അ​ഞ്ച​ര​ക്കോ​ടി മു​ട​ക്കി നി​ർ​മി​ച്ച പാ​ർ​ക്ക് തു​റ​ന്നു​കൊ​ടു​ത്തു

ക​ഴ​ക്കൂ​ട്ടം: അ​ഞ്ച​ര​ക്കോ​ടി രൂ​പ മു​ട​ക്കി നി​ർ​മി​ച്ച് ഉ​ദ്ഘാ​ട​നം ക​ഴി​ഞ്ഞ് ഒ​ന്ന​ര​വ​ർ​ഷ​മാ​യി​ട്ടും ജ​ന​ങ്ങ​ൾ​ക്ക് തു​റ​ന്നു കൊ​ടു​ക്കാ​തി​രു​ന്ന ന​ഗ​ര​സ​ഭ​യു​ടെ പൗ​ണ്ട് ക​ട​വ് പാ​ർ​ക്ക് മേ​യ​ർ ആ​ര്യാ രാ​ജേ​ന്ദ്ര​ൻ വീ​ണ്ടും ഉ​ദ്ഘാ​ട​നം ചെ​യ്ത് ജ​ന​ങ്ങ​ൾ​ക്ക് തു​റ​ന്നു​കൊ​ടു​ത്തു. 'മാ​ധ്യ​മം'​വാ​ർ​ത്ത​യെ തു​ട​ർ​ന്നാ​ണ് ന​ട​പ​ടി. മു​ൻ രാ​ഷ്ട്ര​പ​തി ഡോ.​എ.​പി.​ജെ അ​ബ്ദു​ൽ ക​ലാ​മി​ന്റെ പേ​രി​ലാ​ണ് പാ​ർ​ക്ക് നി​ർ​മി​ച്ച​ത്.

ദേ​ശീ​യ ജ​ല​പാ​ത​യാ​യ പാ​ർ​വ​തീ പു​ത്ത​നാ​റി​നും തീ​ര​ദേ​ശ പാ​ത​ക്കും ഇ​ട​യി​ലു​ള്ള ഭൂ​മി​യി​ൽ മാ​ലി​ന്യ നി​ക്ഷേ​പ​ത്തി​ൽ പൊ​റു​തി മു​ട്ടി​യ​പ്പോ​ഴാ​ണ് അ​ന്ന് മേ​യ​റാ​യി​രു​ന്ന വി.​കെ. പ്ര​ശാ​ന്ത് ഇ​വി​ടം ഒ​രു പാ​ർ​ക്കി​നാ​യി പ​ദ്ധ​തി കൊ​ണ്ടു​വ​ന്ന​ത്.

തു​ട​ർ​ന്നാ​ണ് അ​മൃ​ത് പ​ദ്ധ​തി​യു​ടെ ഭാ​ഗ​മാ​യി അ​ഞ്ച​ര​ക്കോ​ടി രൂ​പ​ക്ക്​ ഒ​രു ഹ​രി​ത ഇ​ടം ഒ​രു​ക്കാ​ൻ ന​ഗ​ര​സ​ഭ തീ​രു​മാ​നി​ച്ച​ത്. പ​ദ്ധ​തി​ക്കാ​യി വി.​എ​സ്.​എ​സ്‌.​സി 16 സെ​ന്റ് സ്ഥ​ലം ന​ഗ​ര​സ​ഭ​ക്ക്​ കൈ​മാ​റി. 500ൽ ​അ​ധി​കം ഇ​നം ചെ​ടി​ക​ളും മ​ര​ങ്ങ​ളും സം​ര​ക്ഷി​ക്കാ​ൻ സ​ഹാ​യി​ക്കു​ന്ന ത​ര​ത്തി​ലാ​ണ് പ​ദ്ധ​തി രൂ​പ​ക​ൽ​പ​ന ചെ​യ്ത​ത്.

ഒ​ന്ന​ര കി​ലോ​മീ​റ്റ​ർ സൈ​ക്കി​ൾ ട്രാ​ക്ക്, ടോ​യ്‌​ല​റ്റ് കോം​പ്ല​ക്‌​സ്, ന​ട​പ്പാ​ത, എ​ക്‌​സി​ബി​ഷ​ൻ സെ​ന്റ​ർ, അ​ഗ്രോ ബ​സാ​ർ, ലാ​ൻ​ഡ് സ്കേ​പ് എ​ന്നി​വ പ​ദ്ധ​തി​യി​ലു​ണ്ട്. സൈ​ക്കി​ൾ പാ​ർ​ക്കും ന​ട​പ്പാ​ത​യും ടോ​യ്​​ലെ​റ്റ് കോം​പ്ല​ക്സും നി​ർ​മി​ച്ച് ന​ഗ​ര​സ​ഭാ തെ​ര​ഞ്ഞെ​ടു​പ്പി​ന് മു​മ്പ്​ ഉ​ദ്ഘാ​ട​നം ചെ​യ്തെ​ങ്കി​ലും മ​റ്റു ജോ​ലി​ക​ൾ പൂ​ർ​ത്തി​യാ​യി​രു​ന്നി​ല്ല. പാ​ർ​ക്ക് തു​റ​ക്കാ​ത്ത​തു കാ​ര​ണം ശൗ​ചാ​ല​യ​ത്തി​ലെ പൈ​പ്പു​ക​ൾ കാ​ണാ​നി​ല്ലാ​യി​രു​ന്നു. പ്ര​ദേ​ശ​മാ​കെ കാ​ടു​പി​ടി​ച്ച് ഇ​ഴ​ജ​ന്തു​ക്ക​ളു​ടെ​യും തെ​രു​വു​നാ​യ്ക്ക​ളു​ടെ​യും സാ​മൂ​ഹി​ക​വി​രു​ദ്ധ​രു​ടെ​യും കേ​ന്ദ്ര​മാ​യി മാ​റി.

പ്ര​ദേ​ശ​ത്തെ മാ​ലി​ന്യ നി​ക്ഷേ​പം പ​ഴ​യ​തി​നെ​ക്കാ​ൾ രൂ​ക്ഷ​മാ​യി​രു​ന്നു.