20 ലക്ഷം വരെയുള്ള ജപ്തി നടപടി നിർത്തിവെക്കാൻ നിയമം വരുന്നു

തി​രു​വ​ന​ന്ത​പു​രം: 20 ല​ക്ഷം രൂ​പ വ​രെ​യു​ള്ള ജ​പ്തി ന​ട​പ​ടി​ക​ൾ താ​ൽ​ക്കാ​ലി​ക​മാ​യി നി​ർ​ത്തി​വെ​ക്കാ​ൻ നി​യ​മം വ​രു​ന്നു. ജ​പ്തി ന​ട​പ​ടി​യി​ല്‍ ഇ​ള​വ​നു​വ​ദി​ക്കാ​ന്‍ സ​ര്‍ക്കാ​റി​ന് അ​ധി​കാ​രം ന​ല്‍കു​ന്ന ബി​ൽ ജൂ​ണി​ൽ ചേ​രു​ന്ന സ​മ്പൂ​ർ​ണ ബ​ജ​റ്റ്​ സ​മ്മേ​ള​ന​ത്തി​ൽ അ​വ​ത​രി​പ്പി​ക്കും. റ​വ​ന്യൂ, ധ​ന വ​കു​പ്പു​ക​ളു​ടെ നി​ര്‍ദേ​ശ​മ​ട​ങ്ങി​യ റ​വ​ന്യൂ റി​ക്ക​വ​റി ബി​ല്ലി​ന്റെ ക​ര​ട് നി​യ​മ​വ​കു​പ്പ് ത​യാ​റാ​ക്കി. റ​വ​ന്യൂ മ​ന്ത്രി​ക്ക് അ​ഞ്ചു​ല​ക്ഷം രൂ​പ വ​രെ​യും ധ​ന​മ​ന്ത്രി​ക്ക് 10 ല​ക്ഷം വ​രെ​യും മു​ഖ്യ​മ​ന്ത്രി​ക്ക് 20 ല​ക്ഷം വ​രെ​യു​മു​ള്ള വാ​യ്പാ കു​ടി​ശ്ശി​ക​യെ തു​ട​ര്‍ന്നു​ള്ള ജ​പ്തി ന​ട​പ​ടി താ​ല്‍ക്കാ​ലി​ക​മാ​യി നി​ര്‍ത്തി​​വെ​ക്കാ​ന്‍ അ​ധി​കാ​രം ന​ല്‍കു​ന്ന​താ​ണ്​ നി​യ​മം.

സ​ഹ​ക​ര​ണ, ദേ​ശ​സാ​ത്കൃ​ത, ഷെ​ഡ്യൂ​ള്‍ഡ്, കോ​മേ​ഴ്‌​സ്യ​ല്‍ ബാ​ങ്കു​ക​ളു​ടെ​യും ജ​പ്തി ന​ട​പ​ടി​യി​ല്‍ സ​ര്‍ക്കാ​റി​ന് ഇ​ട​പെ​ട്ട് വാ​യ്പ എ​ടു​ത്ത​യാ​ള്‍ക്ക് ആ​ശ്വാ​സം ന​ല്‍കാ​ന്‍ പു​തി​യ നി​യ​മ​ത്തി​ൽ ക​ഴി​യും. എ​ന്നാ​ല്‍, വാ​യ്പ​ക​ളു​ടെ തി​രി​ച്ച​ട​വ് മു​ട​ങ്ങി​യാ​ൽ ധ​ന​കാ​ര്യ സ്ഥാ​പ​ന​ങ്ങ​ൾ​ക്ക് നേ​രി​ട്ട് ജ​പ്തി ന​ട​പ​ടി​ക​ൾ ന​ട​ത്താ​നു​ള്ള അ​ധി​കാ​രം കൊ​ടു​ക്കു​ന്ന ‘സ​ര്‍ഫാ​സി ആ​ക്ട്’ പ്ര​കാ​ര​മു​ള്ള ജ​പ്തി​യി​ല്‍ ഇ​ട​പെ​ടാ​നാ​വി​ല്ല.

പു​തി​യ നി​യ​മം വ​രു​ന്ന​തോ​ടെ റ​വ​ന്യൂ റി​ക്ക​വ​റി പ്ര​കാ​ര​മു​ള്ള ജ​പ്തി ന​ട​പ​ടി​ക​ള്‍ നീ​ട്ടി​വെ​ക്കാ​നും കൂ​ടു​ത​ല്‍ ഗ​ഡു​ക്ക​ളാ​യി വാ​യ്പാ​തു​ക തി​രി​ച്ച​യ്​​ട​ക്കാ​നും ഇ​ത്​ സാ​വ​കാ​ശം ന​ല്‍കും. എ​ക്‌​സി​ക്യൂ​ട്ടി​വ് മ​ജി​സ്റ്റീ​രി​യ​ല്‍ അ​ധി​കാ​ര​മു​ള്ള ത​ഹ​സി​ല്‍ദാ​ര്‍ മു​ത​ല്‍ മു​ഖ്യ​മ​ന്ത്രി വ​രെ​യു​ള്ള​വ​ര്‍ക്ക് റ​വ​ന്യൂ റി​ക്ക​വ​റി പ്ര​കാ​ര​മു​ള്ള ജ​പ്തി ന​ട​പ​ടി​ക​ള്‍ നീ​ട്ടി​വെ​ക്കാം. നേ​ര​ത്തെ ത​ഹ​സി​ല്‍ദാ​ര്‍ മു​ത​ല്‍ മു​ഖ്യ​മ​ന്ത്രി​വ​രെ​യു​ള്ള​വ​ര്‍ക്ക് വാ​യ്പാ തു​ക 10 ഗ​ഡു​ക്ക​ളാ​യി തി​രി​ച്ച​ട​യ്​​ക്കാ​നു​ള്ള ഉ​ത്ത​ര​വി​റ​ക്കാ​ന്‍ ക​ഴി​യു​മാ​യി​രു​ന്നു. എ​ന്നാ​ല്‍, ജ​പ്തി ന​ട​പ​ടി നീ​ട്ടി​വെ​ക്കാ​ന്‍ പ​റ്റി​ല്ലാ​യി​രു​ന്നു.

ഇ​ക്കാ​ര്യം നി​ര്‍ദേ​ശി​ച്ച്​ റ​വ​ന്യൂ-​ധ​ന​മ​ന്ത്രി​മാ​ര്‍ ഇ​റ​ക്കി​യ ഉ​ത്ത​ര​വ് ബാ​ങ്കു​ക​ൾ ഹൈ​കോ​ട​തി​യി​ല്‍ ചോ​ദ്യം​ചെ​യ്തു. ഇ​ല്ലാ​ത്ത നി​യ​മ​ത്തി​ന്റെ പേ​രി​ല്‍ ജ​പ്തി ന​ട​പ​ടി ഒ​ഴി​വാ​ക്കാ​ന്‍ ഇ​ട​പെ​ട​രു​തെ​ന്ന്​ നി​ര്‍ദേ​ശി​ച്ച കോ​ട​തി, ആ​വ​ശ്യ​മെ​ങ്കി​ല്‍ നി​യ​മം നി​ര്‍മി​ക്കാ​ൻ സ​ര്‍ക്കാ​റി​നോ​ട്​ നി​ര്‍ദേ​ശി​ച്ചു. അ​പ്പീ​ല്‍ സ​മ​ര്‍പ്പി​ച്ചെ​ങ്കി​ലും ഇ​തും ത​ള്ളി. ഈ ​സാ​ഹ​ച​ര്യ​ത്തി​ലാ​ണ് നി​യ​മ നി​ര്‍മാ​ണ​ത്തി​ലേ​ക്ക്​ ക​ട​ന്ന​ത്.