മഞ്ചേരി ആനക്കയത്ത് ഹാർഡ് വെയർ സ്ഥാപനത്തിൽ തീപിടിത്തം

മഞ്ചേരി: ആനക്കയം പാണായിയിൽ വൻ തീപിടിത്തം. അങ്ങാടിയിലെ സി.കെ. ഇൻഡസ്ട്രിയൽ എന്ന ഹാർഡ് വെയർ സ്ഥാപനത്തിലാണ് തീപിടിത്തമുണ്ടായത്. ചൊവ്വാഴ്ച വൈകിട്ടാണ് സംഭവം.

കടയുടെ മുകളിൽ പെയിന്‍റ്, ടിന്നർ എന്നിവ സൂക്ഷിച്ചിരുന്ന സ്ഥലത്താണ് തീപിടിത്തമുണ്ടായത്. പ്ലാസ്റ്റിക് ഷീറ്റുകളും കത്തി നശിച്ചു. മഞ്ചേരി, മലപ്പുറം എന്നിവിടങ്ങളിൽ നിന്നെത്തിയ അഗ്നിരക്ഷാസേന തീയണച്ചു. തീപിടിത്ത കാരണം വ്യക്തമല്ല.

തീപിടിത്തത്തെ തുടർന്ന് മഞ്ചേരി- മലപ്പുറം റോഡിൽ ഏറെനേരം ഗതാഗതം തടസപ്പെട്ടു.