ഉദ്യോഗസ്ഥരുടെ പരാതികൾ പരിഹരിക്കാൻ പൊലീസ് സഭ നടത്തും
text_fieldsതിരുവനന്തപുരം: പൊലീസ് ഉദ്യോഗസ്ഥരുടെ സർവിസ് സംബന്ധമായതും വ്യക്തിപരവുമായ പരാതികൾ പരിഹരിക്കുന്നതിന് ജില്ല പൊലീസ് മേധാവികൾ വിവിധ കേന്ദ്രങ്ങളിൽ പൊലീസ് സഭ നടത്തും. ഇതിനാവശ്യമായ നിർദേശം സംസ്ഥാന പൊലീസ് മേധാവി അനിൽകാന്ത് ജില്ല പൊലീസ് മേധാവികൾക്ക് നൽകി.
പൊലീസ് ഉദ്യോഗസ്ഥരുടെ സർവിസ് സംബന്ധമായ കാര്യങ്ങൾ, ശമ്പളം, പെൻഷൻ എന്നിവ കൂടാതെ വ്യക്തിപരമായ പരാതികളും ജില്ല പൊലീസ് മേധാവികൾ സഭയിൽ പരിഗണിക്കും. പരാതികളിൽ സമയബന്ധിതമായി തീർപ്പുകൽപിക്കാൻ ആവശ്യമായ നടപടി ജില്ല പൊലീസ് മേധാവികൾ സ്വീകരിക്കും. പൊലീസ് ഉദ്യോഗസ്ഥരുടെ പരാതികൾ പരിഗണിക്കുന്നതിന് സബ് ഡിവിഷനൽ പൊലീസ് ഓഫിസർമാർ എല്ലാ ആഴ്ചയും സ്റ്റേഷനുകൾ സന്ദർശിക്കണമെന്നും ഡി.ജി.പി ആവശ്യപ്പെട്ടു. റെയ്ഞ്ച് ഡി.ഐ.ജിമാരും സോണൽ ഐ.ജിമാരും ഈ നടപടികളുടെ ഏകോപനച്ചുമതല നിർവഹിക്കും.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.