വണ്ടിപ്പെരിയാർ കേസ്: പ്രതി രക്ഷപ്പെട്ടത് രാഷ്ട്രീയ പശ്ചാത്തലത്തിൽ -കെ. സുധാകരൻ

ഇടുക്കി: വണ്ടിപ്പെരിയാർ പീഡനക്കൊലക്കേസിൽ പ്രതി രക്ഷപ്പെട്ടത് രാഷ്ട്രീയ പശ്ചാത്തലത്തിലാണെന്ന് കെ.പി.സി.സി പ്രസിഡന്‍റ് കെ. സുധാകരൻ. കൊല്ലപ്പെട്ട പെൺകുട്ടിയുടെ വീട് സന്ദർശിച്ച ശേഷമായിരുന്നു കെ. സുധാകരന്‍റെ പ്രതികരണം.

കേസ് ഈ രീതിയിലായത് പ്രതിയുടെ രാഷ്ട്രീയം, രാഷ്ട്രീയ സ്വാധീനം, പൊലീസ് നടത്തിയ അഭ്യാസം തുടങ്ങിയ പശ്ചാത്തലത്തിലാണ് എന്നത് വ്യക്തമാണ്. മാധ്യമങ്ങൾക്കും രാഷ്ട്രീയക്കാർക്കും സമൂഹത്തിനും ഇക്കാര്യത്തൽ സംശ‍യമില്ല. സി.ബി.ഐ പോലുള്ള അന്വേഷണ ഏജൻസിയെ വെച്ചുകൊണ്ടുള്ള അന്വേഷണമാണ് ആവശ്യപ്പെടുന്നത് -സുധാകരൻ മാധ്യമപ്രവർത്തകരോട് പറഞ്ഞു.

വ​ണ്ടി​പ്പെ​രി​യാ​ർ ചു​ര​ക്കു​ളം എ​സ്റ്റേ​റ്റ് ല​യ​ത്തി​ൽ ആ​റു​വ​യ​സ്സു​കാ​രി​യെ ലൈം​ഗി​ക​മാ​യി പീ​ഡി​പ്പി​ച്ച്​ കൊ​ന്ന കേ​സി​ൽ പ്ര​തി​യെ വെ​റു​തെ​വി​ടുകയായിരുന്നു. വി​ധി​ക്ക്​ പി​ന്നാ​ലെ കു​ട്ടി​യു​ടെ മാ​താ​പി​താ​ക്ക​ളും നാ​ട്ടു​കാ​രു​മ​ട​ക്കം സ​മ​ര​വു​മാ​യി രം​ഗ​ത്തെത്തിയിട്ടുണ്ട്. കോ​ട​തി വി​ധി​യി​ൽ പ്ര​തി​ഷേ​ധി​ച്ച് ഇന്നലെ വ​ണ്ടി​പ്പെ​രി​യാ​ർ പൊ​ലീ​സ്​ സ്റ്റേ​ഷ​നി​ലേ​ക്ക് ബാ​ലി​ക​യു​ടെ മാ​താ​പി​താ​ക്ക​ളും എ​സ്​​റ്റേ​റ്റ്​ ​തൊ​ഴി​ലാ​ളി​ക​ളും നാ​ട്ടു​കാ​രും വാ​യ് മൂ​ടി​ക്കെ​ട്ടി മാ​ർ​ച്ച്​ ന​ട​ത്തി. പ്ര​തി​യു​ടെ വീ​ട്ടി​ലേ​ക്ക് മാ​ർ​ച്ച് ന​ട​ത്താ​നു​ള്ള നാ​ട്ടു​കാ​രു​ടെ നീ​ക്കം പൊ​ലീ​സ് ഇ​ട​പെ​ട്ട് ത​ട​ഞ്ഞു.

പ്ര​തി​യെ വെ​റു​തെ​വി​ട്ട വി​ധി​ക്കെ​തി​രെ അ​ടു​ത്ത ആ​ഴ്ച ആ​ദ്യം പൊ​ലീ​സ് അ​പ്പീ​ൽ ന​ൽ​കും. വി​ധി റ​ദ്ദ് ചെ​യ്യ​ണ​മെ​ന്ന ആ​വ​ശ്യ​വും ഉ​ന്ന​യി​ക്കും. കേ​സ് ഫ​യ​ലു​ക​ൾ സ്‌​പെ​ഷ​ൽ പ​ബ്ലി​ക് പ്രോ​സി​ക്യൂ​ട്ട​ർ, ഡ​യ​റ​ക്ട​ർ ജ​ന​റ​ൽ ഓ​ഫ് പ്രോ​സി​ക്യൂ​ഷ​ന് കൈ​മാ​റി. ഡി.​ജി.​പി​യു​ടെ ഓ​ഫി​സി​ൽ​നി​ന്നു​ള്ള നി​യ​മ​വി​ദ​ഗ്​​ധ​ർ പ​രി​ശോ​ധി​ച്ച് അ​പ്പീ​ൽ ത​യാ​റാ​ക്കും. വി​ധി​ന്യാ​യ​ത്തി​ൽ അ​പ്പീ​ലി​നു​ള്ള സാ​ധ്യ​ത​ക​ൾ ക​ണ്ടെ​ത്തു​ന്ന​തി​നാ​ണ് നി​യ​മ​വി​ദ​ഗ്ധ​ർ പ​രി​ശോ​ധി​ക്കു​ന്ന​ത്.