അഭിമന്യു വധം: രണ്ടു​ പ്രതികൾ ജാമ്യാപേക്ഷ നൽകി

കൊച്ചി: മഹാരാജാസ് കോളജ് വിദ്യാർഥി അഭിമന്യുവിനെ കൊലപ്പെടുത്തിയ കേസിലെ രണ്ടു പ്രതികൾ ജാമ്യം തേടി  കോടതിയെ സമീപിച്ചു. ജുഡീഷ്യൽ കസ്​റ്റഡിയിൽ കഴിയുന്ന നെട്ടൂർ സ്വദേശി സൈഫു​ദ്ദീൻ,  മട്ടാഞ്ചേരി സ്വദേശി നവാസ്​ എന്നിവരാണ്​ എറണാകുളം പ്രിൻസിപ്പൽ സെഷൻസ്​ കോടതിയിൽ ജാമ്യാപേക്ഷ നൽകിയത്​. 

മജിസ്​ട്രേറ്റ്​ കോടതി ജാമ്യാപേക്ഷ തള്ളിയതിനെത്തുടർന്നാണ്​ സെഷൻസ്​ ​േകാടതിയെ സമീപിച്ചത്​. തങ്ങൾ നിരപരാധികളാണെന്നും തെറ്റായാണ്​ കേസിലുൾപ്പെടുത്തി​യതെന്നും അന്വേഷണവുമായി സഹകരിക്കാൻ തയാറാണെന്നും ഇരുവരും ജാമ്യാപേക്ഷയിൽ പറഞ്ഞു. അപേക്ഷകൾ കോടതി അടുത്ത ദിവസം പരിഗണിക്കും.