എസ്.ഡി.പി.ഐ പ്രവർത്തിക്കുന്നത്​ കോൺഗ്രസി​െൻറ ഘടകകക്ഷിയായെന്ന് ഡി.വൈ.എഫ്.ഐ

കോഴിക്കോട്: എസ്.ഡി.പി.ഐ പ്രവർത്തിക്കുന്നത്​ കോൺഗ്രസി​​െൻറ ഘടകകക്ഷിയായാണെന്ന് ഡി.വൈ.എഫ്.ഐ സംസ്ഥാന സെക്രട്ടറി എ .എ. റഹീം. വർഗീയത വേണ്ട ജോലി മതി എന്ന മുദ്രാവാക്യമുയർത്തി ആഗസ്​റ്റ്​ 15ലെ യൂത്ത് സ്ട്രീറ്റി​​െൻറ പ്രചാരണത്തിനുള്ള വടക്കൻ മേഖലജാഥയുടെ ഭാഗമായി വാർത്തസമ്മേളനത്തിൽ സംസാരിക്കുകയായിരുന്നു അദ്ദേഹം.

എസ്.ഡി.പി.ഐ കോൺഗ്രസ് കൂട്ടുകെട്ട് ലോക്സഭ ​െതരഞ്ഞെടുപ്പിൽ കണ്ടതാണ്. ഇടതു ഭരണകാലത്ത് രജിസ്​റ്റർ ചെയ്ത കേസുകൾ യു.ഡി.എഫ് പിൻവലിച്ചു. സ്വന്തം പ്രവർത്തകരെ കൊന്നിട്ടും മുല്ലപ്പള്ളി എസ്.ഡി.പി.ഐയുടെ പേര് പറയാൻ മടിക്കുകയാണ്. ഹർത്താലുകൾ നടത്തിയിരുന്നവർ അതൊന്നും ചെയ്യുന്നില്ല. രമേശ് ചെന്നിത്തല ചാവക്കാട് സംഭവത്തിൽ സി.ബി.ഐ അന്വേഷണം ആവശ്യപ്പെടുന്നില്ല. യു.ഡി.എഫിലെ ഘടകകക്ഷികൾക്കും ഇതേ നിലപാടാണോ എന്ന് വ്യക്തമാക്കണം .

ജേക്കബ് തോമസ് ലക്ഷണമൊത്ത ആർ.എസ്.എസുകാരനാണ്​. നിർണായക സ്ഥാനങ്ങളിൽനിന്ന് ഇദ്ദേഹത്തെ ഒഴിവാക്കണം. നിയമ പോരാട്ടത്തിലൂടെ ഇയാൾ സ്വന്തമാക്കിയ ഉത്തരവുകൾ മറികടക്കാൻ സംസ്ഥാന സർക്കാർ തയാറാവണം. പ്രോട്ടോ​േകാൾ പരിരക്ഷിക്കാനാണ് സമ്പത്തിന് കാബിനറ്റ് പദവി നൽകിയത്​. ഇക്കാര്യത്തിൽ ലാഭ-നഷ്​ടങ്ങൾ റിസൽറ്റ്​ വന്നതിനു ശേഷമാണ് പറയേണ്ടതെന്ന് അദ്ദേഹം പറഞ്ഞു. കെ. പ്രേംകുമാർ, ഗ്രീഷ്മ അജയ് ഘോഷ്, ജെയ്ക് സി. തോമസ്, പി. നിഖിൽ, വി. വസീഫ് എന്നിവരും വാർത്തസമ്മേളനത്തിൻ പങ്കെടുത്തു.