വിജിലൻസ്​ കോടതിയിൽ ചേര; അഴിമതിക്കേസ് വാദത്തിന് ‘സ്റ്റേ’, കോ​ട​തി​യു​ടെ പ്ര​വ​ർ​ത്ത​നം ഒ​രു മ​ണി​ക്കൂ​ർ ത​ട​സ്സ​പ്പെ​ട്ടു

തൃ​ശൂ​ർ: അ​ഴി​മ​തി ന​ട​ത്തു​ന്ന ഭ​ര​ണാ​ധി​കാ​രി​ക​ളെ വെ​ള്ളം കു​ടി​പ്പി​ക്കു​ന്ന വി​ജി​ല​ൻ​സ് കോ​ട​തി​യെ ഒ​രു കു​ഞ്ഞു​ചേ​ര വി​റ​പ്പി​ച്ചു. ബു​ധ​നാ​ഴ്ച തൃ​ശൂ​ർ വി​ജി​ല​ൻ​സ് കോ​ട​തി​യെ​യാ​ണ് ചേ​ര മ​ണി​ക്കൂ​റു​ക​ൾ പ​രി​ഭ്രാ​ന്തി​യി​ലാ​ക്കി​യ​ത്. ഉ​ച്ച​ഭ​ക്ഷ​ണ​ത്തി​ന് ശേ​ഷം കോ​ട​തി ന​ട​പ​ടി​ക​ൾ തു​ട​രു​ന്ന​തി​നി​ടെ മൂ​ന്നോ​ടെ​യാ​ണ് പാ​മ്പി​നെ ക​ണ്ട​ത്. ഓ​ഫി​സ് സ്റ്റാ​ഫ് ഇ​രി​ക്കു​ന്ന സെ​ക്ഷ​നി​ലെ അ​ല​മാ​ര​യി​ല്‍ എ​ന്തോ ഇ​ഴ​ഞ്ഞ്​ ക​യ​റു​ന്ന​ത് ക​ണ്ട സാ​ക്ഷി​യാ​ണ് ജീ​വ​ന​ക്കാ​രെ അ​റി​യി​ച്ച​ത്. ബെ​ഞ്ച് ക്ല​ർ​ക്ക്​ ഇ​ക്കാ​ര്യം ജ​ഡ്ജി​യെ അ​റി​യി​ച്ച​തോ​ടെ കോ​ട​തി​യു​ടെ പ്ര​വ​ർ​ത്ത​നം ത​ൽ​ക്കാ​ലം നി​ർ​ത്തി​വെ​ച്ചു. അ​ഴി​മ​തി​യു​മാ​യി ബ​ന്ധ​പ്പെ​ട്ട കേ​സി​ൽ നി​ർ​ണാ​ക വാ​ദം ന​ട​ക്കു​മ്പോ​ഴാ​യി​രു​ന്നു ചേരയുടെ രം​ഗ​പ്ര​വേ​ശം.

ജീ​വ​ന​ക്കാ​ർ കോ​ട​തി​ക്ക​ടു​ത്തു​ള്ള സോ​ഷ്യ​ല്‍ ഫോ​റ​സ്ട്രി ഡി​വി​ഷ​ന്‍ ഓ​ഫി​സി​ല്‍ വി​വ​ര​മ​റി​യി​ച്ചു. അ​വി​ടെ​നി​ന്ന്​ സ്പെ​ഷ​ല്‍ ഇ​ന്‍വെ​സ്റ്റി​ഗേ​ഷ​ന്‍ ആ​ൻ​ഡ് പ്രൊ​ട്ട​ക്ഷ​ന്‍ വി​ങ്ങി​ന് (എ​സ്.​ഐ.​പി) വി​വ​രം കൈ​മാ​റി. അ​ല​മാ​ര​യി​ൽ​നി​ന്ന് പു​റ​ത്തി​റ​ങ്ങു​ന്നു​ണ്ടോ എ​ന്ന്​ നി​രീ​ക്ഷി​ച്ച്​ ജീ​വ​ന​ക്കാ​രും നി​ന്നു. നി​മി​ഷ​ങ്ങ​ൾ​ക്ക​കം എ​സ്.​ഐ.​പി ഉ​ദ്യോ​ഗ​സ്ഥ​ന്‍ എ​ത്തി ഓ​ഫി​സ് പ​രി​സ​ര​വും ചേര ക​യ​റി​യ അ​ല​മാ​ര​യും പ​രി​ശോ​ധി​ച്ചു.സ​മീ​പ​ത്തു​ണ്ടാ​യി​രു​ന്ന​വ​രെ മാ​റ്റി. ഫ​യ​ലു​ക​ൾ​ക്കി​ട​യി​ൽ വാ​ല് ക​ണ്ട​തോ​ടെ ചേരയുടെ സാ​ന്നി​ധ്യം ഉ​റ​പ്പി​ച്ചു. ഫ​യ​ലു​ക​ൾ നീ​ക്കി വാ​ലി​ൽ പി​ടി​കൂ​ടാ​ൻ ശ്ര​മി​ച്ചെ​ങ്കി​ലും കൂ​ടു​ത​ൽ ഉ​ള്ളി​ലേ​ക്ക് ക​യ​റി. ഒ​രു മ​ണി​ക്കൂ​റോ​ളം ശ്ര​മി​ച്ച ശേ​ഷ​മാ​ണ് പി​ടി​കൂ​ടി​യ​ത്. ര​ണ്ട​ര അ​ടി​യോ​ളം നീ​ള​മു​ള്ള ചേ​ര​യെ വ​നം വ​കു​പ്പ് കൊ​ണ്ടു​പോ​യി. ഇ​തി​ന് ശേ​ഷ​മാ​ണ് കോ​ട​തി ന​ട​പ​ടി​ക​ൾ പു​ന​രാ​രം​ഭി​ച്ച​ത്.