മൂന്നാർ-ദേവികുളം റോഡിൽ ബൊട്ടാണിക്കൽ ഗാർഡന് സമീപം മണ്ണിടിഞ്ഞു

മൂന്നാർ: കൊച്ചി-ധനുഷ്ക്കോടി ദേശിയപാതയുടെ ഭാഗമായ മൂന്നാർ-ദേവികുളം റോഡിൽ ബൊട്ടാണിക്കൽ ഗാർഡന് സമീപം മണ്ണിടിഞ്ഞു. രാത്രിയിൽ പാതയോരത്തു നിന്നും മണ്ണിടിഞ്ഞ് റോഡിലേക്ക് പതിക്കുകയായിരുന്നു.

മണ്ണിടിഞ്ഞതോടെ ഇതുവഴിയുള്ള ഗതാഗതം നിലച്ചു. പിന്നീട് മണ്ണുമാന്തി യന്ത്രമെത്തിക്കുകയും മണ്ണ് നീക്കി ഗതാഗതം പുനഃസ്ഥാപിക്കുകയും ചെയ്തു.വഴിയിൽ വാഹനങ്ങളുടെ തിരക്കില്ലാതിരുന്ന സമയത്ത് മണ്ണിടിഞ്ഞതിനാൽ മറ്റ് അത്യാഹിതങ്ങൾ ഒഴിവായി.