എടപ്പാൾ നടുവട്ടത്ത് ചരക്കുലോറിയും കാറും കൂട്ടിയിടിച്ച് രണ്ടു മരണം

എടപ്പാൾ: സംസ്ഥാന പാതയിൽ നടുവട്ടത്ത് കാറും ചരക്കു ലോറിയും കൂട്ടിയിടിച്ചു രണ്ടുപേർ മരിച്ചു. നരിപ്പറമ്പ് പുതുപ്പറമ്പിൽ മുഹമ്മദിന്റെ മകൻ അബ്ദുൽ ഗഫൂർ (42), മാതാവ് കുഞ്ഞാത്തുട്ടി (82) എന്നിവരാണ് മരിച്ചത്. ഇന്നു പുലർച്ചെ ഒന്നിനായിരുന്നു അപകടം. കാറിലുണ്ടായിരുന്ന മറ്റു മൂന്നു പേർക്ക് പരിക്കേറ്റു. ഇവരെ തൃശൂരിലെ ആശുപത്രിയിൽ പ്രവേശിപ്പിച്ചു.