''മുസ്​ലിംലീഗ്​ വർഗീയ പാർട്ടി, സമസ്​തക്ക്​​ വർഗീയത തുറന്നുകാണിച്ചപ്പോളുള്ള മാനസിക ബുദ്ധിമുട്ട്​''

തിരുവനന്തപുരം: മുസ്​ലിംലീഗിനെ ലക്ഷ്യമിട്ടുള്ള മുഖ്യമന്ത്രിയുടെ പ്രസ്​താവനക്ക്​ പിന്തുണയുമായി സി.പി.ഐ.എം സംസ്ഥാന സെക്രട്ടറി എ.വിജയരാഘവൻ. എല്ലാ വർഗീയതയുമായും സന്ധിചെയ്​തുകൊണ്ട്​ കേരളത്തെ നിയന്ത്രിക്കാനാണ് ലീഗ്​ ശ്രമിച്ചത്​​. അത്​ ഹിന്ദു തീവ്രവാദതെത സഹായിക്കുമെന്നും വർഗീയത തുറന്നുകാണിച്ചപ്പോൾ സമസ്​തക്ക്​ മാനസിക ബുദ്ധിമുട്ടാണെന്നും വിജയരാഘവൻ കൂട്ടിച്ചേർത്തു.

മതേതര മുസ്ലീങ്ങളെപ്പോലും മതമൗലീകപക്ഷത്തെത്തിക്കുന്നതില്‍ ലീഗ് മുഖ്യപങ്ക് വഹിച്ചതായും വിജയരാഘവൻ കുറ്റപ്പെടുത്തി. കോണ്‍ഗ്രസ്​ ഇതിന്‍റെ പങ്കുപറ്റിയിട്ടുണ്ടെന്നും മുഖ്യമ​ന്ത്രി ശരിയായ രാഷ്​ട്രീയമാണ്​ പറഞ്ഞതെന്നും വിജയരാഘവൻ കൂട്ടിച്ചേര്‍ത്തു.

മുഖ്യമന്ത്രിക്കെതിരെ പ്രതിഷേധവുമായി മുസ്​ലിംലീഗ്​ സംസ്ഥാന സെക്രട്ടറി കെ.പി.എ മജീദ്​ രംഗത്തെത്തിയിരുന്നു. മുഖ്യമന്ത്രി ന്യൂനപക്ഷ വിഭാഗങ്ങളെ തമ്മിലടിപ്പിക്കുകയാണെന്നായിരുന്നു മജീദിന്‍റെ പ്രതികരണം. ഖ്യമന്ത്രി വർഗീയാഗ്നിക്ക് തിരികൊളുത്തരുതെന്നും വർഗീയ ധ്രുവീകരണമുണ്ടാക്കുന്നതിൽ സംഘപരിവാർ പരാജയപ്പെട്ടിടത്ത് സി.പി.എം ചുമതല ഏറ്റെടുക്കുകയാണെന്നും സമസ്​ത മുഖപത്രമായ സുപ്രഭാതം എഡിറ്റോറിയൽ എഴുതിയിരുന്നു.