ഉപേക്ഷിക്കൽ മുതൽ കൊലപാതകം വരെ; ചോദ്യചിഹ്നമായി മുതിർന്നവരുടെ സുരക്ഷ

കൊ​ച്ചി: മ​ക്ക​ളു​ടെ അ​തി​ക്ര​മ​ങ്ങ​ളി​ൽ ജീ​വ​ൻ ന​ഷ്ട​പ്പെ​ടു​ന്ന​വ​രും അ​നാ​ഥ​രാ​ക്ക​പ്പെ​ടു​ന്ന​വ​രു​മാ​യ മാ​താ​പി​താ​ക്ക​ൾ വാ​ർ​ത്ത​ക​ളി​ൽ നി​റ​യു​മ്പോ​ൾ മു​തി​ർ​ന്ന പൗ​ര​ന്മാ​രു​ടെ സു​ര​ക്ഷ ചോ​ദ്യം​ചെ​യ്യ​പ്പെ​ടു​ന്നു. മാ​താ​പി​താ​ക്ക​ൾ​ക്കെ​തി​രെ ചെ​റു​തും വ​ലു​തു​മാ​യ നി​ര​വ​ധി അ​തി​ക്ര​മ​ങ്ങ​ളാ​ണ് അ​ര​ങ്ങേ​റുന്നത്. നി​ര​വ​ധി കേ​സു​ക​ളി​ൽ പൊ​ലീ​സ് അ​ന്വേ​ഷ​ണ​വും ന​ട​ക്കു​ന്നു​ണ്ട്. വ​യോ​ധി​ക​രോ​ടു​ള്ള അ​തി​ക്ര​മ​ങ്ങ​ൾ​ക്കെ​തി​രെ പ​രാ​തി​പ്പെ​ടാ​ൻ ​സാ​മൂ​ഹി​ക​നീ​തി വ​കു​പ്പി​ന്‍റെ നേ​തൃ​ത്വ​ത്തി​ൽ ആ​രം​ഭി​ച്ച 14567 എ​ന്ന എ​ൽ​ഡ​ർ ലൈ​ൻ ടോ​ൾ​ഫ്രീ ന​മ്പ​റി​ലേ​ക്ക് നി​ര​വ​ധി പ​രാ​തി​ക​ളാ​ണ് വ​രു​ന്ന​ത്.

ജ​നു​വ​രി വ​രെ 82,000 പ​രാ​തിക​ളാ​ണ് എ​ത്തി​യ​ത്. നേ​രി​ട്ട് ഇ​ട​പെ​ട​ൽ ആ​വ​ശ്യ​മാ​യ 2841 കേസുകളിൽ ഫീ​ൽ​ഡ്ത​ല ഇ​ട​പെ​ട​ൽ ന​ട​ത്തി. 2779 പ​രാ​തി​ക​ൾ തീ​ർ​പ്പാ​ക്കി. ബാ​ക്കി​യു​ള്ള കാ​ളു​ക​ൾ വൃ​ദ്ധ സ​ദ​ന​ങ്ങ​ളെ​ക്കു​റി​ച്ച് അ​റി​യാ​നും നി​യ​മ​പ​ര​മാ​യ ആ​വ​ശ്യ​ങ്ങ​ൾ​ക്കും മാ​ന​സി​ക പി​ന്തു​ണ​ക്കു​മൊ​ക്കെ വേ​ണ്ടി​യു​ള്ള​താ​യി​രു​ന്നു. പെ​ൻ​ഷ​ൻ, സ​ർ​ക്കാ​ർ പ​ദ്ധ​തി​ക​ൾ, എം.​ഡ​ബ്ല്യു.​പി.​എ​സ്.​സി നി​യ​മം എ​ന്നി​വ​യെ​ക്കു​റി​ച്ച് അ​റി​യാ​നും നി​ര​വ​ധി വിളിക​ളെ​ത്തി. ഏ​തെ​ങ്കി​ലും ത​ര​ത്തി​ലു​ള്ള അ​തി​ക്ര​മ​ത്തി​ന് ഇ​ര​യാ​കു​ന്ന​വ​ർ ഉ​ട​ൻ പൊ​ലീ​സി​നെ​യും സാ​മൂ​ഹി​ക നീ​തി വ​കു​പ്പി​നെ​യും ബ​ന്ധ​പ്പെ​ട​ണ​മെ​ന്ന് അധികൃതർ പറഞ്ഞു.

സു​ര​ക്ഷ വെ​ല്ലു​വി​ളി​ക​ൾ നേ​രി​ടു​ന്ന വ​യോ​ധി​ക​ർ​ക്കാ​യി സ​ർ​ക്കാ​റി​ന്‍റെ വി​വി​ധ പ​ദ്ധ​തി​ക​ളു​ണ്ട്. വ​യോ​ര​ക്ഷ പ​ദ്ധ​തി​യി​ലൂ​ടെ സാ​മൂ​ഹി​ക, ശാ​രീ​രി​ക ബു​ദ്ധി​മു​ട്ട് അ​നു​ഭ​വി​ക്കു​ന്ന​വ​ർ​ക്ക് അ​ടി​യ​ന്ത​ര വൈ​ദ്യ​സ​ഹാ​യം, പു​ന​ര​ധി​വാ​സം, നി​യ​മ​സ​ഹാ​യം തു​ട​ങ്ങി​യ സേ​വ​ന​ങ്ങ​ൾ ല​ഭ്യ​മാ​ക്കു​ന്നു​ണ്ട്.

സം​സ്ഥാ​ന​ത്തെ ആ​റ് കോ​ർ​പ​റേ​ഷ​നു​ക​ൾ, 85 മു​നി​സി​പ്പാ​ലി​റ്റി​ക​ൾ, നാ​ല് ബ്ലോ​ക്കു​ക​ൾ എ​ന്നി​വി​ട​ങ്ങ​ളി​ൽ വ​യോ​മി​ത്രം പ​ദ്ധ​തി​യു​മു​ണ്ട്. ഇ​തി​ൽ ര​ജി​സ്റ്റ​ർ ചെ​യ്യു​ന്ന​വ​ർ​ക്ക് വ​രു​മാ​ന പ​രി​ധി ബാ​ധ​ക​മാ​ക്കാ​തെ സൗ​ജ​ന്യ ജീ​വി​ത ശൈ​ലി രോ​ഗ​നി​യ​ന്ത്ര​ണ മ​രു​ന്നു​ക​ൾ, പാ​ലി​യേ​റ്റി​വ് സേ​വ​നം, ഹെ​ൽ​പ് ഡെ​സ്കി​ന്‍റെ സേ​വ​നം, കൗ​ൺ​സ​ലി​ങ്, വാ​തി​ൽ​പ​ടി സേ​വ​നം എ​ന്നി​വ ന​ൽ​കു​ന്നു​ണ്ട്. ഹെ​ൽ​പ് ഡെ​സ്കി​ലൂ​ടെ പു​ന​ര​ധി​വാ​സം, നി​യ​മ​സ​ഹാ​യം, ആം​ബു​ല​ൻ​സ് സേ​വ​നം തു​ട​ങ്ങി​യ​വ​ക്കു​ള്ള ന​ട​പ​ടി​ക​ളും ചെ​യ്തു​വ​രു​ന്നു​ണ്ട്.