പൊ​ന്നാ​നി​യെ ക​ണ്ണീ​രി​ലാ​ഴ്ത്തി​യ പ​ത്തേ​മാ​രി ദു​ര​ന്ത​ത്തി​ന് 56 ആ​ണ്ട്; ന​ടു​ക്കും ഓ​ർ​മ​ക​ൾക്ക് അ​ക്ഷ​ര​ങ്ങ​ളി​ൽ പു​ന​ർ​ജ​നി

പൊ​ന്നാ​നി: പൊ​ന്നാ​നി​യെ ക​ണ്ണീ​രി​ലാ​ഴ്ത്തി​യ പ​ത്തേ​മാ​രി ദു​ര​ന്ത​ത്തി​ന് 56 ആ​ണ്ട് തി​ക​യു​മ്പോ​ൾ ന​ടു​ക്കു​ന്ന ഓ​ർ​മ​ക​ളെ ക​ട​ലാ​ഴ​ങ്ങ​ളി​ൽ മ​റ​യാ​തെ അ​ക്ഷ​ര​ങ്ങ​ളി​ൽ പ​ക​ർ​ത്തി ച​രി​ത്ര​കാ​ര​ൻ ടി.​വി. അ​ബ്ദു​റ​ഹ്മാ​ൻ കു​ട്ടി മാ​സ്റ്റ​ർ. അ​ബ്ദു​റ​ഹ്മാ​ൻ കു​ട്ടി മാ​സ്റ്റ​റു​ടെ വ്യാ​ഴാ​ഴ്ച പ്ര​കാ​ശ​നം ചെ​യ്യു​ന്ന ‘പ​ത്തേ​മാ​രി; വി​സ്മ​യ​ങ്ങ​ളു​ടെ തി​ര​യ​ടി​ക​ൾ’ എ​ന്ന പു​സ്ത​ക​ത്തി​ൽ പ​ത്തേ​മാ​രി ദു​ര​ന്ത​ത്തെ തീ​വ്ര​മാ​യാ​ണ് ആ​വി​ഷ്ക​രി​ച്ചി​ട്ടു​ള്ള​ത്. 1967ൽ ​പൊ​ന്നാ​നി​യി​ൽ നി​ന്നു​ള്ള ഇ.​കെ ഇ​മ്പി​ച്ചി​ബാ​വ മ​ന്ത്രി​യാ​യ​തി​ന്റെ സ​ന്തോ​ഷ​ത്തി​ലാ​യി​രു​ന്നു പൊ​ന്നാ​നി​യി​ലെ ക​ട​ലോ​ര​വാ​സി​ക​ൾ. ഇ​തേ വ​ര്‍ഷം ര​ണ്ടാം പ​കു​തി​യി​ലാ​ണ് പൊ​ന്നാ​നി അ​ഴീ​ക്ക​ല്‍ പ്ര​ദേ​ശം വ​ലി​യൊ​രു ദു​ര​ന്ത​ത്തി​ന് സാ​ക്ഷി​യാ​കു​ന്ന​ത്. പൊ​ന്നാ​നി സ്വ​ദേ​ശി​ക​ളു​ടെ ദു​ല്‍ദു​ല്‍, ബ​ര്‍ക​തി, ബ​ഹ​റു​സ​ലാ​മ​തി, ക​മ​റു​നൂ​ര്‍ തു​ട​ങ്ങി​യ ഒ​മ്പ​ത് പ​ത്തേ​മാ​രി​ക​ള്‍ ച​ര​ക്കു​ക​ള്‍ ക​യ​റ്റാ​ന്‍ കോ​ഴി​ക്കോ​ട് തു​റ​മു​ഖ​ത്തെ​ത്തി. പി​റ്റേ​ന്ന് പു​ല​ര്‍ച്ചെ മൂ​ന്നി​ന് തു​റ​മു​ഖ​ത്തു​നി​ന്ന് ഒ​രു​കൂ​ട്ടം പ​ത്തേ​മാ​രി​ക​ള്‍ പു​റ​പ്പെ​ട്ടു. വൃ​ശ്ചി​ക​പ്പു​ല​രി​യി​ലാ​യി​രു​ന്നു യാ​ത്ര.

‘വി​ജ​യ​മാ​ല’​യ​ട​ക്ക​മു​ള്ള പ​ത്തേ​മാ​രി​ക​ള്‍ മ​ര​ങ്ങ​ളും മ​റ്റു ച​ര​ക്കു​ക​ളു​മാ​യാ​ണ് ബോം​ബെ​ക്ക് പു​റ​പ്പെ​ട്ട​ത്. പ​ത്തേ​മാ​രി​ക​ള്‍ ഉ​ള്‍ക്ക​ട​ലി​ലെ​ത്തിയതോടെ ക​ന​ത്ത കാ​റ്റും കോ​ളും ഇ​ടി​യും മ​ഴ​യും അ​ന്ത​രീ​ക്ഷ​മാ​കെ ഭീ​തി​വി​ത​ച്ചു. ചെ​വി​ക​ള്‍ കൊ​ട്ടി​യ​ട​ക്കു​ന്ന ശ​ബ്ദ​ത്തോ​ടെ തി​ര​മാ​ല​ക​ള്‍ അ​ടി​ച്ചു​വീ​ശി. കൊ​ടു​ങ്കാ​റ്റി​ന്‍റെ ശ​ക്തി​യി​ലും തി​ര​മാ​ല​യു​ടെ ഇ​ര​മ്പ​ലി​ലും പ​ത്തേ​മാ​രി​ക​ള്‍ ആ​ടി​യു​ല​ഞ്ഞു. സ്രാ​ങ്കു​മാ​രും തൊ​ഴി​ലാ​ളി​ക​ളും എ​ന്തു​ചെ​യ്യ​ണ​മെ​ന്ന​റി​യാ​തെ പ​ര​സ്പ​രം പ​ക​ച്ചു​നി​ന്നു. മ​ര​ണം മു​ന്നി​ല്‍ ക​ണ്ട നി​മി​ഷ​ങ്ങ​ള്‍. പ​ത്തേ​മാ​രി​ക​ളി​ല്‍ നി​ന്ന് കൂ​ട്ട ബാ​ങ്കു​വി​ളി​ക​ളു​യ​ര്‍ന്നു. വി​ജ​യ​മാ​ല​യും ദു​ല്‍ദു​ലും ഉ​ള്‍പ്പെ​ടെ ആ​റ് പ​ത്തേ​മാ​രി​ക​ളും 64 തൊ​ഴി​ലാ​ളി​ക​ളും ഒ​ന്ന​ര​മാ​സം ക​ഴി​ഞ്ഞി​ട്ടും ല​ക്ഷ്യ​സ്ഥാ​ന​ത്ത് എ​ത്തി​യ വി​വ​രം ല​ഭി​ച്ചി​ല്ല. പൊ​ന്നാ​നി അ​ഴീ​ക്ക​ല്‍ തീ​ര​മാ​കെ ആ​ശ​ങ്ക​യി​ലാ​യി. ഏ​റെ ദു​രി​ത​ങ്ങ​ള്‍ക്കൊ​ടു​വി​ല്‍ ദു​ല്‍ദു​ലും വി​ജ​യ​മാ​ല​യും ഒ​ഴി​ച്ച് മ​റ്റു പ​ത്തേ​മാ​രി​ക​ളും തൊ​ഴി​ലാ​ളി​ക​ളും ഒ​രു​വി​ധം ബോം​ബെ​യി​ല്‍ എ​ത്തി​ച്ചേ​ര്‍ന്ന​താ​യി വി​വ​രം ല​ഭി​ച്ചു.

വി​ജ​യ​മാ​ല​യു​ടെ​യും ദു​ല്‍ദു​ലി​ന്‍റെ​യും മാ​ത്രം ഒ​രു വി​വ​ര​വു​മി​ല്ല. ബ​ന്ധ​പ്പെ​ട്ട​വ​ര്‍ അ​തീ​വ ദുഃ​ഖ​ത്തി​ല്‍ ആ​ഴ്ന്നി​രി​ക്കു​ന്ന സ​മ​യ​ത്താ​ണ് അ​പ്ര​തീ​ക്ഷി​ത​മാ​യി കാ​ഞ്ഞ​ങ്ങാ​ട് നി​ന്ന് പൊ​ന്നാ​നി​യി​ലേ​ക്ക് ഒ​രു ഫോ​ൺ​വി​ളി. കാ​ഞ്ഞ​ങ്ങാ​ട് ക​ട​ല്‍ത്തീ​ര​ത്ത് പ​ത്തേ​മാ​രി​യു​ടെ കു​മ്പും പ​രി​മാ​നും ക​പ്പി​ക​ളും അ​ടി​ഞ്ഞി​രി​ക്കു​ന്നു. വി​ജ​യ​മാ​ല​യു​ടെ മു​മ്പ​ത്തെ സ്രാ​ങ്ക് ബീ​രാ​ന്‍കു​ട്ടി​ക്കാ​ന്‍റെ കു​ഞ്ഞ​ന്‍ബാ​വ​യ​ട​ക്കം കാ​ഞ്ഞ​ങ്ങാ​ട്ടേ​ക്ക് പു​റ​പ്പെ​ട്ടു. വി​ശ​ദ പ​രി​ശോ​ധ​നയി​ല്‍ അ​വ​ശി​ഷ്ട​ങ്ങ​ള്‍ വി​ജ​യ​മാ​ല​യു​ടേ​താ​ണെ​ന്നു കു​ഞ്ഞ​ന്‍ബാ​വ സാ​ക്ഷ്യ​പ്പെ​ടു​ത്തി. തു​ട​ർ​ന്ന് ബോം​ബെ വ​രെ സ​ഞ്ച​രി​ച്ച് സ​മ​ഗ്ര​അ​ന്വേ​ഷ​ണം ന​ട​ത്തി. ദു​ല്‍ദു​ലി​ന്‍റെ​യും ജോ​ലി​ക്കാ​രു​ടെ​യും വി​വ​ര​ങ്ങ​ളൊ​ന്നും ല​ഭി​ച്ചി​ല്ല. പ​ത്തേ​മാ​രി ത​ക​ര്‍ന്ന​താ​യി സ്ഥി​രീ​ക​രി​ച്ച​തോ​ടെ​യാ​ണ് പ്രി​യ​പ്പെ​ട്ട​വ​ർ ക​ട​ലാ​ഴ​ങ്ങ​ളി​ലേ​ക്ക് മ​റ​ഞ്ഞ​ത് വേ​ദ​ന​യോ​ടെ തീ​ര​ത്തു​ള്ള​വ​ർ അ​റി​ഞ്ഞ​ത്.