കെ-സ്റ്റോറിലേക്ക് മാറാൻ സന്നദ്ധത അറിയിച്ച് 837 റേഷന്‍ കടകള്‍

തി​രു​വ​ന​ന്ത​പു​രം: പൊ​തു​വി​ത​ര​ണ രം​ഗ​ത്ത് വി​പ്ല​വം സൃ​ഷ്ടി​ച്ചു​കൊ​ണ്ട് കെ-​സ്റ്റോ​റു​ക​ൾ ഈ ​മാ​സം 14ന് ​തു​റ​ക്കും. ഇ​ട​ത് സ​ർ​ക്കാ​റി​ന്‍റെ അ​ഭി​മാ​ന പ​ദ്ധ​തി തൃ​ശൂ​രി​ൽ മു​ഖ്യ​മ​ന്ത്രി പി​ണ​റാ​യി വി​ജ​യ​നാ​ണ് നാ​ടി​ന് സ​മ​ർ​പ്പി​ക്കു​ക. റേ​ഷ​ൻ​ക​ട​ക​ളെ​ന്ന സ​ങ്ക​ൽ​പ​ത്തെ പൊ​ളി​ച്ചെ​ഴു​തി​യാ​ണ് കേ​ര​ള സ്റ്റോ​ർ എ​ന്ന കെ-​സ്റ്റോ​റി​ന്‍റെ പി​റ​വി. അ​രി, ഗോ​ത​മ്പ്, മ​ണ്ണെ​ണ്ണ എ​ന്നി​വ​ക്കു പു​റ​മെ, മാ​വേ​ലി, മി​ൽ​മ ഉ​ൽ​പ​ന്ന​ങ്ങ​ളും ഇ-​സേ​വ​ന​ങ്ങ​ളും മി​നി എ.​ടി.​എ​മ്മും ഉ​ൾ​പ്പെ​ടു​ന്ന സ്മാ​ർ​ട്ട് ഷോ​പ്പി​ങ്​ സെ​ന്‍റ​റു​ക​ളാ​യി റേ​ഷ​ൻ​ക​ട​ക​ൾ ഉ​യ​രും.

ആ​ദ്യ​ഘ​ട്ട​ത്തി​ൽ 73 ക​ട​ക​ളാ​ണ് കെ-​സ്റ്റോ​റു​ക​ളാ​കു​ന്ന​ത്.മാ​വേ​ലി സ്റ്റോ​റു​ക​ള്‍ വ​ഴി നി​ല​വി​ല്‍ ന​ല്‍കി​വ​രു​ന്ന 13 ഇ​ന സ​ബ്‌​സി​ഡി സാ​ധ​ന​ങ്ങ​ളും മ​റ്റ് നി​ത്യോ​പ​യോ​ഗ സാ​ധ​ന​ങ്ങ​ളും ശ​ബ​രി ബ്രാ​ൻ​ഡ​ഡ് ഉ​ൽ​പ​ന്ന​ങ്ങ​ളും കെ-​സ്റ്റോ​റി​ലൂ​ടെ ല​ഭി​ക്കു​മെ​ന്നാ​ണ് സ​ർ​ക്കാ​ർ വാ​ഗ്ദാ​നം. കാ​ര്‍ഡ് ഉ​ട​മ​ക​ള്‍ക്ക് ബാ​ങ്കി​ലോ എ.​ടി.​എ​മ്മി​ലോ പോ​കാ​തെ റേ​ഷ​ന്‍ ക​ട​ക​ളി​ല്‍നി​ന്ന് പ​ണം പി​ന്‍വ​ലി​ക്കാം.

ഗ്രാ​മ​പ്ര​ദേ​ശ​ങ്ങ​ളി​ലു​ള്ള​വ​ര്‍ക്ക് ഇ​ത് വ​ലി​യ ഉ​പ​കാ​ര​മാ​കു​മെ​ന്നാ​ണ് സ​ര്‍ക്കാ​റി​ന്‍റെ ക​ണ​ക്കു​കൂ​ട്ട​ല്‍. ബാ​ങ്കു​മാ​യി ബ​ന്ധി​പ്പി​ച്ച സ്മാ​ര്‍ട്ട് കാ​ര്‍ഡ് വ​ഴി സ്വ​ന്തം അ​ക്കൗ​ണ്ടി​ല്‍ നി​ന്നാ​ണ് കാ​ര്‍ഡ് ഉ​ട​മ​ക​ള്‍ക്ക് എ.​ടി.​എം മാ​തൃ​ക​യി​ല്‍ പ​ണം പി​ന്‍വ​ലി​ക്കാ​നാ​കു​ക. സ്മാ​ർ​ട്ട് റേ​ഷ​ൻ കാ​ർ​ഡു​ക​ൾ വ​ഴി പ​ര​മാ​വ​ധി എ​ടു​ക്കാ​വു​ന്ന തു​ക 5000 രൂ​പ​യാ​ണ്. ഇ​ട​പാ​ട് പൂ​ര്‍ത്തി​യാ​ക്കി​ക്ക​ഴി​ഞ്ഞാ​ല്‍ റേ​ഷ​ന്‍ ക​ട​യി​ല്‍നി​ന്ന് നേ​രി​ട്ട് പ​ണം കൈ​പ്പ​റ്റാം.

ഈ ​പ​ണം അ​ത​ത് ബാ​ങ്കു​ക​ള്‍ റേ​ഷ​ന്‍ ക​ട ലൈ​സ​ന്‍സി​യു​ടെ അ​ക്കൗ​ണ്ടി​ലേ​ക്ക് കൈ​മാ​റും. മി​ല്‍മ ഉ​ൽ​പ​ന്ന​ങ്ങ​ളും അ​ഞ്ച് കി​ലോ വ​രു​ന്ന ചോ​ട്ടു ഗ്യാ​സ് സി​ലി​ണ്ട​റും വാ​ങ്ങാം. വെ​ള്ളം, വൈ​ദ്യു​തി തു​ട​ങ്ങി​യ ബി​ല്ലു​ക​ള്‍ അ​ട​യ്ക്കാ​നും വി​വി​ധ സ​ര്‍ക്കാ​ര്‍ ഓ​ണ്‍ലൈ​ന്‍ അ​പേ​ക്ഷ​ക​ള്‍ സ​മ​ര്‍പ്പി​ക്കാ​നു​ള്ള സൗ​ക​ര്യ​വും കെ-​സ്റ്റോ​റി​ലു​ണ്ടാ​കും. ബാ​ങ്ക് ഓ​ഫ് ബ​റോ​ഡ​യാ​ണ് ഇ​തു സം​ബ​ന്ധി​ച്ച് സ​ർ​ക്കാ​റു​മാ​യി ക​രാ​ർ ഒ​പ്പി​ട്ടി​രി​ക്കു​ന്ന​ത്.

ര​ണ്ടു കി​ലോ​മീ​റ്റ​ര്‍ ചു​റ്റ​ള​വി​ല്‍ ബാ​ങ്കു​ക​ള്‍, അ​ക്ഷ​യ​കേ​ന്ദ്രം, മാ​വേ​ലി സ്റ്റോ​ര്‍ എ​ന്നി​വ​യി​ല്ലാ​ത്ത ഗ്രാ​മ​പ്ര​ദേ​ശ​ങ്ങ​ളി​ലാ​ണ് തു​ട​ക്ക​ത്തി​ല്‍ പ​ദ്ധ​തി ന​ട​പ്പാ​ക്കു​ന്ന​ത്.ഘ​ട്ടം​ഘ​ട്ട​മാ​യി സം​സ്ഥാ​ന​ത്തെ 14000ത്തോ​ളം റേ​ഷ​ന്‍ ക​ട​ക​ളും സ്മാ​ര്‍ട്ടാ​ക്കും. 300 ച​തു​ര​ശ്ര അ​ടി​യു​ള്ള റേ​ഷ​ന്‍ ക​ട​ക​ളെ​യാ​ണ് കെ-​സ്റ്റോ​റി​നാ​യി പ​രി​ഗ​ണി​ക്കു​ക.സം​സ്ഥാ​ന​ത്ത് ആ​കെ​യു​ള്ള റേ​ഷ​ന്‍ ക​ട​ക​ളി​ല്‍ മ​തി​യാ​യ സ്ഥ​ല​വും സൗ​ക​ര്യ​ങ്ങ​ളു​മു​ള്ള 837 റേ​ഷ​ന്‍ ക​ട​ക​ള്‍ കെ-​സ്റ്റോ​റി​ലേ​ക്ക് മാ​റാ​ൻ സ​ന്ന​ദ്ധ​ത പ്ര​ക​ടി​പ്പി​ച്ചി​ട്ടു​ണ്ട്.

കെ-​സ്റ്റോ​ർ സേ​വ​ന​ങ്ങ​ൾ

• റേ​ഷ​ൻ​ക​ട: അ​രി, ഗോ​ത​മ്പ്, മ​ണ്ണെ​ണ്ണ, ആ​ട്ട
• മാ​വേ​ലി സ്റ്റോ​ർ: സ​ബി​സി​ഡി സാ​ധ​ന​ങ്ങ​ൾ ഉ​ൾ​പ്പെ​ടെ​യു​ള്ള ശ​ബ​രി ബ്രാ​ൻ​ഡ​ഡ് ഉ​ൽ​പ​ന്ന​ങ്ങ​ൾ
• ഗ്യാ​സ്: അ​ഞ്ച് കി​ലോ ചോ​ട്ടു ഗ്യാ​സ്
• മി​ൽ​മ ബൂ​ത്ത്: പാ​ൽ, മ​റ്റ് പാ​ലു​ൽ​പ​ന്നം
• അ​ക്ഷ​യ സെ​ന്‍റ​ർ: ബി​ൽ അ​ട​ക്കാം, ഓ​ൺ​ലൈ​ൻ അ​പേ​ക്ഷ
• മി​നി ബാ​ങ്ക്: 5000 രൂ​പ​വ​രെ പ​ണം പി​ൻ​വ​ലി​ക്കാം