വെ​ള്ള​ത്തി​ലാ​യ കോ​ടി​ക​ൾ; 6200 കോ​ടി ന​ഷ്ട​ത്തി​ൽ മു​ങ്ങി ജ​ല അ​തോ​റി​റ്റി

കൊ​ച്ചി: ഗാ​ർ​ഹി​ക ഉ​പ​ഭോ​ക്താ​ക്ക​ൾ മു​ത​ൽ സ​ർ​ക്കാ​ർ സ്ഥാ​പ​ന​ങ്ങ​ൾ വ​രെ കോ​ടി​ക​ൾ കു​ടി​ശ്ശി​ക​യാ​ക്കി​യ വാ​ട്ട​ർ ചാ​ർ​ജ് തു​ക പി​രി​ച്ചെ​ടു​ക്കാ​ൻ ക​ഠി​ന​ശ്ര​മ​വു​മാ​യി ജ​ല അ​തോ​റി​റ്റി. 6223.76 കോ​ടി​യു​ടെ ന​ഷ്ട​മാ​ണ് ജ​ല അ​തോ​റി​റ്റി​യി​ൽ ക​ണ​ക്കാ​ക്കി​യി​ട്ടു​ള്ള​ത്. സെ​ക്ഷ​ൻ ഓ​ഫി​സ് ത​ലം വ​രെ​യു​ള്ള ജീ​വ​ന​ക്കാ​രെ ഏ​കോ​പി​പ്പി​ച്ച് ഊ​ർ​ജി​ത​മാ​യ കു​ടി​ശ്ശി​ക നി​ർ​മാ​ർ​ജ​ന പ്ര​വ​ർ​ത്ത​നം ന​ട​ത്തി​വ​രു​ക​യാ​ണ് അ​ധി​കൃ​ത​ർ.

വി​വി​ധ സ​ർ​ക്കാ​ർ വ​കു​പ്പു​ക​ളി​ലെ 25,153 ക​ണ​ക്ഷ‍നു​ക​ളി​ൽ നി​ന്നാ​യി 103.13 കോ​ടി, പൊ​തു​മേ​ഖ​ല സ്ഥാ​പ​ന​ങ്ങ​ളി​ലെ 2041 ക​ണ​ക്ഷ​നു​ക​ളി​ൽ​നി​ന്ന് 7.71 കോ​ടി, സ്വ​കാ​ര്യ ഗാ​ർ​ഹി​കേ​ത​ര ക​ണ​ക്ഷ​നു​ക​ളി​ൽ​നി​ന്ന് 3.55 കോ​ടി എ​ന്നി​ങ്ങ​നെ ല​ഭി​ക്കാ​നു​ണ്ട്. 10 ല​ക്ഷം രൂ​പ​യി​ല​ധി​കം കു​ടി​ശ്ശി​ക​യു​ള്ള ഗാ​ർ​ഹി​ക ഉ​പ​ഭോ​ക്താ​ക്ക​ളി​ൽ നി​ന്നു​മാ​ത്രം 26.63 കോ​ടി രൂ​പ കി​ട്ടാ​നു​ണ്ട്. മെ​ഡി​ക്ക​ൽ കോ​ള​ജ് ആ​ൻ​ഡ് ഹെ​ൽ​ത്ത് ഡി​പ്പാ​ർ​ട്​​മെ​ന്‍റ്​ 19.5 കോ​ടി, പി.​ഡ​ബ്ല്യു.​ഡി 27.51 കോ​ടി, വി​ദ്യാ​ഭ്യാ​സ വ​കു​പ്പ് 4.19 കോ​ടി, പൊ​ലീ​സ് 5.25 കോ​ടി, എ​ൽ.​എ​സ്.​ജി.​ഡി 3.87 കോ​ടി, അം​ഗ​ൻ​വാ​ടി 0.81 കോ​ടി, ടൂ​റി​സം 3.11 കോ​ടി, സെ​ക്ര​ട്ട​റി​യേ​റ്റ് 2.48 കോ​ടി എ​ന്നി​ങ്ങ​നെ നീ​ളു​ന്നു സ​ർ​ക്കാ​ർ വ​കു​പ്പു​ക​ളു​ടെ കു​ടി​ശ്ശി​ക തു​ക.

കൃ​ത്യ​മാ​യി ബി​ല്ല്​ അ​ട​ക്കാ​ത്ത​വ​ർ​ക്ക് ക​ണ​ക്ഷ​ൻ വി​ച്ഛേ​ദി​ക്കു​ന്ന​തി​നു​ള്ള നോ​ട്ടീ​സ് ന​ൽ​കി തു​ട​ർ​ന​ട​പ​ടി​ക​ൾ സ്വീ​ക​രി​ക്കു​ന്നു​ണ്ട്. ഉ​പ​ഭോ​ക്താ​വ് ആ​വ​ശ്യ​പ്പെ​ടു​ന്ന മു​റ​ക്ക് ത​വ​ണ​ക​ളാ​യി കു​ടി​ശ്ശി​ക നി​വാ​ര​ണ​ത്തി​നും ക്ര​മീ​ക​ര​ണ​വും ഏ​ർ​പ്പെ​ടു​ത്തു​ന്നു. ബി​ല്ല് ന​ൽ​കി​യി​ട്ടും തു​ക​യ​ട​ക്കാ​ത്ത​വ​രു​ടെ ക​ണ​ക്ഷ​നു​ക​ൾ വി​​ച്ഛേ​ദി​ച്ച് റ​വ​ന്യൂ റി​ക്ക​വ​റി ന​ട​പ​ടി​ക​ളും സ്വീ​ക​രി​ക്കു​ന്നു​ണ്ട്. ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ൾ ന​ൽ​കാ​നു​ള്ള കു​ടി​ശ്ശി​ക അ​വ​രു​ടെ പ്ലാ​ൻ ഫ​ണ്ടി​ൽ നി​ന്ന്​ കു​റ​വ് ചെ​യ്ത് ന​ൽ​ക​ണ​മെ​ന്ന് വ​കു​പ്പി​നോ​ട് ആ​വ​ശ്യ​പ്പെ​ട്ടി​ട്ടു​മു​ണ്ട്.