ചെന്നിത്തലയുടെ മനോനില തെറ്റി, ചികിത്സ തേടണം -എ. വിജയരാഘവൻ

തൃശൂർ: രാജ്യസഭ തെരഞ്ഞെടുപ്പ് മേയ് രണ്ടിനകം നടത്തണമെന്ന ഹൈകോടതി വിധിയുടെ പശ്ചാത്തലത്തിൽ തീയതി ഉടൻ പ്രഖ്യാപിക്കണമെന്ന് സി.പി.എം സംസ്ഥാന സെക്രട്ടറി എ. വിജയരാഘവൻ വാർത്തസമ്മേളനത്തിൽ ആവശ്യപ്പെട്ടു. നേരത്തെ തീയതി പ്രഖ്യാപിച്ച ശേഷം കമീഷൻ മാറ്റിയത് ബി.ജെ.പിയുടെ രാഷ്​ട്രീയസമ്മർദം മൂലമാണ്. ഇത് മനസ്സിലാക്കിയാണ് സി.പി.എം ഹൈകോടതിയെ സമീപിച്ചത്. ജനാധിപത്യത്തി​െൻറ ഉള്ളടക്കം കാത്തുസൂക്ഷിക്കേണ്ടതി​െൻറ ആവശ്യകത ചൂണ്ടിക്കാണിക്കുന്നതാണ് വിധി.

നിലവിൽ എൽ.ഡി.എഫിന് മുൻതൂക്കമുള്ള സഭയിൽ രണ്ട് അംഗങ്ങളെ വിജയിപ്പിക്കാൻ സാധിക്കും. ഒരു​ സീറ്റ്​ യു.ഡി.എഫിനും ലഭിക്കും. തെരഞ്ഞെടുപ്പ് മാറ്റി​െവച്ചതിൽ കോൺഗ്രസ് പ്രതികരിക്കാതിരുന്നത് എന്താണെന്നും വിജയരാഘവൻ ചോദിച്ചു.മുഖ്യമന്ത്രിക്കെതിരെ പ്രതിപക്ഷ നേതാവ് നടത്തുന്ന പദപ്രയോഗങ്ങൾ അതിര്​ കടന്നതാണ്. രമേശ് ചെന്നിത്തലയുടെ മനോനില തെറ്റിയിരിക്കുകയാണ്​. അതിന് ചികിത്സ തേടുകയാണ് വേണ്ടത്.

സി.പി.എം പ്രവർത്തക​െൻറ മരണവുമായി ബന്ധപ്പെട്ട് കോൺഗ്രസ് നേതാവ് കെ. സുധാകര​െൻറ പ്രസ്താവന ഗൗരവത്തോടെ കാണുന്നില്ല. കെ. സുധാകരന് പലതും പറയാം. മാധ്യമങ്ങളിൽ വാർത്ത വരാനുള്ള പതിവ് തന്ത്രം മാത്രമാണിത്​. മന്ത്രി കെ.ടി. ജലീലി​െൻറ വിഷയത്തിൽ പാർട്ടി നിലപാട് വ്യക്തമാക്കിയതാണ്. അത് നിയമപരമായി കൈകാര്യം ചെയ്യുന്നുണ്ടെന്നും വിജയരാഘവൻ പ്രതികരിച്ചു.