മുതിർന്ന തീവണ്ടിയാത്രക്കാരുടെ ഇളവ് റദ്ദാക്കിയത് തിരുത്തണമെന്ന് സമദാനി ലോക്സഭയിൽ
text_fieldsന്യൂഡൽഹി: കേന്ദ്രസർക്കാർ ഇപ്പോഴും അവശ വിഭാഗങ്ങളുടെ ക്ഷേമത്തിലാണ് കൈവെക്കുന്നതെന്ന് എം.പി അബ്ദുസമദ് സമദാനി എം.പി. അതിന് തെളിവാണ് മുതിർന്ന യാത്രക്കാർക്കുണ്ടായിരുന്ന യാത്രാ ഇളവുകൾ റദ്ദ് ചെയ്തുകൊണ്ടുള്ള നടപടിയെന്ന് അദ്ദേഹം ലോക്സഭയിൽ പറഞ്ഞു. നടപടി പിൻവലിച്ച് ഇളവുകൾ പുന:സ്ഥാപിക്കണമെന്നും അദ്ദേഹം ആവശ്യപ്പെട്ടു.
കോർപറേറ്റ് കാര്യങ്ങൾക്ക് മുൻതൂക്കം നൽകുന്ന കേന്ദ്ര സാമ്പത്തികനയങ്ങൾ ന്യൂനപക്ഷങ്ങളെയും ദലിതരെയും പാവപ്പെട്ട ജനവിഭാഗങ്ങളെയും പാർശ്വവൽകൃതരെയും തഴയുകയാണ് ചെയ്യുന്നതെന്ന് ധനാഭ്യർത്ഥന സംബന്ധിച്ച ചർച്ചയിൽ പങ്കെടുത്തുകൊണ്ട് സമദാനി പറഞ്ഞു.
പൊതുമേഖലാ സ്ഥാപനങ്ങൾ പാട്ടത്തിനു കൊടുക്കുന്നതും ഈ മേഖലയിൽ സ്വകാര്യ പങ്കാളിത്തം അനുവദിക്കുന്നതും ദേശീയ താൽപര്യത്തിന് നിരക്കുന്നതല്ല. പൊതുമേഖലാ സ്ഥാപനങ്ങൾ രാജ്യത്തിന്റെ സ്വാതന്ത്യത്തിന്റെ പ്രതീകങ്ങളും ദേശീയതയുടെ ചിഹ്നങ്ങളുമാണ്. കോഴിക്കോട് വിമാനത്താവളത്തിന്റെ സ്വകാര്യവൽക്കരണത്തെ എതിർക്കുന്നതായും സമദാനി വ്യക്തമാക്കി.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.