അഞ്ചു വർഷമായി ​ഗ്രാന്‍റ്​ നിഷേധിക്കപ്പെട്ട്​ 6000ത്തോളം അനാഥക്കുട്ടികൾ

മ​ല​പ്പു​റം: ബാ​ല​നീ​തി നി​യ​മ​പ്ര​കാ​രം ര​ജി​സ്റ്റ​ർ ചെ​യ്യ​പ്പെ​ടാ​ത്ത​തി​​ന്‍റെ പേ​രി​ൽ സം​സ്ഥാ​ന​ത്തെ 136 ഓ​ർ​ഫ​നേ​ജു​ക​ളി​ലെ 6000ത്തോ​ളം കു​ട്ടി​ക​ൾ​ക്ക്​ സം​സ്ഥാ​ന സ​ർ​ക്കാ​ർ, ​ഗ്രാ​ന്‍റ്​ നി​ഷേ​ധി​ക്കു​ന്നു. സം​സ്ഥാ​ന ഓ​ർ​ഫ​നേ​ജ്​ ക​ൺ​ട്രോ​ൾ ബോ​ർ​ഡി​ൽ ര​ജി​സ്റ്റ​ർ ചെ​യ്തി​ട്ടും അ​ഞ്ചു വ​ർ​ഷ​ത്തി​ലേ​റെ​യാ​യി ഈ ​സ്ഥാ​പ​ന​ങ്ങ​ളി​ലെ കു​ട്ടി​ക​ൾ​ക്ക്​ ​ഗ്രാ​ന്‍റ്​ കി​ട്ടു​ന്നി​ല്ല.

ബാ​ല​നീ​തി നി​യ​മ​ത്തി​ൽ പ​റ​യു​ന്ന കു​ട്ടി​യും ഓ​ർ​ഫ​നേ​ജി​ലെ കു​ട്ടി​യും നി​ർ​വ​ച​ന​ത്തി​ൽ വ്യ​ത്യാ​സ​മു​ണ്ടെ​ന്നും ഈ ​നി​യ​മ​ത്തി​​ന്‍റെ പ​രി​ധി​യി​ൽ​നി​ന്ന് മു​സ്​​ലിം ഓ​ർ​ഫ​നേ​ജു​ക​ളെ ഒ​ഴി​വാ​ക്ക​ണ​മെ​ന്നും ആ​വ​ശ്യ​പ്പെ​ട്ട്​ 2018ൽ ​സ​മ​സ്ത കേ​ര​ള ജം​ഇ​യ​തു​ൽ ഉ​ല​മ സു​പ്രീം​കോ​ട​തി​യെ സ​മീ​പി​ച്ചി​രു​ന്നു.

പ​ല അ​നാ​ഥാ​ല​യ​ങ്ങ​ളും വ​ഖ​ഫ്​ സ്ഥാ​പ​ന​ങ്ങ​ളാ​യ​തി​നാ​ൽ വ​ഖ​ഫ്​ ബോ​ർ​ഡ്​ നി​യ​ന്ത്ര​ണ​ത്തി​ലു​ള്ള​താ​ണെ​ന്നും ഹ​ര​ജി​യി​ൽ വ്യ​ക്ത​മാ​ക്കി. ഈ ​കേ​സി​​ന്‍റെ ഇ​ട​ക്കാ​ല വി​ധി​യി​ൽ സ​മ​സ്ത​ക്ക്​ കീ​ഴി​ലു​ള്ള ഓ​ർ​ഫ​നേ​ജു​ക​ൾ​ക്കെ​തി​രെ ബാ​ല​നീ​തി നി​യ​മ​പ്ര​കാ​രം ന​ട​പ​ടി എ​ടു​ക്ക​രു​തെ​ന്ന്​ സു​പ്രീം​കോ​ട​തി ഉ​ത്ത​ര​വ്​ പു​റ​പ്പെ​ടു​വി​ച്ചി​രു​ന്നു.

നേ​ര​ത്തേ, സ​ഹാ​യം ല​ഭി​ച്ചു​വ​ന്ന ഓ​ർ​ഫ​നേ​ജു​ക​ൾ​ക്കാ​ണ്​ ബാ​ല​നീ​തി നി​യ​മ​ത്തി​ൽ ര​ജി​സ്റ്റ​ർ ചെ​യ്തി​ല്ലെ​ന്ന കാ​ര​ണ​ത്താ​ൽ സാ​മൂ​ഹി​ക നീ​തി​വ​കു​പ്പ്​, ഗ്രാ​ന്‍റ്​ നി​ഷേ​ധി​ക്കു​ന്ന​ത്. സു​പ്രീം​കോ​ട​തി​യു​ടെ ഇ​ട​ക്കാ​ല​വി​ധി​യു​ണ്ടാ​യി​ട്ടും, ഓ​ർ​ഫ​നേ​ജു​ക​ൾ​ക്ക്​ വ​ലി​യ ആ​ശ്വാ​സ​മാ​യി​രു​ന്ന ഗ്രാ​ന്‍റ്​ പു​നഃ​സ്ഥാ​പി​ക്കാ​ൻ സ​ർ​ക്കാ​ർ ത​യാ​റാ​യി​ട്ടി​ല്ല.

ഓ​ർ​ഫ​നേ​ജ്​ ക​ൺ​ട്രോ​ൾ ബോ​ർ​ഡി​ൽ ര​ജി​സ്​​റ്റ​ർ ചെ​യ്ത, വൃ​ദ്ധ​മ​ന്ദി​ര​ങ്ങ​ളും അ​നാ​ഥാ​ല​യ​ങ്ങ​ളും ഉ​ൾ​പ്പെ​ടെ 1800ഓ​ളം സ്ഥാ​പ​ന​ങ്ങ​ൾ സം​സ്ഥാ​ന​ത്തു​ണ്ടെ​ങ്കി​ലും ഗ്രാ​ന്‍റ്​ ല​ഭി​ക്കു​ന്ന​ത്​ 400 എ​ണ്ണ​ത്തി​ന് മാ​ത്രം. നി​ല​വി​ൽ, ഗ്രാ​ന്‍റ്​ കി​ട്ടു​ന്ന സ്ഥാ​പ​ന​ങ്ങ​ൾ​ക്കും ഒ​രു വ​ർ​ഷം മു​ത​ൽ മൂ​ന്നു വ​ർ​ഷം വ​രെ കു​ടി​ശ്ശി​ക​യാ​ണ്. ഒ​രു കു​ട്ടി​ക്ക്​ പ്ര​തി​മാ​സം 110 രൂ​പ​യാ​യി​രു​ന്ന ഗ്രാ​ന്‍റ്​ 1200 രൂ​പ​യാ​യി വ​ർ​ധി​പ്പി​ച്ച്​ 2023ൽ ​ഉ​ത്ത​ര​വി​റ​ങ്ങി​യി​ട്ടും ഇ​പ്പോ​ഴും ന​ൽ​കു​ന്ന​ത്​ 1100 രൂ​പ.

ഫ​ണ്ടി​ന്‍റെ അ​പ​ര്യാ​പ്ത​ത​യാ​ണ്​ കു​ടി​ശ്ശി​ക​യാ​കാ​ൻ കാ​ര​ണ​മെ​ന്ന്​ സാ​മൂ​ഹി​ക നീ​തി വ​കു​പ്പ്​ അ​ധി​കൃ​ത​ർ പ​റ​യു​ന്നു. നേ​ര​ത്തേ, ഓ​ർ​ഫ​നേ​ജ്​ ക​ൺ​േ​​​ട്രാ​ൾ ബോ​ർ​ഡ്​ അ​നാ​ഥാ​ല​യ​ങ്ങ​ളി​ലെ കു​ട്ടി​ക​ൾ​ക്കു​വേ​ണ്ടി ജി​ല്ല, സം​സ്ഥാ​ന​ത​ല​ങ്ങ​ളി​ൽ ഓ​ർ​ഫ​നേ​ജ്​ ഫെ​സ്റ്റ്​ സം​ഘ​ടി​പ്പി​ച്ചി​രു​ന്നു.

ജി​ല്ല ഫെ​സ്റ്റി​ന്​ 50,000 രൂ​പ​യും സം​സ്ഥാ​ന ഫെ​സ്റ്റി​ന്​ ഒ​രു ല​ക്ഷം രൂ​പ​യും സ​ർ​ക്കാ​ർ സ​ഹാ​യം അ​നു​വ​ദി​ച്ചി​രു​ന്നു. 2017 മു​ത​ൽ പ്ര​ത്യേ​ക കാ​ര​ണം ഒ​ന്നും പ​റ​യാ​തെ, ഫെ​സ്റ്റി​നു​ള്ള സ​ഹാ​യം നി​ർ​ത്തി. ഇ​പ്പോ​ൾ വി​വി​ധ ഓ​ർ​ഫ​നേ​ജ്​ അ​സോ​സി​യേ​ഷ​നു​ക​ൾ സ്വ​ന്തം​നി​ല​ക്കാ​ണ്​ ഫെ​സ്റ്റ്​ സം​ഘ​ടി​പ്പി​ക്കു​ന്ന​ത്.

ഫെ​സ്റ്റു​ക​ൾ​ക്കു​ള്ള സ​ഹാ​യം പു​നഃ​സ്ഥാ​പി​ക്ക​ണ​മെ​ന്നും ഗ്രാ​ന്‍റു​മാ​യി ബ​ന്ധ​പ്പെ​ട്ട പ​രാ​തി​ക​ൾ ഉ​ട​ൻ പ​രി​ഹ​രി​ക്ക​ണ​മെ​ന്നും അ​സോ​സി​യേ​ഷ​ൻ ഓ​ഫ്​ ഓ​ർ​ഫ​നേ​ജ​സ്​ ആ​ൻ​ഡ്​ ചാ​രി​റ്റ​ബ്ൾ ഇ​ൻ​സ്റ്റി​റ്റ്യൂ​ഷ​ൻ​സ്​ പ്ര​സി​ഡ​ന്‍റ്​ ലി​ജോ ചി​റ്റി​ല​പ്പ​ള്ളി​യും ജ​ന. സെ​ക്ര​ട്ട​റി അ​ഡ്വ. പി.​വി. സൈ​നു​ദ്ദീ​നും ആ​വ​ശ്യ​പ്പെ​ട്ടു.