കൊണ്ടോട്ടി താലൂക്കിലെ ഒമ്പത്​ പഞ്ചായത്തുകളെ കണ്ടെയ്​ൻമെൻറ്​ സോണിൽനിന്ന്​ ഒഴിവാക്കി

കൊണ്ടോട്ടി: താലൂക്കിലെ കൊണ്ടോട്ടി നഗരസഭ, പുളിക്കൽ, പള്ളിക്കൽ ഒഴികെയുള്ള മറ്റു പഞ്ചായത്തുകളെ കണ്ടെയ്​ൻമെൻറ്​ സോണിൽനിന്ന് ഒഴിവാക്കി. ഞായറാഴ്​ച സർക്കാർ ഒൗദ്യോഗികമായി ഇറക്കിയ പത്രക്കുറിപ്പിൽ മലപ്പുറം ജില്ലയിലെ കൊണ്ടോട്ടി നഗരസഭ (എല്ലാ വാര്‍ഡുകളും), പള്ളിക്കല്‍ (എല്ലാ വാര്‍ഡുകളും), പുളിക്കല്‍ (എല്ലാ വാര്‍ഡുകളും) എന്നിവ കണ്ടെയ്​ൻമെൻറ്​ സോണിൽനിന്ന്​ ഒഴിവാക്കി എന്നാണ് ആദ്യം​ നൽകിയിരുന്നത്​. ഇത്​ ജനങ്ങളിൽ സംശയങ്ങൾക്കിടയാക്കിയിരുന്നു.

തുടർന്ന്​ പത്രക്കുറിപ്പ്​ തിരുത്തി 'കൊണ്ടോട്ടി താലൂക്കിൽ കൊണ്ടോട്ടി നഗരസഭ, പള്ളിക്കൽ, പുളിക്കൽ പഞ്ചായത്തുകൾ ഒഴികെയുള്ള പ്രദേശങ്ങളിലെ പഞ്ചായത്തുകളെ കണ്ടെയ്ൻമെൻറ്​ സോണിൽനിന്ന് ഒഴിവാക്കി' എന്നാക്കി മാറ്റി. ഒമ്പത്​ പഞ്ചായത്തുകളെ ഒഴിവാക്കിയ വിവരം ടി.വി. ഇബ്രാഹിം എം.എൽ.എയും അറിയിച്ചിരുന്നു.

ഇതോടെ വാഴയൂർ, വാഴക്കാട്​, ചീക്കോട്​, മുതുവല്ലൂർ, മൊറയൂർ, നെടിയിരുപ്പ്​, കുഴിമണ്ണ, ചെറുകാവ്‌, ചേലേമ്പ്ര എന്നീ പഞ്ചായത്തുകൾ കണ്ടെയ്​ൻമെൻറ്​ സോണിൽനിന്ന്​ ഒഴിവായി​. പ്രളയഭീതി കാരണം ചാലിയാറി​െൻറ തീരത്തെ പഞ്ചായത്തുകളെ നിയന്ത്രണങ്ങളിൽനിന്ന്​ ഒഴിവാക്കിത്തരണമെന്ന്​ പ്രസിഡൻറുമാർ നേരത്തെ ആവശ്യപ്പെട്ടിരുന്നു.