ഫുട്ബാൾ ടർഫ് നിർമാണത്തിനിടെ വീണ് യുവാവ് മരിച്ചു

കുനിശ്ശേരി: നാഗർകോവിലിൽ ഫുട്ബാൾ ടർഫ് നിർമാണത്തിനിടെ മുകളിൽനിന്ന് വീണ് കുനിശ്ശേരി സ്വദേശിയായ യുവാവ് മരിച്ചു. ആനക്കാംപറമ്പിൽ വാസുദേവന്റെ മകൻ അരുണാണ് (22) മരിച്ചത്. ചൊവ്വാഴ്ച ഉച്ചക്ക് ഒന്നോടെയാണ് അപകടം.

പോസ്റ്റ്മോർട്ടം നടപടിക്കുശേഷം മൃതദേഹം വഹിച്ചുള്ള ആംബുലൻസ് ബുധനാഴ്ച വൈകീട്ട് നാട്ടിലേക്ക് പുറപ്പെട്ടു. വ്യാഴാഴ്ച രാവിലെ എരിമയൂർ ചുള്ളിമടയിലെ വാതകശ്മശാനത്തിൽ സംസ്കരിക്കും. വെൽഡിങ് തൊഴിലാളിയായിരുന്നു. കരാറുകാരുടെ കീഴിൽ ജോലിക്കായി ഒരുമാസം മുമ്പാണ് വീട്ടിൽനിന്ന് പോയത്. മാതാവ്: പ്രിയ. സഹോദരി: അമൃത.