മോഷണക്കേസിൽ ഒളിവിൽ കഴിഞ്ഞയാൾ പിടിയിൽ
text_fieldsകുര്യൻ
ഏറ്റുമാനൂർ: മോഷണക്കേസിൽ കോടതിയിൽനിന്ന് ജാമ്യത്തിലിറങ്ങി ഒളിവിൽ കഴിഞ്ഞയാൾ വർഷങ്ങൾക്കുശേഷം പിടിയിലായി. കൈപ്പുഴ മുണ്ടയ്ക്കൽ വീട്ടിൽ എം.സി. കുര്യനെയാണ് (62) ഏറ്റുമാനൂർ പൊലീസ് അറസ്റ്റ് ചെയ്തത്.
2016 ഏപ്രിലിൽ ആനമല സെന്റ് ജൂഡ് പള്ളിയുടെ നേർച്ചപ്പെട്ടി കുത്തിത്തുറന്ന് പണം മോഷ്ടിച്ച കേസിൽ ഏറ്റുമാനൂർ പൊലീസ് ഇയാളെ അറസ്റ്റ് ചെയ്തിരുന്നു. പിന്നീട് കോടതിയിൽനിന്ന് ജാമ്യത്തിലിറങ്ങിയ ഇയാൾ ഒളിവിൽപോയി. ജില്ല പൊലീസ് മേധാവിയുടെ നിർദേശത്തെ തുടർന്ന് നടത്തിയ തിരച്ചിലിൽ ഇയാളെ പിടികൂടുകയായിരുന്നു. കോടതിയിൽ ഹാജരാക്കിയ ഇയാളെ റിമാൻഡ് ചെയ്തു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.