തെരുവുനായിൽനിന്ന് വെള്ളിമൂങ്ങയെ രക്ഷപ്പെടുത്തി
text_fieldsതെരുവുനായുടെ ആക്രമണത്തിൽനിന്ന് രക്ഷപ്പെടുത്തിയ വെള്ളിമൂങ്ങ
കട്ടപ്പന: വെള്ളിമൂങ്ങയെ തെരുവുനായുടെ അക്രമണത്തിൽനിന്ന് ഓട്ടോ തൊഴിലാളികൾ രക്ഷപ്പെടുത്തി. കട്ടപ്പന പഴയ ബസ്സ്റ്റാൻഡിൽ ചൊവ്വാഴ്ച പുലർച്ച രണ്ടോടെയാണ് സംഭവം. രാത്രി തെരുവുവിളക്ക് പ്രകാശത്തിൽ എത്തുന്ന പ്രാണികളെയും ചെറുജീവികളെയും ഭക്ഷിക്കാൻ വനമേഖലയിൽനിന്ന് എത്തിയതാണ് വെള്ളിമൂങ്ങ. ഇരയെ പിടിക്കാൻ തറയിലേക്ക് പറന്നിറങ്ങിയ മൂങ്ങക്ക് നേരെ തെരുവുനായ്ക്കൾ പാഞ്ഞടുത്തു.
സംഭവം ശ്രദ്ധയിൽപെട്ട ഓട്ടോ തൊഴിലാളികള് ഓടിയെത്തി വെള്ളിമുങ്ങയെ രക്ഷപ്പെടുത്തുകയായിരുന്നു. ഡ്രൈവര്മാരും യാത്രക്കാരും ചേര്ന്ന് പിടികൂടി വനം വകുപ്പ് കട്ടപ്പന സെക്ഷന് ഓഫിസിലെ ഉദ്യോഗസ്ഥര്ക്ക് കൈമാറി. മൂങ്ങയെ തൊപ്പിപ്പാള വാളാടുപാറയിലെ വന മേഖലയിൽ തുറന്നുവിടുമെന്ന് വനപാലകർ അറിയിച്ചു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.