അഭയ കേസ്​: ഫാദർ തോമസ് കോട്ടൂരും സിസ്റ്റർ സെഫിയും വിചാരണ നേരിടണം

കൊച്ചി: കോട്ടയം പയസ്​ ടെൻത്​ കോൺവ​െൻറിൽ സിസ്​റ്റര്‍ അഭയ കൊല്ലപ്പെട്ട കേസിൽ ഒന്നും മൂന്നും പ്രതികളായ ഫാ. തോ മസ് കോട്ടൂരും സിസ്​റ്റര്‍ സെഫിയും വിചാരണ നേരിടണമെന്ന് ഹൈകോടതി. രണ്ടാംപ്രതിയായിരുന്ന ഫാ. ജോസ്​ പൂതൃക്കയിലിന െ കേസിൽനിന്ന്​ ഒഴിവാക്കിയ സി.ബി.ഐ കോടതി ഉത്തരവ്​ ഹൈകോടതി ശരിവെച്ചു.

അതേസമയം, തെളിവ്​ നശിപ്പിച്ചതിന്​ മുൻ ക്രൈംബ്രാഞ്ച്​ എസ്​.പി കെ.ടി. മൈക്കിളിനെ നാലാം പ്രതിയാക്കിയ നടപടി റദ്ദാക്കി. കേസില്‍നിന്ന് ഒഴിവാക്കണമെന്നാവശ ്യപ്പെട്ട്​ നൽകിയ ഹരജി സി.ബി.ഐ കോടതി തള്ളിയതിനെതിരെ ഒന്നും മൂന്നും പ്രതികളും രണ്ടാംപ്രതിയെ ഒഴിവാക്കിയതിനെതിരെ പൊതുപ്രവർത്തകനായ ജോമോൻ പുത്തൻപുരക്കലും പ്രതി ചേർത്തതിനെതിരെ കെ.ടി. മൈക്കിളും നൽകിയ ഹരജികളാണ്​ ജസ്​റ്റിസ്​ സുനിൽ തോമസ്​ പരിഗണിച്ചത്​.

ഫാ. തോമസ് കോട്ടൂരിനും സിസ്​റ്റര്‍ സെഫിക്കുമെതിരെ പ്രഥമദൃഷ്​ട്യാ തെളിവുള്ളതിനാൽ ഇരുവരും വിചാരണ നേരിടേണ്ടതുണ്ടെന്ന്​ സിംഗിൾ ബെഞ്ച്​ വിധിയിൽ പറയുന്നു. എന്നാൽ, തെളിവുകളുടെ അഭാവത്തിൽ ജോസ് പുതൃക്കയില്‍ വിചാരണ നേരിടേണ്ടതില്ല. പ്രതിയാക്കാന്‍ വേണ്ട തെളിവുകളില്ലെന്ന്​ ചൂണ്ടിക്കാട്ടിയാണ്​ ക്രൈംബ്രാഞ്ച് മുന്‍ എസ്.പി കെ.ടി. മൈക്കിളിനെ നാലാം പ്രതിയാക്കിയ സി.ബി.ഐ കോടതി നടപടി റദ്ദാക്കിയത്​. ​

അതേസമയം, കേസി​​െൻറ വിചാരണ വേളയില്‍ കൂടുതല്‍ തെളിവുകള്‍ ലഭിക്കുകയാണെങ്കില്‍ ക്രിമിനല്‍ നടപടിച്ചട്ടങ്ങളിലെ 319ാം വകുപ്പ് പ്രകാരം മൈക്കിളിനെ പ്രതിയാക്കാവുന്നതാണെന്നും കോടതി വ്യക്തമാക്കിയിട്ടുണ്ട്. വളരെ പഴയ കേസാണിതെന്നും അതിനാല്‍ വിചാരണക്കോടതി അതിവേഗം നടപടി പൂര്‍ത്തിയാക്കണമെന്നും ഉത്തരവിൽ പറയുന്നു.

1992 മാര്‍ച്ച് 27നാണ് കോണ്‍വ​െൻറിലെ കിണറ്റില്‍ അഭയയെ മരിച്ചനിലയില്‍ കണ്ടെത്തിയത്. കോട്ടയം വെസ്​റ്റ്​ പൊലീസ് അന്വേഷിച്ച കേസ് പിന്നീട് ക്രൈംബ്രാഞ്ചിന് കൈമാറി. മരണം ആത്​മഹത്യയാണെന്നാണ് ആദ്യം എസ്.ഡി.എമ്മിന് റിപ്പോര്‍ട്ട് നല്‍കിയത്. സര്‍ക്കാര്‍ ശിപാര്‍ശപ്രകാരം അന്വേഷണം ഏറ്റെടുത്ത സി.ബി.ഐ 1996 ഡിസംബര്‍ അഞ്ചിന് അന്തിമറിപ്പോര്‍ട്ട് നല്‍കി.

ആത്മഹത്യയാണോ കൊലപാതകമാണോ എന്ന് വ്യക്​തതയില്ലെന്ന റിപ്പോര്‍ട്ട് ചീഫ് ജുഡീഷ്യല്‍ മജിസ്ട്രേറ്റ് (സി.ജെ.എം) അംഗീകരിച്ചില്ല. തുടർന്ന്​ രണ്ടുതവണ തുടരന്വേഷണം നടത്തി നൽകിയ റിപ്പോർട്ടും തള്ളി. സി.ബി.ഐ ഡിവൈ.എസ്​.പി നന്ദകുമാരന്‍ നായർ നടത്തിയ അന്വേഷണത്തിലാണ്​ കോട്ടയം ബി.സി.എം കോളജിലെ മനഃശാസ്ത്ര അധ്യാപകനായിരുന്ന ഫാ. തോമസ് കോട്ടൂര്‍, ഇതേ കോളജിലെ അധ്യാപകനും കത്തോലിക് മിഷന്‍ പ്രസ് മാനേജരുമായിരുന്ന ഫാ. ജോസ് പൂതൃക്കയില്‍, പയസ് ടെന്‍ത് കോണ്‍വ​െൻറിലെ അന്തേവാസി സിസ്​റ്റര്‍ സെഫി എന്നിവരെ പ്രതികളാക്കി 2009 ജൂലൈ 17ന് അന്തിമ റിപ്പോര്‍ട്ട്​ നൽകിയത്​.

ഒന്നും രണ്ടും പ്രതികള്‍ക്ക് മൂന്നാം പ്രതിയുമായുള്ള അവിശുദ്ധബന്ധം ശ്രദ്ധയില്‍പെട്ട സിസ്​റ്റര്‍ അഭയയെ കോടാലികൊണ്ട് തലക്കടിച്ച് ബോധരഹിതയാക്കിയ ശേഷം കിണറ്റിലിട്ടെന്നായിരുന്നു സി.ബി.ഐയുടെ കണ്ടെത്തല്‍.