ഗുണ്ടാവിളയാട്ടം ചർച്ച ചെയ്യും: ഇന്ന് ഉന്നത പൊലീസ് ഉദ്യോഗസ്ഥരുടെ യോഗം

തി​രു​വ​ന​ന്ത​പു​രം: ഗു​ണ്ടാ​വി​ള​യാ​ട്ട സം​ഭ​വ​ങ്ങ​ളി​ൽ ആ​ഭ്യ​ന്ത​ര വ​കു​പ്പി​നെ​തി​രാ​യ വി​മ​ർ​ശ​ന​ങ്ങ​ളു​ടെ പ​ശ്ചാ​ത്ത​ല​ത്തി​ൽ മു​ഖ്യ​മ​ന്ത്രി പി​ണ​റാ​യി വി​ജ​യ​ൻ ഉ​ന്ന​ത പൊ​ലീ​സ് ഉ​ദ്യോ​ഗ​സ്ഥ​രു​ടെ യോ​ഗം വി​ളി​ച്ചു. ഇന്ന് മു​ഖ്യ​മ​ന്ത്രി​യു​ടെ ചേം​ബ​റി​ലാ​ണ്​ യോ​ഗം. സം​സ്ഥാ​ന പൊ​ലീ​സ് മേ​ധാ​വി​ക്കൊ​പ്പം എ.​ഡി.​ജി.​പി​മാ​രും പ​ങ്കെ​ടു​ക്കും. പെ​രു​മാ​റ്റ​ച്ച​ട്ടം നി​ല​നി​ല്‍ക്കു​ന്ന​തി​നാ​ല്‍ അ​ജ​ണ്ട​യി​ല്ലാ​തെ​യാ​ണ് യോ​ഗം. സ​മ​കാ​ലി​ക സം​ഭ​വ​ങ്ങ​ളും പ്ര​കൃ​തി​ദു​ര​ന്ത​ങ്ങ​ള്‍ നേ​രി​ടാ​നു​ള്ള ത​യാ​റെ​ടു​പ്പു​ക​ളും ച​ര്‍ച്ച​യാ​കും.

സ​മീ​പ​കാ​ല​ത്ത്​ തി​രു​വ​ന​ന്ത​പു​രം അ​ട​ക്കം ജി​ല്ല​ക​ളി​ൽ ഗു​ണ്ടാ​വി​ള​യാ​ട്ടം വ​ർ​ധി​ച്ച​ത്​ ​പൊ​ലീ​സി​നെ​തി​രെ രൂ​ക്ഷ​വി​മ​ർ​ശ​ന​ത്തി​ന്​ ഇ​ട​യാ​ക്കി​യി​രു​ന്നു. ഈ ​സ​മ​യം​ ആ​ഭ്യ​ന്ത​ര വ​കു​പ്പി​ന്‍റെ ചു​മ​ത​ല​യു​ള്ള മു​ഖ്യ​മ​ന്ത്രി വി​ദേ​ശ​ത്താ​യി​രു​ന്നു. ഇതിനിടെ, ഗുണ്ടാനേതാവ് തമ്മനം ഫൈസലിന്റെ വീട്ടിൽ വിരുന്നിൽ പങ്കെടുത്ത ആലപ്പുഴ ക്രൈംബ്രാഞ്ച് ഡി.വൈ.എസ്.പി എം.ജി. സാബുവിനെ സസ്പെൻഡ് ചെയ്തിരിക്കുകയാണ്. ഇന്നലെയാണ് വിരുന്നിൽ പ​ങ്കെടുത്തത്. വെള്ളിയാഴ്ച വിരമിക്കാനിരിക്കെയാണ് ഡി.വൈ.എസ്.പി സസ്​പെന്റിലായത്.

കൊ​ടും ക്രി​മി​ന​ലു​ക​ളെ നി​രീ​ക്ഷി​ക്കു​ന്ന​തി​ലും കാ​പ്പ ചു​മ​ത്തു​ന്ന​തി​ലും പ​രാ​ജ​യ​പ്പെ​ട്ട​താ​ണ് ഗൂ​ണ്ടാ​വി​ള​യാ​ട്ട​ത്തി​നു കാ​ര​ണ​മെ​ന്നാ​യി​രു​ന്നു ആ​രോ​പ​ണം. നി​ര​ന്ത​ര നി​രീ​ക്ഷ​ണ​ത്തി​ൽ ഇ​ന്‍റ​ലി​ജ​ന്‍സ്, സ്പെ​ഷ​ല്‍ ബ്രാ​ഞ്ച് സം​വി​ധാ​ന​ങ്ങ​ള്‍ പാ​ടേ പ​രാ​ജ​യ​പ്പെ​ട്ടു. ഗു​ണ്ട​ക​ളെ നി​യ​ന്ത്രി​ക്കാ​ന്‍ കൊ​ട്ടി​ഗ്​​ഘോ​ഷി​ച്ച് പ്ര​ഖ്യാ​പി​ച്ച പ​ദ്ധ​തി​ക​ളെ​ല്ലാം തെ​ര​ഞ്ഞെ​ടു​പ്പ് കാ​ല​മാ​യ​തോ​ടെ പൂ​ര്‍ണ​മാ​യും ഉ​പേ​ക്ഷി​ച്ചു. പൊ​ലീ​സ് - ഗു​ണ്ടാ ബ​ന്ധം കാ​ട്ടി​യു​ള്ള ഇ​ന്‍റ​റ​ലി​ജ​ന്‍സ് റി​പ്പോ​ർ​ട്ടി​ല്‍ ന​ട​പ​ടി​യി​ല്ലെ​ന്നും ആ​ക്ഷേ​പം ഉ​യ​ർ​ന്നി​രു​ന്നു.