കോ​ണ്‍ഗ്ര​സ് നേ​താ​വു​മാ​യി വീട്ടമ്മക്ക് ബ​ന്ധ​മെന്ന് മറ്റൊരു നേതാവ്: മുഖ്യമന്ത്രിക്ക് പരാതി നൽകി

മ​ര​ട്: പ​ട്ടി​ക​ജാ​തി വി​ഭാ​ഗ​ത്തി​ല്‍പ്പെ​ട്ട വീ​ട്ട​മ്മ​ക്കെ​തി​രെ വ്യാ​ജ പ്ര​ചാ​ര​ണം ന​ട​ത്തി​യെ​ന്നാ​രോ​പി​ച്ച് കോ​ണ്‍ഗ്ര​സ് നേ​താ​വി​നെ​തി​രെ ന​ല്‍കി​യ കേ​സി​ല്‍ അ​ന്വേ​ഷ​ണം കാ​ര്യ​ക്ഷ​മ​മ​ല്ലെ​ന്നു​കാ​ട്ടി പ​രാ​തി​ക്കാ​രി​യും കു​ടും​ബ​വും മു​ഖ്യ​മ​ന്ത്രി​ക്ക് പ​രാ​തി ന​ല്‍കി. ഐ.​എ​ന്‍.​ടി.​യു.​സി നേ​താ​വും കു​മ്പ​ളം പ​ഞ്ചാ​യ​ത്ത് മു​ന്‍ വൈ​സ് പ്ര​സി​ഡ​ന്റു​മാ​യ ശ്രീ​ജി​ത് പാ​റ​ക്കാ​ട​നെ​തി​രെ​യാ​ണ് വീ​ട്ട​മ്മ പ​ന​ങ്ങാ​ട് പൊ​ലീ​സി​ൽ പ​രാ​തി ന​ൽ​കി​യ​ത്.

അ​പ​കീ​ര്‍ത്തി​പ്പെ​ടു​ത്ത​ല്‍, പ​ട്ടി​ക​ജാ​തി-​പ​ട്ടി​ക​വ​ർ​ഗ സം​ര​ക്ഷ​ണ നി​യ​മം എ​ന്നി​വ പ്ര​കാ​ര​മാ​ണ് കേ​സെ​ടു​ത്ത​ത്. അ​സി. പൊ​ലീ​സ് ക​മീ​ഷ​ണ​ര്‍ക്കാ​ണ് അ​ന്വേ​ഷ​ണ​ച്ചു​മ​ത​ല. ജൂ​ലൈ 13ന് ​പ​രാ​തി കൊ​ടു​ത്തെ​ങ്കി​ലും സ്റ്റേ​ഷ​നി​ല്‍ വി​ളി​ച്ചു​വ​രു​ത്തി സം​സാ​രി​ക്കാ​നോ ന​ട​പ​ടി​ക​ളെ​ടു​ക്കാ​നോ പൊ​ലീ​സ്​ ത​യാ​റാ​കു​ന്നി​ല്ലെ​ന്ന് പ​രാ​തി​ക്കാ​രി ആ​രോ​പി​ക്കു​ന്നു.

കു​മ്പ​ള​ത്ത് ത​ന്നെ​യു​ള്ള മ​റ്റൊ​രു കോ​ണ്‍ഗ്ര​സ് നേ​താ​വു​മാ​യി വീ​ട്ട​മ്മ​ക്ക്​ ബ​ന്ധ​മു​ണ്ടെ​ന്ന് ശ്രീ​ജി​ത് വ്യാ​ജ​പ്ര​ചാ​ര​ണം ന​ട​ത്തി​യെ​ന്നാ​ണ് പ​രാ​തി​യി​ൽ പ​റ​യു​ന്ന​ത്. അ​തേ​സ​മ​യം, വീ​ട്ട​മ്മ പ​ണ​ത്തി​നു​വേ​ണ്ടി ത​നി​ക്കെ​തി​രെ ക​ള്ള​പ​രാ​തി ന​ല്‍കി​യ​താ​ണെ​ന്നാ​ണ് ശ്രീ​ജി​ത്തി​ന്റെ ആ​രോ​പ​ണം.