വാഹന പരിശോധനക്കിടെ 96 ലക്ഷം രൂപ കുഴൽപ്പണം പിടികൂടി

അരീക്കോട് (മലപ്പുറം): അനധികൃതമായി കടത്താൻ ശ്രമിച്ച 96 ലക്ഷം രൂപയുടെ കുഴൽപ്പണം പിടികൂടി. വാലില്ലാപ്പുഴയിൽ ശനിയാഴ്ച രാവിലെ വാഹന പരിശോധനക്കിടെയാണ്​ പണം പിടികൂടിയത്​.

ജില്ല പൊലീസ് മേധാവി സുജിത്ത് ദാസിന്​ ലഭിച്ച രഹസ്യവിവരത്തെ അടിസ്ഥാനത്തിൽ അരീക്കോട് പൊലീസാണ്​ വാഹന പരിശോധന നടത്തിയത്​. 96,00,000 രൂപയുടെ രേഖകളില്ലാത്ത പണമാണ്​ പിടികൂടിയത്.

സംഭവത്തിൽ പാലക്കാട് തൃപ്പനച്ചി സ്വദേശി ഫൈസൽ (36), മഹാരാഷ്​ട്ര സ്വദേശി ഗണേശ (44) എന്നിവരെ പിടികൂടി.