കെ.ആർ. നാരായണൻ ഫിലിം ഇൻസ്റ്റിറ്റ്യൂട്ടിന് പുതിയ​ ഡയറക്​ടറെ കണ്ടെത്താൻ മൂന്നംഗ സർച്​ കമ്മിറ്റി

കോട്ടയം: കെ.ആർ. നാരായണൻ ഫിലിം ഇൻസ്റ്റിറ്റ്യൂട്ടിന്​ പുതിയ​ ഡയറക്​ടറെ കണ്ടെത്താൻ മൂന്നംഗ സർച്​ കമ്മിറ്റിയെ നിയോഗിച്ചതായി ഉന്നത വിദ്യാഭ്യാസ മന്ത്രി ഡോ. ആർ. ബിന്ദു അറിയിച്ചു. ആസൂത്രണ ബോർഡ് വൈസ് ചെയർമാൻ വി.കെ. രാമചന്ദ്രൻ കൺവീനറായ കമ്മിറ്റിയിൽ ചലച്ചി​​ത്ര വികസന കോർപറേഷൻ ചെയർമാൻ ഷാജി എൻ. കരുൺ, ടി.വി. ചന്ദ്രൻ എന്നിവരാണ്​ അംഗങ്ങൾ.

ശങ്കർ മോഹൻ നൽകിയ രാജി സർക്കാർ സ്വീകരിച്ചതായി ഫേസ്​ ബുക്ക്​​ പോസ്റ്റിൽ വ്യക്തമാക്കി. വിദ്യാർഥികൾ ഉന്നയിച്ച പഠനസംബന്ധിയായ മറ്റ്​ വിഷയങ്ങൾ പിറകെ അഭിസംബോധന ചെയ്യുമെന്നും സമരം അവസാനിപ്പിക്കാനും മന്ത്രി ആവശ്യപ്പെട്ടു.