ക്ക​റു​ടെ സം​ഗീ​ത​പ​രി​പാ​ടി​ക്കി​ടെ കൂ​ട്ട​ത്തോ​ടെ മൊ​ബൈ​ൽ ഫോ​ണു​ക​ൾ മോ​ഷ​ണം​പോ​യി. 21 ഐ ​ഫോ​ണു​ക​ളു​ൾ​പ്പെ​ടെ 35 സ്മാ​ർ​ട്ട് ഫോ​ണു​ക​ൾ ന​ഷ്ട​മാ​യെ​ന്നാ​ണ് മു​ള​വു​കാ​ട് പൊ​ലീ​സി​ൽ ല​ഭി​ച്ച പ​രാ​തി. എ​ന്നാ​ൽ, പ​രാ​തി ന​ൽ​കാ​ത്ത കേ​സു​ക​ൾ ഇ​തി​ലു​മേ​റെ വ​രു​മെ​ന്നാ​ണ് സൂ​ച​ന. പ​രി​പാ​ടി​ക്കി​ടെ ക​ഞ്ചാ​വു​മാ​യി നാ​ലു​പേ​രും പി​ടി​യി​ലാ​യി. ആ​ല​പ്പു​ഴ സ്വ​ദേ​ശി​ക​ളാ​യ അ​ഗ​സ്റ്റി​ൻ ജോ​സ​ഫ്, ഷാ​രോ​ൺ മൈ​ക്കി​ൾ, അ​ഗ​സ്റ്റി​ൻ റി​ജു, ആ​ൻ​റ​ണി പോ​ൾ എ​ന്നി​വ​രെ​യാ​ണ് മു​ള​വു​കാ​ട് പൊ​ലീ​സ് അ​റ​സ്റ്റ്​ ചെ​യ്ത​ത്. ഇ​വ​രെ പി​ന്നീ​ട് ജാ​മ്യ​ത്തി​ൽ വി​ട്ടു. ഞാ​യ​റാ​ഴ്ച വൈ​കീ​ട്ടാ​ണ് ഇ-​സോ​ൺ എ​ന്‍റ​ർ​ടെ​യ്ൻ​മെ​ന്‍റ്​​സി​ന്‍റെ സം​ഘാ​ട​ന​ത്തി​ൽ സ​ൺ​ബേ​ൺ അ​റീ​ന ഫീ​റ്റ് അ​ല​ൻ വാ​ക്ക​ർ എ​ന്ന സം​ഗീ​ത​നി​ശ അ​ര​ങ്ങേ​റി​യ​ത്.

വാ​ക്ക​ർ വേ​ൾ​ഡ് എ​ന്ന പേ​രി​ൽ അ​ല​ൻ വാ​ക്ക​ർ രാ​ജ്യ​ത്തു​ട​നീ​ളം പ​ത്ത് ന​ഗ​ര​ങ്ങ​ളി​ൽ ന​ട​ത്തു​ന്ന സം​ഗീ​ത​പ​രി​പാ​ടി​യി​ലൊ​ന്നാ​യി​രു​ന്നു കൊ​ച്ചി​യി​ൽ ന​ട​ന്ന​ത്. 5000ത്തി​ലേ​റെ​പേ​ർ പ​ങ്കെ​ടു​ത്ത പ​രി​പാ​ടി​ക്കാ​യി കൊ​ച്ചി സി​റ്റി പൊ​ലീ​സ് വ​ൻ സു​ര​ക്ഷ ഒ​രു​ക്കി​യി​രു​ന്നു. നി​ര​വ​ധി പൊ​ലീ​സു​കാ​രെ​യും പ​രി​പാ​ടി ന​ട​ക്കു​ന്ന വേ​ദി​യി​ൽ വി​ന്യ​സി​ച്ചു.

പ​രി​പാ​ടി ന​ട​ക്കു​ന്ന സ്ഥ​ല​ത്ത് പൂ​ർ​ണ​മാ​യും സി.​സി ടി.​വി നി​രീ​ക്ഷ​ണ​വു​മു​ണ്ടാ​യി​രു​ന്നു. എ​ന്നാ​ൽ, സു​ര​ക്ഷാ സം​വി​ധാ​ന​ങ്ങ​ളു​ടെ​യെ​ല്ലാം ക​ണ്ണു​വെ​ട്ടി​ച്ചാ​ണ് മോ​ഷ​ണം അ​ര​ങ്ങേ​റി​യ​ത്. പ​രി​പാ​ടി​ക്കി​ടെ മ​നഃ​പൂ​ർ​വം തി​ക്കും തി​ര​ക്കു​മു​ണ്ടാ​ക്കി​യാ​ണ് ഫോ​ണു​ക​ൾ അ​ടി​ച്ചു​മാ​റ്റി​യ​ത്. ഇ​ത്ര​യ​ധി​കം ഫോ​ണു​ക​ൾ ഒ​രു​മി​ച്ച് ന​ഷ്ട​പ്പെ​ട്ട​തി​നാ​ൽ ആ​സൂ​ത്രി​ത നീ​ക്ക​മാ​ണ് ന​ട​ന്ന​തെ​ന്നാ​ണ് പൊ​ലീ​സ് വി​ല​യി​രു​ത്ത​ൽ. സി.​സി ടി.​വി ദൃ​ശ്യ​ങ്ങ​ൾ കേ​ന്ദ്രീ​ക​രി​ച്ചു​ൾ​പ്പെ​ടെ അ​ന്വേ​ഷ​ണം ന​ട​ക്കു​ക​യാ​ണെ​ന്ന് മു​ള​വു​കാ​ട് പൊ​ലീ​സ് അ​റി​യി​ച്ചു.