സന്നിധാനത്ത്​ നിന്ന്​ അറസ്​റ്റിലായ 82 പേർക്ക്​​ ജാമ്യം

സന്നിധാനം: ശബരിമല സന്നിധാനത്ത്​ നിരോധനാജ്ഞ ലംഘിച്ചതിന്​ അറസ്​റ്റിലായവർക്ക്​ ജാമ്യം. പ്രതിഷേധ നാമജപം നടത്തിയതിന്​ അറസ്​റ്റിലായ 82 പേർക്കാണ്​ ജാമ്യം അനുവദിച്ചത്​. സ്​റ്റേഷൻ ജാമ്യം നൽകിയാണ്​ ഇവരെ വിട്ടയച്ചത്​. അന്യായമായി സംഘം ചേരൽ എന്ന വകുപ്പ്​ ചുമത്തിയാണ്​ ഇവർക്കെതിരെ കേസെടുത്തത്​.

വാവരുനടയ്​ക്ക്​ മുന്നിൽ തീർഥാടകർ കടക്കാതെ പൊലീസ്​ ബാരിക്കേഡ്​ കെട്ടിത്തിരിച്ച സ്ഥലത്തായിരുന്നു ഇന്നലെ രാത്രി 10ന്​ ശേഷം നാമജപം തുടങ്ങിയത്​. രണ്ട്​ സംഘമായി തിരിഞ്ഞായിരുന്നു നാമജപ പ്രതിഷേധം. ബി.ജെ.പി കോട്ടയം ജില്ലാ ട്രഷറർ ഉൾപ്പടെയുള്ളവർ പ്രതിഷേധത്തിൽ പ​െങ്കടുത്തിരുന്നു. ആദ്യം ഇക്കാര്യത്തിൽ പൊലീസ്​ നടപടിക്ക്​ മുതിർന്നിരുന്നില്ല. പിന്നീട്​ പ്രതിഷേധത്തി​​​​െൻറ സ്വഭാവം മാറിയതോടെ പൊലീസ്​ ഇടപെടുകയായിരുന്നു.​

നേരത്തെയും സന്നിധാനത്ത്​ നാമജപ പ്രതിഷേധം ഉണ്ടായിരുന്നു. വലിയ നടപന്തലിൽ പ്രതിഷേധിച്ച 69 പേരെ ​പൊലീസ്​ അറസ്​റ്റ്​ ചെയ്യുകയും ചെയ്​തിരുന്നു.